Author: admin

Categories
Новости

Заврши семинарот за застапување за време на Ромската недела во Брисел

РРОМА заедно со своите партнери го организираше семинарот за застапување, кој што се оддржаа од 16 до 22 март 2019 година во Брисел. Во рамките на семинарот учество зедоа повеќе млади од Македонија со различни профили.

Учесниците има можност да бидат дел од активностите на Ромската недела во Брисел, која што се оддржаа од 18 до 21 март 2019 година во Европскиот парламент, како и дел од доделувањата на наградите за Ромска интеграција 2019 и награда за граѓански права 2019. Младите, исто така беа дел од традиционалниот доручек со европратениците кои што се оддржува во ресторантот на Европскиот парламент.

 

Семинарот им овозможи на младите учесници да добијат информации за функционирањето на различните структури и работните механизми во рамките на ЕУ институциите, да добијат информации за ЕУ политиките кои што ги таргетираат Ромите и да креираат свои стратегии за застапнување и кампањи за подигање на свеста за Антициганизмот на европско ниво.

    

Categories
Конкурси Новости

Повик за учество на Dik He Na Bister 2019

Регионалната Ромска Образовна Младинска Асоцијација од Кратово, во соработка со Документациониот и културен центар на германски Синти и Роми, Централниот совет на германските Синти и Роми и ternYpe објавува повик за учесници за учество на Dik He Na Bister 2019.

Овогодишниот проект опфаќа 3 фази:

  1. Подготовка на селектираните учесници за настанот во Краков (Полска). Локацијата и датумот ќе бидат дополнително договорени. Присуството на подготовката е задолжително!
  2. Учество на настанот “Dik He Na Bister 2019” и 75 годишнината на комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 29 јули до 4 август 2019 година;
  3. Настани организирани од учесниците за понатамошна дисеминација на добиените информации во период од септември до ноември 2019 година.

Концепт за 2019:

Концептот за 2019 предвидува едукативен настан за младите учесници од 30 европски земји, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”. Учесниците ќе бидат дел од активностите за сеќавање и одбележување на 75 годишнината на Ромскиот геноцид.
Младите учесници ќе работат со своите фасилитатори во мешани работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во мешани работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовка:

Селектираните учесници од Македонија ќе поминат низ процес на подготовка. Присуството на подготовката е задолжително за сите селектирани учесници!

Локацијата и времето за подготовка ќе бидат дополнително договорени по селекцијата на учесниците.

Бараме учесници:
  • Млади на возраст од 18 до 30 години кои што за првпат ќе бидат дел од настанот;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовката и едукативниот настан да го пренесат во своите заедници;
  • Да присуствуваат на подготовката организирана од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Бараме помлад/a лидер/ка на група:

  • Личност на возраст од 18 до 30 години која што има претходно искуство на темата;
  • Заедно со постариот лидер на групата да се грижат за учесниците;
  • Да работат во мултикултурни групи без предрасуди;
  • Да присуствува на подготовката организирана од страна на РРОМА;
  • Да има познавања од англискиот јазик
  • Да има валиден пасош за патување, со најмалку 6 месеци валидност откако ќе се врати од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде организиран превоз со автобус.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учество, најдоцна до 10 мај 2019 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Можност за присуство на комеморацијата на 2 август 2019 година:

Сите оние кои што се заинтересирани да присуствуваат на 75 годишнината на одбележувањето на Ромскиот геноцид во Аушвиц-Биркенау, истото можат да го сторат покривајќи ги своите трошоци за патување и сместување. Организаторите помагаат околу сместувањето во Краков по поволна цена. За повеќе информации можете да ни пишете на: info@rromassn.org

Ви благодариме на покажаниот интерес!
Categories
Новости

Рокот истекува на 15-ти февруари! Пријавете ја својата хероина, сега!

Рокот за пријавување на овогодинешната награда за Ромска интеграција истекува наскоро. ЕУ награда за Ромска интеграција 2019 има за цел да ги препознае и охрабри напорите на жените-Ромки кои што доаѓаат од основното ниво, односно локалните Ромски заедници. Наградата е финансиски поддржана од Европската Унија, а имплементирана од Roma Active Albania.

За потребите на промоција и видливост беа организирани и сеуште се во тек информативни средби со цел да се запознаат заинтересираните кандидатки со процесите на аплицирање и номинирање. Првичните информативни средби беа организирани од страна на РРОМА во соработка со членките на коалицијата “Khetane” и се оддржаа во Шуто Оризари, Топаана, Штип, Центар и Куманово.

За помош и детални информации поврзани наградата можете да се обратете кај организациите-членки на коалицијата “Khetane” или да ја посетите ФБ страната:

https://www.facebook.com/EuAwardforRomaIntegration/

   

  

На изборот може да се пријават жени-Ромки од западен Балкан и Турција, по пат на директно аплицирање или номинација. Ќе се доделуваат вкупно 14 награди, односно по 2 во Албанија, Босна и Херцеговина, Црна Гора, Србија, Македонија, Косово и Турција.

Фондот за награди изнесува:

  • 7500 евра за прво место
  • 4500 евра за втора место
  • патување и 3-дневна студиска посета на европските институции во Брисел
  • доделување на наградата во Брисел за време на Ромската недела 18-21 март 2019 година

Аплицирањето се врши исклучиво на англиски јазик!

Краениот рок за аплицирање е 15 февруари 2019 година, 23:59 часот со испраќање на:

За апликации на Application_EU_Award_2019@raa.al со предмет: иницијалите на апликантката и земјата на потеклото.

За номинации на Nomination_EU_Award_2019@raa.al со предмет: акроним на номинаторот, иницијалите на номинираната личност и земјата на потеклото.

Апликациите и номинациите можат да се испратат во предвидениот рок и по редовна пошта, заедно со документацијата за поддршка на адресата:

Roma Active Albania – Rr. “YlbereBylykbashi”; P. 25; Shk. 2; Ap. 4; Tirana, Albania

Деталните информации можат да се проверат на дадените линкови подолу:

Правила на наградата

Формулари за симнување:

Формулар за апликација

Формулар за номинација

Изјава на чест

 

Categories
Конкурси Новости

Повик за учество на семинарот за застапување за млади Роми во Брисел 2019

РРОМА заедно со своите партнери бара учесници од Македонија за семинарот за застапување, кој што се оддржува од 16 до 22 март 2019 година во Брисел.

Учесниците ќе имаат можност да бидат дел од активностите на Ромската недела во Брисел, која што се оддржува од 18 до 21 март 2019 година во Европскиот парламент.

Семинарот им овозможува на младите учесници да развијат разбирање за функционирањето на различните структури и работни механизми во рамките на ЕУ институциите, да добијат информации за ЕУ политиките кои што ги таргетираат Ромите и да креираат свои стратегии за застапнување и кампањи за подигање на свеста за Антициганизмот на европско ниво.

Профил на учесници:

  • млади Роми и не-Роми, младински лидери, активисти, волонтери
  • на возраст од 18 до 30 години
  • да го користат англискиот како работен јазик

Повеќе информации за профилот на учесници и повикот има на линкот.

Датуми на активноста:

  • Пристигнување: 16 март 2019
  • Активности: 17-21 март 2019
  • Заминување: 22 март 2019

Локација:

  • Семинарот се организира во Брисел. Детални информации ќе следат по селекцијата на учесници.

Патување и трошоци:

  • Учесниците ќе треба да си го организираат патувањето до Брисел по добивањето на потврдата за учество. Организаторите ќе рефундираат патни трошоци во износ до 200 евра. Повеќе информации поврзани со патните трошоци има на линкот даден погоре.

Аплицирање:

  • Учесниците аплицираат со потполнување на апликацијата: https://goo.gl/NK7n8G
  • Краен рок за аплицирање е 20 февруари 2019, до крајот на денот!

Семинарот е поддржан од Еразмус плус програмата.

Categories
Новости

Конференција во Темишвар за одбележување на меѓународниот ден на Холокаустот

Регионалната Ромска Образовна Младинска Асоцијација заедно со партнер-организацијата Нево Парудимос од Романија од 26 до 29 јануари 2019 година во Темишвар организараше конференција за одбележување на меѓународниот ден на Холокаустот во рамките на проектот “Европско сеќавање и солидарност-Нашето право на сеќавање!” поддржан од програмата Europe for Citizens на Европската Унија.

Конференцијата насловена “75 години сеќавање” се оддржа во соработка со универзитетот од Темишвар и еврејската заедница на градот. Истата имаше за цел да зборува за Ромскиот геноцид кој што се случи за време на Втората светска војна, со посебен акцент на Романија и Балканот, и да гради заедништво и солидарност при одбележувањето на овој важен ден.

На конференцијата учество зедоа експерти од Германија, Србија, Грција, Македонија, Романија, Албанија, Бугарија, Унгарија и останати европски земји.

Експертот, господинот професор Христо Ќучуков зборуваше за идеологијата на тогашната нацистичка Германија и како истата успеа да убие милиони луѓе низ Европа и светот. Тој сподели своја лична приказна од животот на неговите дедо и баба, кои што го преживеале тој ужас.

Господинот професор Милован Писари зборуваше за ужасите на геноцидот врз Ромите во Србија и на кој начин истиот бил спроведуан.

По излагањата на професорите следеа презентации од страна на преставниците на граѓанскиот секто кои во своите излагања дадоа акцент на сеќавањето како важен дел од европската историја и овозможувањето на Ромите да ги уживаат своите права како рамноправни граѓани во општеството.

Учесниците на конференцијата зедоа учество во заеднички комеморативен настан во Синагогата во Темишвар организиран со еврејската заедница на градот.

Следниот ден во просториите на Универзитетот, дел од тимот кои што го раководи проектот “Европско сеќавање и солидарност-Нашето право на сеќавање!” организираа и водеа работилници со студенти по историја и учесници од средните училишта на градот. При тоа, учесниците имаа можност да бидат дел од една работилница со генерални податоци и факти за Ромскиот геноцид и една работилница која што се фокусираше на специфична европска земја и геноцидот на Ромите во таа земја за време на Втората светска војна.

Вакви работилници ќе следат во сите партнерски земји кои што се дел од проектот. Следниот настан во рамките на проектот ќе биде организиран во Берлин во вид на обука на експерти и млади истражувачи на темата. За подетални информации и вести од настанот може да се потсети страната.

Categories
Uncategorized

Заврши проектот “LET IT BE 2 – SHARED WISDOM”

Регионалната Ромска Образовна Младинска Асоцијација од Кратово учествуваше на проектот “Let it be 2 – shared wisdom” и на обуката која што се оддржа од 3 до 13 септември 2018 година во Ромхани, близу Будимпешта (Унгарија). На обуката учествуваа 23 учесници од 10 европски земји (Македонија, Унгарија, Бугарија, Чешка, Романија, Полска, Германија, Грција, Холандија и Италија).

Целта на проектот беше да го зголеми квалитетот на младинската работа преку развој на капацитетите на активните обучувачи, фасилитатори, ментори активни во полето на работа со млади.

Исто така, проектот се фокусираше на воведувањето и обезбедување на практиката на методот: супервизија на врснички групи.

Хоризонталната цел на проектот беше да се подигне свеста на професионалците активни во полето на неформалното образование за вклучување на активности за само-рефлексија и самоспознавање постојано (или барем одвреме-навреме) со цел пристапување до своите собрани искуства како младински работници.

Обуката беше поддржана од Еразмус плус програмата на Европската комисија.

Резултатите и краениот продукт се достапни на следниот линк:

Let it be 2 – shared wisdom: Peer supervision cases

Categories
Конкурси Новости

ЕВС можност во рамките на проектот “Волонтерство и образование за граѓанско учество”

Можност за волонтирање во Романија!!!

    

Бараме волонтер од Македонија, кој што заедно со 4 волонтери од Португалија, Финска, Бугарија и Шпанија ќе учествува во проектот „Волонтерство и Eдукација за Граѓанско Учество“. Фазата на волонтирање ќе се спроведува од 01.03.2019 до 29.02.2020 година. Волонтерите во текот на нивната 12-месечна волонтерска фаза во Решица ќе му помогнат на здружението Nevo Parudimos со младинска работа во локалната заедница.

Главните активности се:

  • Неделни активности во 3 училишта во обесправените заедници од Решица, користејќи методи на неформално образование;
  • Неделна активност со локален форум-театар, танц, музика;
  • Месечни активности за промовирање на ЕВС и волонтерство, како и регрутирање на нови волонтери;
  • Неделна активност за промовирање на јазиците, т.н. Јазично кафе;
  • Вклучување во работната канцеларија на организацијата (2 дена / неделно) он-лајн промоција на проекти, теренска работа за истражување;
  • Менторство;
  • Англиски јазик со нашите локални волонтери;
  • Проекти на волонтерите кои ќе го промовираат граѓанското учество, волонтерството и толеранцијата во Решица еднаш на секои 3 месеци.

Што нудиме?

  • Додаток за храна од 120 € месечно;
  • Сместување: Волонтерите ќе бидат сместени во изнајмен стан, двокреветни соби. Станот е опремен и декориран;
  • Надоместок за патување за меѓународен транспорт и локален превоз;
  • Џепарлак од 60 € месечно;
  • Здравствено осигурување (Cigna Health);
  • Телефон и кредит за телефонот;
  • Јазичен курс по романски јазик;
  • Менторство во текот на целиот период на проектот;
  • YouthPass сертификат.

Повеќе информации може да најдете на следниот инфо пакет.

Профил на учесниците:

  • На возраст помеѓу 18 и 30 години
  • Ентузијасти со желба да научат повеќе за инклузија, граѓанско учество и волонтерство.
  • Имаат минимално знаење за неформалното образование.
  • Имаат минимум знаење на англиски јазик.
  • Можност да работат во тим.

Како да аплицирате?

Ако сте заинтересирани да бидете волонтер, ќе ве замолиме да го пополнете формуларот за аплицирање.

Контакт:

Ако ви требаат повеќе информации, можете да ја контактирате организацијата во Романија на:

  • Nevo Parudimos: е-пошта: nevo.mobilities@gmail.com; телефон: +40738845447 (Лила Хорват, Меѓународен координатор на проектот)

Или да не контактирате на:

  • РРОМА: е-пошта: urmeta@rromassn.org; телефон: +38978343900 – Урмета Арифовска (програм координатор на РРОМА)

Останати партнери:

Categories
Новости

Заврши младинската размена “By your side”

Од 15 до 23 декември 2018 во Краков и Закопане (Полска) се оддржа младинската размена “By your side” поддржана во рамките на Еразмус плус програмата на Европската Унија.

Организатор на младинската размена беше младинската организација Stowarzyszenie Ryza од Краков. Партнери на размената беа РРОМА од Македонија и Elektrenu kulturos centras од Литванија.

Учесниците работеа на темите толеранција, почит и прифаќањето на различностите. 39 учесници од Македонија, Полска и Литванија учеа за човекови права, интеркултурен дијалог и алатки за борба против феноменот на расизмот, ксенофобијата, шовинизмот и фашизмот во нашите општества. Продуктот во вид на флеш-моб беше претставен на јавноста во Закопане.

РРОМА учествуваше со 13 учесници, кои што беа претходно селектирани за учество. Лидери на групата беа Надир Усеин и Елвис Кундевски.

Categories
Новости

Нови вештини и знаења за младите од Македонија

Проектот „Јас сум активен граѓанин и волонтер во моето село“ им помогна на младите учесници од Македонија да се здобијат со нови вештини и информации од областа на неформалното образование, вклучувајќи знаења за водење на оксфорд дебата, форум театар, сесии за интеркултурализам, активно граѓанство и волонтерство итн.

На проектот учествуваа 40 учесници од Македонија, Италија, Унгарија и Романија на возраст од 16 до 24 години. Младинската размена беше организирана во младинскиот камп „Марабу“ во Милковени од 24.07 до 03.08.2018 година од страна на партнерот Timis Torontal Intercommunity Development Association.

Здобиените вештини учесниците ќе ги користат за креирање на нови проекти и вклучување во нови активности во рамките на организацијата РРОМА и Еразмус плус програмата.

Categories
Новости

Организациите за правата на Ромите со одговор на плановите за Инклузија на ЕУ

Брисел, 6 декември 2018 година

Денес, коалицијата на повеќе од петнаесет Ромски и антирасистички организации на граѓанското општество од цела Европа побараа од Советот на Европската Унија и владите на европските земји да истакнат јасна посветеност во новите предлози за плановите на вклучување на Ромите по 2020 година, направени од страна на Европската Комисија во својата комуникација со Европскиот Парламент и Советот вчера.

Директорката на мрежата ERGO, г-ѓа Габриела Храбанова, ја поздрави новата комуникација: “Комисијата и Парламентот јасно се позиционираа за продолжување на поддршката во вклучувањето на Ромите по 2020 година. Сега е време националните влади да го сторат истото, да ја зајакнат својата борба против антициганизамот и да ги ажурираат и подобрат своите стратегии во согласност со потребите на заедницата, работејќи заедно со Ромското граѓанско општество “.

Новата комуникација од Комисијата ги истакна клучните елементи за подобрување на Ромската работна рамка на ЕУ, вклучувајќи: потреба за вклучување на Ромите во главните политики, борба против антициганизам, подобрување на учеството на Ромите, адресирање на различноста меѓу Ромите и подобро собирање на податоци, индикатори на цели и известување во стратегиите за интеграција.

“Досега плановите за вклучување на Ромите во земјите-членки на ЕУ и земјите-кандидати не успеаја да вклучат мерки за борба против антициганизамот и во голема мера не успеаја значително да ја подобрат ситуацијата на Ромите низ цела Европа”, рече Ѓорѓе Јовановиќ, претседател на Европскиот центар за правата на Ромите. “Рамката на ЕУ на националните стратегии за интеграција на Ромите по 2020 година мора да служи за спротиставување на ефектите од специфичниот структурен расизам кој влијае врз Ромското население низ цела Европа”.

Организациите повикуваат на јасни мерки во европските земји со цел препознавање на сегашниот и историски антициганизам како форма на расизам; мерки и санкционирање на манифестации на антициганизам во јавниот дискурс, јавните служби и институции; да го оспособат граѓанското општество и да обезбедат неопходни правни и институционални механизми и да се спроведуваат кривичните дела на злосторства од омраза и говорот на омраза. Време е европските влади да му дадат приоритет на “зајакнувањето и препознавањето на антициганизамот како корен на исклученоста на Ромите”, како што беше заклучено од високата работна група на ЕУ за борба против расизмот, ксенофобијата и другите форми на нетолеранција во нивниот водич за антициганизам.

Европските институции мора да се осигураат дека следниот буџетски циклус на ЕУ (Повеќегодишната финансиска рамка 2021-2027), која што во моментов е предмет на преговори, е поврзана со приоритетите на политиката на работната рамка на ЕУ за Ромите, вклучувајќи ја и борбата против антициганизамот. Дополнително, договорите за партнерство со земјите-членки и оперативните програми мора јасно да ги имаат Ромите како инвестициски приоритет. Следниот циклус на финансирање мора да осигура дека средствата се исто така достапни за конкретни мерки за борба против антициганизамот и да овозможуваат ефикасно функционирање на граѓанските организации за барање на отчетност и одговорност на владите и да обезбедат почитување на основните права на граѓаните-Роми низ цела Европа.

За повеќе информации, организирање на интервју, контактирајте со:
Џонатан Ли
Координатор за комуникации
Европски центар за права на Ромите
jonathan.lee@errc.org
+36 30 500 2118

Jamen Gabriela Hrabanova
Извршен директор
ERGO мрежа
g.hrabanova@ergonetwork.org
+32 (0) 2 893 10 49

Џонатан Мек
Советник за политики
Централен совет на германските Синти и Роми
jonathan.mack@sintiundroma.de
+49 (0) 6221 981101

Georgina Siklossy
Постар службеник за комуникации
Европска мрежа против расизам
georgina@enar-eu.org
+32 (0) 2 229 35 70 | +32 (0) 473 490 53

Коалицијата на организации вклучува:
Алијанса против антициганизам
Централен совет на германски Синти и Роми
Европска мрежа против расизам
Европско здружение за јавно здравје
Европска мрежа на Ромски граѓански организации – ЕРГО
Европски центар за правата на Ромите
FAGiC Federación de Asociaciones Gitanas de Cataluña – Шпанија
Фондацијата “Jaw Dikh” – Полска
La Voix de Roms – Франција
Накерамос – Шпанија
Нево Парудимос – Романија
Ромa Актив Албанија – Албанија
Romanipe
REF – Ромски Oбразовен Fонд
Регионалната Ромска Образовна Младинска Асоцијација – РРОМА – Македонија

Белешки за уредниците:

Европската комисија усвои рамка на ЕУ за национални стратегии за интеграција на Ромите во 2011 година. Таа бара од земјите-членки да направат одредби за решавање на нееднаквостите во нивните земји со кои се соочуваат Ромите во образованието, вработувањето, здравството и домувањето.

Антициганизамот е специфичен расизам кон Ромите, Синтите, Патувачите и другите кои се стигматизирани како “Цигани” во очите на јавноста. Терминот често се користи во тесна смисла за укажување на анти-Ромски ставови или на изразувањето на негативни стереотипи во јавната сфера или говор на омраза. Сепак, антициганизамот доведува до многу поширок спектар на дискриминаторски изрази и практики, вклучувајќи и многу имплицитни или скриени манифестации. Повеќе информации се достапни во работниот документ за антициганизам.