Author: admin

Categories
Новости

Членките на ЕРГО мрежата се сретнаа во Скопје

Од 20 до 22 октомври 2019, членките на ЕРГО имаа свој состанок во Скопје за да ги споделат тековните новости, креираат нови приоритети и учат едни од други. Домаќин на средбата беше РРОМА од Кратово.

Останати организации кои учествуваа на средбата беа:

• Roma Active Albania • Nevo Parudimos, Romania
• Romano Centro, Austria • Asociația Cris, Romania
• OTAHARIN, Bosnia-Herzegovina • FAGIC, Spain
• Slovo 21, Czech Republic • Roma Forum Serbia
• Life Together, Czech Republic • Zero Discrimination Association, Turkey
• La Voix des Rroms, France • National Federation of Gypsy Liaison Groups, UK
• Autonómia Foundation, Hungary • Kaskosan, UK
• Voice of Roma, Ashkali and Egyptians, Kosovo • 24Vakti, North Macedonia
• Vilnius Roma Community Centre, Lithuania • Romalitico, North Macedonia
• ZMOCP, North Macedonia • Advancing Together, Kosovo
• Young Roma, Montenegro • RomanoNet, Czech Republic
• Policy Centre for Roma and Minorities, Romania

Целите на средбата беа:

  • да се споделат искуства од основното ниво помеѓу членките на мрежата за да се научи од предизвиците и успесите
  • да се развијат нови идеи за нови кампањи на ЕРГО.
  • да се работи во тематски области (вработување, собирање на податоци и структура)
  • да се реструктруира ЕРГО мрежата и структурите на водење.

   

Исто така, на средбата се зборуваше за Пост 2020 Европските рамки и вклучувањето на Ромите во истите. ЕРГО на средбата ги презентираше најновите информации директно од Брисел. Оставајќи простор за размена помеѓу членките и организирање за национално застапување. Покрај, останатите теми на разговор учесниците на средбата имаа можност да бидат дел од две работилници за надоградување на своите капацитети, од кои едната за графичка фасилитација и визуелни презентации, а другата за он-лајн собирање на средства преку водење на он-лајн кампања.

Покрај, просторот за меѓусебно информирање, членките на ЕРГО мрежата ја посетија општината Шуто Оризари каде што имаа средба со градоначлникот Курто Дудуш, зборувајќи за состојбите на локално ниво.

Средбата заврши со заедничко дружење во еден локален ресторант во Скопје.

Categories
Новости

Заврши младинската размена во рамките на проектот Mingle and Exploring Human Rights in Europe

Во периодот од 7 до 14 декември 2019 година во Кратово се оддржа првата активност во рамките на проектот “Mingle and Exploring Human Rights in Europe!”. Проектот е поддржан од програмата Еразмус плус и националната агенција на Германија. На обуката учествуваа млади и младински работници од Македонија, Турција, Франција, Романија, Германија, Бугарија и Литванија.

Обуката имаше за цел да ги информира и мотивира младите лидери/ки, особено маргинализираната младина активно да се вклучат во промоција на вредностите на човековите права, истовремено преку употребата на неформалното образование да им ги пренесе информациите. За да истите ги промовираат помеѓу нивните врсници работејќи на вредностите на демократијата, човековите права, правото на пристап до бесплатни јавни информации, правото на глас и слобода на избор, правото да поставуваат прашања во нивните општини и да го кренат гласот за нивните права како граѓани.

Целта на проектот MEHRE е учесниците да станат активни граѓани кои делуваат самостојно и соодветно реагираат во решавањето на своите проблеми пред надлежните институции, придонесувајќи за почитување на демократските вредности на едно општество, транспарентноста и владеењето на правото. Овој проект не го само зголемува знаењето и чувствителноста на младите Европејци за темите на човекови права, демократија и дискриминација, со акцент на антициганизмот, туку ги прави свесни за нивната улога и одговорност во рамките на нивните заедници, општеството и Европа во целост.

Проектот опфаќа повеќе активности, меѓу кои првата беше оддржана во Кратово:

  • Обука за младински работници – Кратово (Македонија) – декември 2019
  • 2 Младински размени (Берлин, Германија и Решица, Романија) – мај 2020 и јули 2020

   

Categories
Конкурси Новости

Повик за обуката во рамките на проектот “Mingle and exploring Human Rights in Europe”

Регионалната Ромска Образовна Младинска Асоцијација од Кратово објавува повик за учесници во рамките на проектот “Mingle and Exploring Human Rights in Europe!”. Проектот е поддржан од програмата Еразмус плус и националната агенција на Германија. Обуката се оддржува во Кратово од 07 до 14 декември 2019 година.

Проектот има за цел да ги ангажира младите лидери/ки, особено маргинализираната младина во промоција на вредностите на човековите права, истовремено преку употребата на неформалното образование да ги обучува истите да ги промовираат помеѓу нивните врсници работејќи на вредностите на демократијата, човековите права, правото на пристап до бесплатни јавни информации, правото на глас и слобода на избор, правото да поставуваат прашања во нивните општини и да го кренат гласот за нивните права како граѓани. Целта е учесниците на проектот да станат активни граѓани кои делуваат самостојно и соодветно реагираат во решавањето на своите проблеми пред надлежните институции, придонесувајќи за почитување на демократските вредности на едно општество, транспарентноста и владеењето на правото. Проектот е за креативно на младите. Овој проект не само што ќе го зголеми знаењето и чувствителноста на младите Европејци за темите на човекови права, демократија и дискриминација, со акцент на антициганизмот, туку ќе ги направи свесни за нивната улога и одговорност во рамките на нивните заедници, општеството и Европа во целост.

Проектот опфаќа повеќе активности, меѓу кои:

  • Обука за младински работници – Кратово (Македонија) – декември 2019
  • 2 Младински размени (Берлин, Германија и Решица, Романија) – мај 2020 и јули 2020

Учесниците на обуката, ќе имаат можност своите лидерски вештини да ги тестираат и употребат за време на една од младинските размени кои што ќе се оддржуваат во Германија и Романија.

На повикот може да се пријават:

  • Млади Роми и не-Роми над 18 години
  • лидер/ки, младински работници/чки, волонтери/ки кои што сакат да работат на темата на човекови права
  • Работен јазик е англискиот јазик

Трошоците поврзани со обуката и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 20 ноември 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

Categories
Новости

Заврши младинската размена во рамките на проектот “Европско сеќавање и солидарност-Нашето право на сеќавање!”

Во периодот од 31.08 до 05.09 во Кратово (Хотел Кратис) се оддржа младинската размена во рамките на проектот “Европско сеќавање и солидарност-Нашето право на сеќавање!” поддржан од програмата Europe for Citizens на Европската Унија.

Учествуваа млади од Македонија, Романија, Германија, Турција, Унгарија, Србија, Грција, Албанија, Италија, Португалија, Австрија итн. Учесниците на младинската размена имаат можност да го надоградуваат своето знаење за историјата на Ромите, сеќавањето на Ромскиот геноцид и во областа на борбата против антициганизамот преку работа со едукативни материјали од документациониот и културен центар на германските Синти и Роми, како и посета на Меморијалниот центар на Евреите посветен на жртвите од Втората светска војна.

Младинската размена е поддржана од Europe for Citizens програмата на Европската комисија.

Повеќе информации за младинската размена и проектот може да се најдат на страницата: https://www.facebook.com/righttoremember/ и албумот .

 

Categories
Конкурси Новости

Повик за младинската размена European History and Remembrance – Remembering the Roma Genocide during WWII!

Регионалната Ромска Образовна Младинска Асоцијација објавува повик за учесници за младинската размена European History and Remembrance – Remembering the Roma Genocide during WWII! која што се оддржува од 23 до 30 ноември 2019 година во Берлин, Германија. Истата е поддржана од Еразмус плус програмата на Европската Унија.

 

Оваа интернационална младинска размена има за цел да ја подигне свеста и познавањето на младите учесници од 6 европски земји (Германија, Македонија, Романија, Литванија, Бугарија и Србија) за ужасите на Втората светска војна, како и Ромскиот геноцид, односно влијанието врз младата популација на Европа и Балканот.

36 учесници на младинската размена ќе имаат можност да го надоградуваат своето знаење во областа на борбата против антициганизамот и сеќавање на Ромскиот геноцид преку работа во група и посета на спомениците на жртвите од Втората светска војна.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 25 години (можни се исклучоци)
  • лидер/ки, младински работници/чки, волонтери/ки …
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 02 октомври 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

 

Categories
Новости

Заврши младинската размена “Know your identity through art”

РРОМА учествуваше на младинската размена “Know your identity through art”, која што се одржа од 25 до 31 јули 2019 во Решица, Романија.

Учесниците на младинската размена истражуваа за својата култура и идентитет, научија за концептите на зајакнување и активно граѓанство, истовремено учејќи за Ромската култура и наученото го презентираа преку уметност.

Уметноста може да биде алатка за зајакнување и пренесување на пораките за толеранција и почит, но и прифаќањето на различностите. Тоа го докажаа учесниците од Македонија, Естонија, Романија, Германија и Чешка работејќи и живеејќи заедно во Решица, каде што се стекнаа со нови вештини и техники со кои што истовремено научија повеќе за различните култури и идентитети низ Европа, вклучувајќи ја Ромската заедница.

    

Младинската размена беше поддржана од Еразмус плус програмата на Европската комисија.

Categories
Конкурси Новости

Повик за учество на младинска размена во рамките на проектот „Европско сеќавање и солидарност – нашето право на сеќавање“

Регионалната Ромска Образовна Младинска Асоцијација објавува повик за учесници за младинската размена која што се организира во рамките на проектот “Европско сеќавање и солидарност-Нашето право на сеќавање!” поддржан од програмата Europe for Citizens на Европската Унија. Младинската размена се оддржува од 31.08 до 05.09 во Кратово (Хотел Кратис).

Учесниците на младинската размена ќе имаат можност да го надоградуваат своето знаење во областа на борбата против антициганизамот и сеќавање на Ромскиот геноцид преку работа со едукативни материјали од документациониот и културен центар на германските Синти и Роми, како и посета на Меморијалниот центар на Евреите посветен на жртвите од Втората светска војна.

Младинската размена е поддржана од Europe for Citizens програмата на Европската комисија.

На повикот може да се пријават:

 

  • Млади Роми и не-Роми од 18 до 30години (можни се исклучоци)
  • средношколци/ки, младински работници/чки, волонтери/ки, лидери/ки
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 28 август 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

 

Categories
Конкурси Новости

Повик за младинската размена “The World of Roma” – Мурска Собота, Словенија

Регионалната Ромска Образовна Младинска Асоцијација објавува повик за младинската размена “The World of Roma” која што се оддржува во Мурска Собота од 08 до 16 ноември 2019 година.

На младинската размена ќе учествуваат 36 млади Роми и не-Роми од 6 европски држави (Словенија, Унгарија, Словачка, Македонија, Италија и Романија). Учесниците ќе ги истражуваат можностите на младите Роми, и пред сè, активностите на припадниците на Ромската заедница во областите на историјата, образованието, толеранцијата, културата, традициите, кујната и ракотворби. Младите учесници ќе  имаат можност да ги споделат своите приказни и искуства за Ромската заедница, фокусирајќи се на примери на добри практики од секоја земја-учесник и посета на најголемата ромска населба во Словенија – Пушча.

Младинската размена има за цел да ја доближи Ромската култура до учесниците, ставајќи акцент  на зачуваните карактеристики на заедницата како што се јазикот, музиката итн. Но, исто така од другата страна се бори против стереотипите и дискриминацијата насочени кон оваа заедница, овозможувајќи им на учесниците да научат повеќе за Ромската култура, традиција, јазик и историја.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 30години (можни се исклучоци)
  • средношколци/ки, младински работници/чки, волонтери/ки, лидери/ки
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 09 октомври 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

Categories
Новости

Младите од Македонија учествуваа на одбележување на 75 годишнината од Ромскиот геноцид

Регионалната Ромска Образовна Младинска Асоцијација од Кратово учествуваше со претставници од Македонија на настанот за оддбележување на 75 годишнината од геноцидот врз Ромите за време на Втората светска војна. Настанот се оддржа од 29 јули до 3 август 2019 година во Краков, Полска.

Настанот се организира од 2010 година од страна на интернационалната Ромска младинска мрежа ternYpe (http://ternype.eu/) како иницијатива за сеќавање на Ромскиот геноцид, односно 2 август (http://2august.eu/). Низ годините, настанот успеа да прерасне во традиционално младинско одбележување и сеќавање на Ромскиот геноцид. Годинава, учествуваа околу 500 млади Роми и не-Роми од 25 европски земји на работилниците и едукативните настани во Краков и посети на музејот Аушвиц и комеморацијата во Аушвиц-Биркенау.

Едукативната програма за 2019 година се состоеше од 16 работни групи под водство на 2 фасилитатори, вкупно 35 фасилитатори работеа со младите луѓе. Учесниците во работните групи имаа можност да се запознаат и дознаат повеќе за ужасите од страна на нацистите, геноцидот, антициганизмот во модерното време, како и важните датуми 2 август 1944 и 16 мај 1944, но и како да се сеќаваме на 2 август и да превземеме акција во борбата против расизмот.

Еден ден беше посветен за посета на музејот Аушвиц и Аушвиц-Биркенау каде што учесниците низ 8-часовна едукативна тура добија информации за концентрациониот логор и ја посетија изложбата посветена на Ромите во барака бр.13. Исто така, го посетија Аушвиц-Биркенау, односно имаа можност да го видат т.н. Камп на циганските фамилии и да ги посетат остатоците од крематориумот бр.5 каде што ноќта помеѓу 2 и 3 август 1944 година, 4300 Ромски жени, деца и стари лица беа погубени.

Исто така, учесниците имаа можност да се сретнат со Џеси Џексон, истакнат активист за човекови права од Америка.

На 2 август 2019, учесниците беа дел од комеморацијата на Ромскиот геноцид. Оваа година имаше околу 500 млади Роми и не-Роми од 25 европски земји. На последниот ден беа презентирани резултатите од работните групи од страна на учесниците. За повеќе информации поврзани со настанот, можете да ја посетите ФБ страната: https://www.facebook.com/DikhHeNaBister/

Categories
Конкурси Новости

Повик за младинската размена “Tolerance brings Harmony” – Романија

Регионалната Ромска Образовна Младинска Асоцијација објавува повик за младинската размена “Tolerance brings Harmony”, која што ќе се оддржи  од 07 до 18 септември 2019 во Решица, Романија.

Целта на младинската размена е  да ги мотивира и вклучи младите учесници во активности кои што промовираат почитување на човековите права, толеранција и хармонија, како и приближување на концептот на волонтирање и активно граѓанство во адресирањето на дискриминацијата како феномен на исклучување на различните млади луѓе во нашите општества.

54 Учесници од Македонија, Романија, Грција, Германија, Чешка и Италија ќе учат заеднички во интеркултурна средина за концептите на активно граѓанство, застапување, човекови права и волонтерство, и ќе имаат можност низ активности од сферата на неформалното образование да ги зајакнат своите вештини. А, преку театар, музика, и игра да ги претставаат резултатите од оваа размена.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 22 години (можни се исклучоци)
  • средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 19 август 2019 година (понеделник), до крајот на денот (23:59)!

Ве очекуваме!

Ви благодариме за покажаниот интерес!