Регионалната Ромска Образовна Младинска Асоцијација објавува повик за младинската размена, “ROMA REMEMBRANCE AND SOLIDARITY” која што ќе се одржи од 09.12.2024 – 16.12.2024 ( 09ти и 16ти декември се денови за патување) во Берлин, Германија.
Проектот има за цел да ги истражи практиките и методите за вклучување и зајакнување на младите во рамките на младинските организации за справување со дискриминацијата, расизмот, ксенофобијата, особено антициганизмот. Исто така, се обидува да придонесе за развој на колективна меморија на сеќавање и комеморација преку зголемување на свеста за холокаустот и геноцидот на Ромите во Втората светска војна. Во 2024 година се одбележуваат 80 години од Холокаустот на Ромите и очигледно е дека признавањето на холокаустот на Ромите е сè уште многу ниско во земјите-членки на ЕУ.
Цели на проектот:
- Обезбедување платформа за 30 млади поединци од различни европски земји да се соберат, да споделат искуства и да создаваат заеднички визии и приказни користејќи уметнички и креативни методи на неформално образование;
- Зајакнување на учесниците преку зајакнување на нивниот идентитет, самосвест и самопочит, овозможувајќи им да се залагаат за нивната кауза;
- Изградба на капацитетите, креативноста и иницијативата на младите Роми, како и развивање човечки ресурси во ромските организации и мрежи посветени на активно граѓанство, инклузивно општество базирано на знаење и еднакво уживање на правата и одговорностите за сите европски граѓани.
На повикот може да се пријават:
- Млади Роми и не-Роми од 18 до 26 години (можни се исклучоци)
- средношколци, младински работници, волонтери
- Mотивирани да се вклучат во преобликувањето на стратегијата за младинско ангажирање на нивните
- организации
- Работен јазик е англискиот јазик, но со можност за меѓусебна поддршка од страна на останатите учесници.
Трошоци поврзани со младинската размена и предвидените активности се покриени од страна на организаторите:
- Патни трошоци од закажаното место на поаѓање до местото на пристигнување и од местото на пристигнување до местото на поаѓање
- Сместување
- Храна
- Предвидени активности за време на младинската размена
- Изберените учесници НЕ плаќаат партиципација за учество на проектот.
Обврска на учесниците:
- Валиден пасош
- Патничко осигурување
- Патните трошоци од местото на живеење до местото на поаѓање.
Заинтересираните учесници можат да се пријават потполнувајќи ја апликацијата најдоцна до 15ти ноември 2024 година, најдоцна до 18:00 часот!
https://forms.gle/X3bkmwxnZzCjsC2n7
*ЗАДОЛЖИТЕЛНО пријавените учесници да имаат соодветни, нови (важечки) патни исправи (Пасош со новиот назив – Северна Македонија)