Category: Новости

Categories
Новости

Повик за учество на проектот “Inclusion workers”

РРОМА објавува повик за учество на проектот “Inclusion workers” кој што се реализира во партнерство со 10 младински организации од Македонија, Италија, Романија, Полска и Чешка, предводени од Tmelnik o.s од Чешка. Проектот е поддржан од националната агенција на Република Чешка и Еразмус плус програмата.

Проектот се состои од обука и семинар, како одговор на потребите на младинските организации:

  • да се подигнат капацитетите на 30 младински работници за работа со млади Роми и да се подигне бројот на млади Роми вклучени во младински активности;
  • да се адресира недостигот на искуство и знаење за тоа како да се работи со млади Роми.

Генералната цел на проектот е да се подигне капацитетот на Ромските и не-Ромски граѓански организации за работа со млади Роми.

Конкретни под-цели се:

  • 10-те партнерски организации да се стекнат со искуство за работа со млади Роми;
  • да се зголеми употребата на водичот “9 чекори за работа со млади Роми”;
  • да се зголеми активното учество на младите Роми во своите локални заедници;
  • да се промовира не-формалното образование и учењето низ пракса кај младите Роми.

Проектот се состои од три главни активности*:

  • ОБУКА: 8-дневна обука за младинска работа и инклузија, употреба на водичот “9 чекори за работа со млади Роми” во младинскиот камп Марабу, Милковени во Романија. Предложените датуми за реализација се помеѓу 10 и 20 јуни 2017 година.
  • ПРАКТИЧЕН ДЕЛ: По обуката учесниците ќе имаат можност наученото од обуката да го реализираат низ практична активност во своите заедници во матичните земји. За таа цел ќе добијат поддршка од организаторите и партнер организациите вклучени во проектот.
  • СЕМИНАР: Семинар за евалуација и споделување на добрите практики организиран во декември 2017 година. Локација Литомисл (Castel Brewery Litomysl), Чешка.

*Задолжително е учесниците кои што учествуваат на обуката во Романија, да бидат и дел од семинарот во Чешка.

Профил на учесници:
  • млади Роми и не-Роми, со и без искуство во младинска работа и кои што се заинтересирани за младинска работа и работа со млади Роми од 18 до 30 години,
  • да имаат желба да споделуваат знаење и работат во групи;
  • да работат во мулти-културна средина, без предрасуди!
  • да имаат доволно познавање на англискиот јазик за комуницирање и работа во групи;
  • да се слободни и достапни за двете активности во Романија и Чешка;
  • да имаат валиден пасош за патување, со минимум 6 месеци валидност откако ќе се вратат од Чешка!

 

Трошоци:

 

  • трошоците за патување, храна и сместување се покриени од страна на организаторите;
  • трошоците за патничко осигурување се на товар на учесниците!

 

За да се пријавите:

Потполнете го следниот формулар најдоцна до 30 април 23:59 часот! Формуларите после предвидениот рок, нема да се земаат во предвид!

Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и бидат направени трошоци за вас, а потоа се откажете, се обврзувате на одговорност да ги покриете истите!

Categories
Новости

РРОМА помеѓу победниците на второто издание на ЕУ наградите за Ромска интеграција

Регионалната Ромска Образовна Младинска Асоцијација од Кратово се најде помеѓу победниците на второто издание на ЕУ наградите за Ромска интеграција организирани од директоратот за преговори и проширување на Европската комисија. Доделувањето на наградите  се случи на 28 март 2017 година во Брисел, каде што РРОМА го доби второто место за проектот „Сидата не знае да дискриминира…Заштити се!“.
Претходно, претставници на номинираните организации беа поканети на студиска посета на ЕУ институциите во Брисел од 26 до 29 март. Учесниците имаа можност да ги посетат Европскиот парламент, Директоратот за преговори и проширување, да разговараат со евро-парламентарци и одговорните лица од одделот за Ромска интеграција.
Претставници на номинираните организации пред
Парламентариумот
Европска комисија преку настанот за доделување на наградите има за цел да придонесува за видливост на Ромската популација на западен Балкан и Турција, чиј што потенцијал не е доволно искористен со цел подобрување на животот на Ромската заедница, како и истакнување на политичката важност за интегрирање на Ромите во процесот на проширување.
РРОМА со претставници на ЕУ и македонскиот амбасадор
Генералниот директор на Директоратот за преговори и проширување, Кристијан Даниелсон истакна дека ЕУ ќе продолжи со поддршката на фондови, а целната група ќе бидат младите и децата, поддршката за нивното образование и поттикнување на нивната поактивна улога во локалните заедници, од што корист би имало целото општество.
Од Република Македонија, добитници беа Ромскиот Ресурсен Центар од Скопје, кој што го освои првото место со својот проект за туторска поддршка на учениците Роми во основно образование и РРОМА, која што го освои второто место за проектот „Сидата не знае да дискриминира…Заштити се!“.
РРОМА и РРЦ со претставници на ЕУ делегацијата во РМ
Categories
Новости

Годишно собрание на РРОМА 2017

На 11 март 2017 година во просториите на хотел Кратис, РРОМА го оддржа редовното годишно собрание на здружението.

Пред присутните беа презентирани наративниот извештај за работа во 2016 година, финансискиот извештај/завршна сметка за 2016 година и програмата за работа 2017 година.

Презентација на завршната сметка 2016

Интересно беше што на собранието присуствуваа младите учесници од проектот “Good practices of Roma youth empowerment for Active citizenship”,како дел од промовирање на добри практики за Ромските младински организации

На крајот од состанокот беа усвоени наративниот извештај за 2016, завршната сметка за 2016 и програмата за работа во 2017 година.

Categories
Новости

Заврши мобилноста во рамките на проектот „Good practices of Roma Youth Empowerment for Active Citizenship“

Од 6 до 12 март 2017 година во Хотел Кратис, здружението РРОМА беше домаќин на мобилноста во рамките на проектот„Good practices of Roma Youth Empowerment for Active Citizenship“ кој што е поддржан од програмата Еразмус плус на Европската комисија (2016-2-DE04-KA205-014322). Проектот е дел од билатералното стратегиско партнерство помеѓу Амаро Форо од Берлин и РРОМА од Кратово.

Младите учесници на просечна возраст од 18 години имаа можност да слушнат за активностите на организациите во областа на зајакнување на младите Роми и да споделуваат свои размислување за младите Роми и нивното учество во општеството. А, низ практичните работилници за време на семинарот, учесниците се запознаа со концептите за идентитет и граѓанство, дискриминација и споделуваа свои искуства и мислење.
Работа во групи „Визуализирање на младите Роми – Кои се тие?“
Исто така, учесниците имаа можност да слушнат повеќе за инклузија, човековите права, Ромската историја и култура, вклучувајќи делови за Ромскиот геноцид за време на Втората светска војна и антициганизам.
Презентација на Амаро Форо – Берлин
Учесниците беа поканети да присуствуваат на годишното собрание на РРОМА, кој што се оддржа на 11.03, како споделување на добра пракса на Ромските младински организации (http://www.rromassn.org/2017/03/2017.html)
Презентација од страна на учесниците
Мобилноста заврши со споделување на свои идеи за активности и потреби за обуки, работилници и поддршка.
Младата Ромка
Во периодот од април до октомври 2017 година, РРОМА ќе организира едно- и дводневни работилници на темите кои што ги наведоа учесниците на мобилноста. Во јуни 2017 ќе следи втората мобилност која што ќе се оддржува во Берлин, Германија.
Дел од учесниците со своите сертификати
Ова билатерално партнерство со Амаро Форо од Берлин има за цел да го зголеми учеството на младите Роми во европските образовни програми и мобилности, како и во неформалното образование. Проектот ќе им овозможи на учесниците да научат, споделат и разменат искуства од областа на неформалното образование, но и да зајакнат како активни граѓани во борбата против расизмот, ксенофобијата и антициганизмот во модерните општества.
Categories
Новости

Roma Youth, European Youth 4

 RROMA is part of the project of Nevo Parudimos that is being implemented from 01.08.2016 – 31.07.2017. The name of the project is “Roma Youth, European Youth 4” (contract no. 2016-2-RO01-KA105-024898), beside RROMA and Nevo Parudimos five other international partners are taking part: Egyutthato Kozossegepito Egyesülete (Hungary), Asociacion Munticultural Nakelamos (Spain), Integro Association (Bulgaria), Youth Express Network (France) and Futuro Digital (Italy).

 The main goal of this project is to help 21 young Roma and non-Roma in 7 countries by using the “9 steps in working with young Roma” to learn how to work with Roma youth and understand them better. 
The general objectives of the project are: 
– To capacitate the 7 partner NGO’s to work with young Roma;
– To increase the use of the guide “9 steps in working with Roma youngsters”;
– To increase the participation of young Roma;
– To promote non-formal education and practical life learning for Roma young people.
The project is divided into 3 main parts: 
1. Training: From 16.01.2017 to 24.01.2017, the organization Nevo Parudimos with the above partners has implemented the first phase of the training that took place in Herculane, Caras-Severin county, in Hotel Ferdinand. At the end of the first part, 21 volunteers and youth workers were trained to use the “9 steps in working with young Roma” in order to help them work in their local communities and to understand better how to approach Roma youth.
Group work during the training in Herculane
The objectives of the training were: 
1. To develop abilities, skills and knowledge of 21 participants, so that they can become professional youth workers who work with young Roma and non-Roma;
2. To help 21 participants empower young people to develop activities that promote inclusion;
3. To train ​​21 young Roma and non-Roma to use the practical guide “9 steps in working with young Roma”;
4. To teach 21 participants so they know the traditions and history of Roma.
As a result of this training, the 21 participants have acquired more knowledge about how to work with young Roma, have learned what it means to work with young people, and have planned a series of activities for the following six months back home and changed experience and information.

2.Practical Part: Teams of participants in each partner country have taken a set of activities that should be accomplished back home with a group of young Roma. They agreed to meet regularly and plan out their activity during training activities conducted to the second meeting using the “9 steps in working with young Roma”. The goal is to form a group of young people at local level to organize an activity with their support for other young people in the local community where they come from. Their results will be shared with other colleagues during the seminar to be conducted in June 2017.

The team from Macedonia meeting youngsters from Berovo
3.The best practices seminar (second meeting): This project’s activity will take place again in Romania in Marabu Camp between 01-09.06.2017 at Milcoveni Village, township Berliste, Caras-Severin county.
This activity aims to provide the opportunity of our 21 participants to share their own experience and find joint solutions to possible problems that they might have encountered in their practical work.
The objectives of the seminar are: 
– To evaluate the field work of the 21 participants
– To increase the level of understanding about activities which promote the work between Roma and non-Roma young people together for the 21 participants
– To increase the knowledge of the 21 participants about activities and methods that promote the inclusion and participation of the Roma Youth
– To further develop the “9 steps in working with Roma youngsters” guide
– To offer the opportunity for 21 participants to share experiences about activities which promote inclusion of Roma and non-Roma young people
The results of this project will be to train 21 youth workers specialized in working with Roma young people and to capacitate 7 NGO’s from 7 different countries to develop more professional activities with young Roma.
The expected outcomes of this seminar are: 
The 21 participants will acquire as much knowledge about Roma and cooperation between Roma and non-Roma youth to be more closely in the future and they will be more motivated in developing quality activities.
When it comes to the partner organizations, this project intents to increase the international cooperation and networking, enhancing their experience in other international projects, raise the profile of organizations locally, nationally and internationally, and last but not least is increasing their expertise in youth work with young Roma.
On other target groups we expect young Roma and non-Roma to increase their interest and to be more involved in the activities of local partners; we also expect that this project will increase the involvement of young Roma in additional Erasmus+ activities.
In the end, this will also help to develop further the “9 steps in working with young Roma”guide.

The project is funded by the European Commission, Erasmus +, Key Action 1 Mobility of young people, youth exchanges.

You can find here the official press-release of the project.

Categories
Новости

Повик за учесници на проектот „Good practices of Roma Youth Empowerment for Active Citizenship“

Регионалната Ромска Образовна Младинска Асоцијација од Кратово објавува повик за учесници за проектот „Good practices of Roma Youth Empowerment for Active Citizenship“ кој што е поддржан од програмата Еразмус плус на Европската комисија.

Ова билатерално партнерство со Амаро Форо од Берлин има за цел да го зголеми учеството на младите Роми во европските образовни програми и мобилности, како и во неформалното образование. Проектот ќе им овозможи на учесниците да научат, споделат и разменат искуства од областа на неформалното образование, но и да зајакнат како активни граѓани во борбата против расизмот, ксенофобијата и антициганизмот во модерните општества.

Проектот се состои од повеќе активности, меѓу кои мобилности помеѓу РРОМА и Амаро Форо во Македонија и Германија, локални активности водени и организирани од самите млади итн.

Мобилностите се одвиваат во:

  1. 6 – 12 март 2017 година во Кратово, Македонија
  2. Јуни 2017 година во Берлин, Германија

Формирање младински групи, планови и активности:

– Од март до август 2017 година.

Профил на учесници:

–  млади Роми и не-Роми средношколци и студенти од 16 до 26 години,

– млади кои што не се во образование, работа или обука (NEET – Not in education, employment or training);

– предност ќе имаат младите на кои што овој проект ќе им биде прво Еразмус плус искуство;

– да имаат желба да споделуваат знаење и работат во групи;

– да работат во мулти-културна средина, без предрасуди!

– да имаат доволно познавање на англискиот јазик за комуницирање! Не ја исклучуваме можноста на меѓусебно помагање и преведување!
– да се слободни и достапни за двете мобилности во Македонија и Германија;
– да имаат валиден пасош за патување, со минимум 6 месеци валидност откако ќе се вратат од Германија!
Трошоци:
– трошоците за патување, храна и сместување се покриени од страна на организаторите;
– трошоците за патничко осигурување се на товар на учесниците!
За да се пријавите:

Потполнете го следниот формулар најдоцна до 28 февруари 18:00 часот! Формуларите после предвидениот рок, нема да се земаат во предвид!


Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и бидат направени трошоци за вас, а потоа се откажете, се обврзувате на одговорност да ги покриете истите!

Categories
Новости

Коалиција на Ромски НВО-и во рамките на проектот„Заедничка иницијатива за зајакнување на Ромското граѓанско општество на западен Балкан и Турција“

Почитувани,

Во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација беа доделени 5 мали грантови со цел поддршка на иницијативи и проекти на Ромски и про-Ромски граѓански организации за зајакнување на улогата на Ромското граѓанско општество.

Од страна на Институтот за истражување и анализа на политики – Ромалитико Скопје е изработен документ-сублимат од спроведувањето на иницијативите и проектите кои ги имплементираа организациите на кои Регионалната Ромска Образовна Младинска Асоцијација им додели грантови (Романо Авази-Тетово, ЗМОЧП-Штип, ЦРЗ Дром-Куманово, Сумнал-Скопје и 24 Вакти).

Документот изработен од Ромалитико ги сублимира само сите клучни наоди и нуди специфични препораки кон сите општествени чинители кои работат за вклучување на Ромите во општеството. Исто така, во документот може да ги најдете и главните цели на спроведените иницијативи и проекти. Документот е поделен во пет области: домување, вработување, здравство, образование и медиуми.

Целта на овој извештај е да се понудат дополнителни и алтернативни информации во различни области кои се важни за целосна интеграција на Ромите во македонското општество. Со други зборови, мрежата на цивилното општество составена од Ромски организации преку својата работа на терен идентификува дополнителни проблеми со кои Ромите се соочуваат на локално и национално ниво, но и нуди информации и алтернативни решенија за истите. Сметаме дека ваквите извештаи би придонеле за сеопфатен пристап при креирањето на политики кои имаат за цел да придонесат за интеграција на Ромите.

Со почит,

Коалиција на Ромски НВО-и во рамките на проектот„Заедничка иницијатива за зајакнување на Ромското граѓанско општество на западен Балкан и Турција“

Проектот е поддржан од Европската Унија.

Categories
Новости

Рециклирањето на отпадот може да биде забавен и креативен процес!

Рециклирањето на отпадот може да биде забавен и креативен процес! Учесниците на младинската размена „ReCreative use of waste“ тоа најдобро го знаат. Младинската размена се оддржаа во младинскиот камп Марабу-Милчовени, Романија од 04 август до 14 август 2016 година. РРОМА учествуваше со 5 учесници од Македонија!

Младинската размена ReCreative use of waste имаше за цел околу 40-тина млади  од 6 Европски земји (Македонија, Романија, Шпанија, Словачка, Полска, Украина и Кипар) преку неформалното образование да ги споделат знаењата за важноста на рециклирањето, и влијанието што го има врз нашата  животна средина, да се промовира креативното рециклирање и развојот  на граѓанскиот дух. Се организираа работилници со (пластика, стакло, дрво). Сите овие активности беа насочени кон зголемување на културната свест на секој учесник со користење на уметноста и дизајн и како тие, тоа искуство да го пренесат во сопствената земја. Преку работилници за рециклирање, младите научија како од ништо да создадат нешто.

Categories
Новости

Заврши младинската размена Act Intercultural 2

Во младинскиот камп Марабу од 12 до 20 септември се оддржа една многу интересна младинска размена под наслов Act Intercultural 2. Учество зедоа 49 млади од 7 Европски земји (Македонија, Романија, Унгарија, Бугарија, Италија, Холандија и Република Чешка).
За време на размената беа користени повеќе алатки и преку неформалното образование од областа на ПР техниките, јавниот говор, Карл Попер дебата се стекнаа основните вештини потребни при процесот на лобирање и вработување. Најголемиот акцент на оваа младинска размена беше ставен врз интервјуто при вработување каде преку симулација и принципот “ sharing and learning”  со локалните млади од селото Милковени, младите учесници имаа можност да симулираат вистински процес на интервју за работа. Меѓу другото,  учесниците исто така дознаа повеќе за програмата Еразмус плус, театар во сенка и формати на младински конференции.
 
Едно многу убаво и интересно искуство!
 
Categories
Новости

Повик за младинската размена “Migration Never Stops – part II

РРОМА распишува повик за учество на младинска размена, која што се оддржува во Р.Македонија со поддршка на Ерасмус плус програмата и Националната Агенција за европски образовни програми и мобилност на РМ.
Кои се влијанијата на миграцијата врз животите, културата и идентитетот на луѓето? Целта на младинската размена е преку употребата на креативни методи и алатки да се добијат повеќе информации за човековите права, истражуваат приказните за миграција и сето тоа да се претстави низ очите на младите учесници.Ние сметаме дека миграцијата е силен одраз на почитување на човековите права во една земја. Сакаме да ги зајакниме капацитетите на учесниците да ги бранат човековите права и развијат стратегии за надминување на ексклузијата и дискриминацијата.
Исто така, преку креативен хаос да се покаже доверба, меѓусебен дијалог и почит на младите од 5 земји (Македонија, Германија, Бугарија, Романија и Литванија).
Младинската размена ќе се оддржи во Хотел Кратис, Кратово почнувајќи од 12 до 18 декември 2016. 
Можат да се пријават:
– млади Роми и не-Роми на возраст од 16 до 30 години;
– младински работници, волонтери, уметници…
– работен јазик е англиски и јазикот на креативноста 😛
Дел од работата на младинската размена ќе биде креирање на стрипови, кратки видеа и текстови поврзани со темата!
Би ве замолиле да се пријавите најдоцна до 01 декември (18.00 часот) кликајќи на линкот Апликација за MNSII 2016!
Сите трошоци поврзани со младинската размена се покриени од страна на организаторот!
ВИ БЛАГОДАРИМЕ ЗА ПОКАЖАНИОТ ИНТЕРЕС!