Денес, 16-ти мај во хотел Кратис-Кратово, Регионалната Ромска Образовна Младинска Асоцијација одржа работилница по повод 16-ти мај 1944, денот на Ромското востание. На работилницата учество зедоа млади Роми, волонтери на здружението и учесници од претходни активности на РРОМА.
Во првиот дел од работилницата, активно се дискутираше за тоа што претставува антициганизмот и какви опасности носи за модерното општество, додека пак во вториот дел младите се запознаа со повеќе детали за Ромскиот геноцид за време на Втората светска војна.
Од особена важност беше информацијата за 16-ти мај 1944 година, денот кога нацистите почна да го планираат “конечното решение” за “Циганскиот камп” во Аушвиц. На затворениците на кампот им беше наредено да останат во бараките и тие беа опкружени со 60 СС војници. Но, тогаш тие се соочиле со бунт од страна на мажите, жените и децата, вооружени со ништо повеќе од стапчиња, алатки и камења. И на крајот СС војниците мораа да се повлечат. Отпорот од страна на Ромите им дал само неколку дополнителни месеци на живот и на 2-ри август 1944 година останатите 2897 мажи, жени и деца биле натоварени на камиони, однесени во гасната комора V и убиени. Нивните тела беа запалени во боксот до крематориумот. По ослободувањето на концентрациониот логор Аушвиц во 1945 година, бројот на преживеани Роми беше само 4.
Како дел од работилницата, учесниците имаа можност да го погледнат документарецот „Dui Rroma“. Документарецот е посветен на преживеаниот Синти Хуго Хеленрајнер, кој што на 9-годишна возраст ги преживува ужасните експерименти на Др.Менгеле во Аушвиц.
На крај, учесниците заклучија дека ваквите информации и работилници се корисни, но и дека треба да се работи на вклучување на ваквите информации во наставните учебници и наставната програма да вклучува активности со цел подигање на свеста за холокаустот и Ромскиот геноцид за време на Втората светска војна.
Младинската размена има за цел креативно да ги мобилизира и зајакне капацитетите на околу 40-тина млади Роми и не-Роми од 6 европски земји (Шпанија, Македонија, Италија, Албанија, Бугарија и Полска). Учесниците ќе имаат можност да научат за Ромската култура во рамките на светската култура и уметноста, вклучувајќи го сликарството и книжевноста, истражувајќи дела на Пикасо, Веласкес, Сервантес, Федерико Гарсија Лорка и др. Исто така, ќе можат да развијат критички погледи за историјата и влијанието на Ромскиот народ врз модерната светска култура и уметност.
Бидејќи мандатите на претходното раководство и структури беа истечени, се гласаше за ново раководство. Се избираше нов претседател, нов одбор и претседател на одборот. Првиот мандат на стариот претседател Мустафа Јакупов истече кон почетокот на 2016-та година, како и на членовите на претходниот одбор.
Предавачите на работилниците проследија информации до учесниците на темата „Ромскиот геноцид за време на Втората светска војна“, изработувајќи своја презентација и употребувајќи методи и алатки од учебникот на Советот на Европа „Right to Remember- A Handbook for Education with Young People on the Roma Genocide“. Беа обезбедени 38 копии од учебникот за учесниците на проектот на РРОМА, во соработка со Европскиот Младински Центар од Стразбург и Одделот за млади при Советот на Европа.
Самите млади учесници се во центарот на случувањата, вклучувајќи се со нивните идеи, предлози, интерес и вештини. Младинската размена настојува да ја разбуди нивната креативност и самодоверба, да им даде алатки за изразување и можност нивниот глас да се слушне за време на фестивалот!Работилниците ќе се оддржуваат на различни локации во Нојкелн, Берлин.