Регионалната Ромска Образовна Младинска Асоцијација објавува повик за тренинг курсот, „„Acting for employment and fair treatment“ кој што ќе се одржи од 25.05.2025 (мај) до 05.06.2025 (јуни) во Бребу, Романија.
Ромите и младите од ранливи категории се соочуваат со значителни пречки при вработувањето поради дискриминација, недостаток на образование и јазични бариери. Овие пречки го ограничуваат нивниот пристап до работни можности, и покрај недостигот на работна сила во многу сектори. За да се подобрат нивните шанси на пазарот на трудот, од клучно значење е да се стекнат со вештини како техники за интервју, пишување CV и јавно говорење, додека истовремено се зајакнува нивната самодоверба и самопочит. Дополнително, подигањето на свеста за предрасудите и обезбедувањето алатки за борба против дискриминацијата може да помогнат во создавањето на поинклузивна и поправедна работна средина.
Цели на проектот:
- Подобрување на способноста на 42 млади учесници за спроведување на работни интервјуа.
- Помош на учесниците во препознавање на предрасудите и дискриминацијата на пазарот на трудот
- Користење на театарот како алатка за предизвикување и надминување на дискриминацијата.
- Зајакнување на самодовербата и самопочитта на учесниците.
На повикот може да се пријават:
- Млади Роми и не-Роми 18 – 25, 20+лидер (можни исклучоци)
- средношколци, младински работници, волонтери
- Mотивирани да се вклучат во преобликувањето на стратегијата за младинско ангажирање на нивните организации
- Работен јазик е англискиот јазик, но со можност за меѓусебна поддршка од страна на останатите учесници.
Трошоци поврзани со младинската размена и предвидените активности се покриени од страна на организаторите:
- Патни трошоци од закажаното место на поаѓање до местото на пристигнување и од местото на пристигнување до местото на поаѓање
- Сместување
- Храна
- Предвидени активности за време на младинската размена
- Изберените учесници НЕ плаќаат партиципација за учество на проектот.
Обврска на учесниците:
- Валиден пасош
- Патничко осигурување
- Патните трошоци од местото на живеење до местото на поаѓање.
Заинтересираните учесници можат да се пријават потполнувајќи ја апликацијата најдоцна до 12ти мај 2025 година, најдоцна до 18:00 часот!
https://forms.gle/A1W7pxEmAciHRMFp8
*ЗАДОЛЖИТЕЛНО пријавените учесници да имаат соодветни, нови (важечки) патни исправи (Пасош со новиот назив – Северна Македонија)