Волонтери од Регионалната Ромска Образовна Младинска Асоцијација беа дел од младинската размена „VOTE FOR THE FUTURE,“ која се одржа од 03.11.2024 до 13.11.2024 во Бребу, Романија.
Проектот имаше за цел да го зголеми учеството на младите Роми и не-Роми во донесувањето одлуки, создавајќи инклузивно општество каде што се вреднуваат различни гласови. Преку обуки, ресурси и активности како работилници и менторство, учесниците стекнаа знаења за процесите на одлучување и ја зајакнаа соработката меѓу заедниците. Проектот поттикна дијалог и активно учество, градејќи иднина во која младите ќе влијаат на политиките што ги засегаат.
Целите на проектот беа:
- Да се зголеми нивото на информираност на 42 млади луѓе од 6 земји (Словачка, Романија, Чешка, Србија, Северна Македонија и Турција) за важноста на учеството во процесот на одлучување.
- Да се зголеми знаењето на 42 млади луѓе од 6 земји за онлајн алатките што се користеа за организирање информативни кампањи.
- Да се зголеми капацитетот на 42 млади луѓе од 6 земји за организирање локални кампањи и иницијативи (петиции/отворени писма) за промовирање активно учество и гласање за младите во нивните земји.
- Да се развие дијалог помеѓу носителите на одлуки и младите во 6 локални заедници во 6-те земји партнери вклучени во овој проект.
Овој проект е поддржан од Еразмус+.