ПОВИК ЗА МЛАДИНСКА РАЗМЕНА ,,YOUTH, THE ENVIRONMENT AND CLIMATE CHANGE”.

Posted on by Rroma in Uncategorized, Конкурси, Новости

Регионалната Ромска Образовна Младинска Асоцијација објавува повик за младинската размена ,,Youth , the environment and climate change” која што ќе се одржи  од 09.02.2023 до 20.02.2023 фебруари 2023 година ( 9ти и 20ти се денови за патување) во Бребу, Романија.

Целта на оваа младинска размена е да се забележи влијанието на оваа тема врз младите учесници на ниво на личен развој и меѓусебни односи, како што тие ќе научат директно да комуницираат меѓу себе, да ги споделуваат своите ставови, да ги вразумат и научат другите за заштита на животната средина и за борбата против климатските промени.

Живеејќи заедно во село 10 дена, 40-те млади луѓе ќе ги развијат своите граѓански, социјални и културни вештини, збогатувајќи ги своите знаења за заштитата на животната средина, борбата против климатските промени и волонтирањето, за потребата од активно вклучување во животот во заедницата, промовирајќи го граѓански дух за квалитетна животна средина, со придобивки за здравјето и заедницата.

На повикот може да се пријават:

  • Млади Роми и не-Роми од 16 до 26 години (можни се исклучоци)
  • средношколци, младински работници, волонтери
  • Mотивирани да се вклучат во преобликувањето на стратегијата за младинско ангажирање на нивните
    организации
  • Работен јазик е англискиот јазик, но со можност за меѓусебна поддршка од страна на останатите учесници.

Трошоци поврзани со младинската размена и предвидените активности се покриени од страна на организаторите:

  • Патни трошоци од закажаното место на поаѓање до местото на пристигнување и од местото на пристигнување до местото на поаѓање
  • Сместување
  • Храна
  • Предвидени активности за време на младинската размена

Изберените учесници НЕ плаќаат партиципација за учество на проектот.

Обврска на учесниците:

  • Валиден пасош
  • Патничко осигурување
  • Патните трошоци од местото на живеење до местото на поаѓање.

Заинтересираните учесници можат да се пријават потполнувајќи ја апликацијата најдоцна до 25ти јануари 2023 година, најдоцна до 18:00 часот!

Пакет со информации.

ЗАВРШИ СЕМИНАРОТ ,,ROMA REMEMBRANCE AND SOLIDARITY”

Posted on by Rroma in Uncategorized, Новости

Регионалната Ромска Образовна Младинска Асоцијација (РРОМА) во периодот од 9ти до 16ти декември учествуваше и беше дел од реализацијата на семинарот Roma Remembrance and Solidarity во Берлин, организиран од страна на Амаро Дром. На 8 дневниот семинар учествуваа повеќе од 30 млади активисти од Германија, Северна Македонија, Унгарија, Србија, Бугарија, Италија и Романија. Овој проект е поддржан од Еразмус+ програмата на Европската Унија.

Во текот на 8те денови учесниците имаа можност да научат повеќе за човечките права, за дискриминацијата, за државјанство, што е култура и што значи идентитет за една млада личност. Со детална анализа успејаа да ги откријат елементите на пирамидата на омразата, а потоа и да ги откријат и продискутираат за 10те чекори кои водат до геноцид, како да ги препознаат, и што може да се преземе.

Присутните ја имаа честа да научат повеќе за историјата и геноцидот на Ромите од страна на проф.Христо Ќучуков, кој несебично го сподели неговото знаење со присутните и беше на располагање да одговори на прашањата кои ги имаа.

Во текот на наредните денови учесниците ја имаа можноста да го посетат музејот Topography of Terror, каде што исто така добија многу информации за ромскиот геноцид како и за холокаустот.

Во наредните денови учесницитте на семинарот го посетија споменикот на Ромите и Синтите каде што се одржа мала симболична комеморација, со положување свежо цвеќе, минутен молк а потоа учесниците читаа поезија и проза која што претходно ја имаа подготвено.

Одржани финалните настани во рамки на проектот ,,Invisible Power” и ,,The Other School Of Politics”

Posted on by Rroma in Uncategorized, Новости

Во сабота на 10.12.2022 година, на меѓународниот ден на човековите права, се одржаа двата завршни настани во рамките на малите проекти „Другите училишта за политика“ и „Невидлива моќ“, поддржани од Исланд, Лихтенштајн и Норвешка преку ЕЕА и Норвешки фонд за грантови за регионална соработка како дел од стратешкото партнерство во рамките на „Нови решенија за старите проблеми“.
Овие два проекти беа земени како добри практики од страна на партнерите во Турција и Чешка. Настанот се одржа во просториите на кабинетот на претседателот на државата, кој деновиве го користи Националниот младински совет на Македонија.

„The Other School of Politics“ има за цел да ги поттикне младите Роми и не-роми заинтересирани за општествени прашања да станат активни граѓани на политичко и општествено поле и да го зголемат нивното учество во механизмите за одлучување. Според тоа, програмата за обука вклучува различни политички области, имено; активно граѓанство, социјална политика, функционирање на локалните самоуправи, политики кон Ромите и развој на ромското граѓанско општество во Северна Македонија и Европа. Дополнително, тематски прашања како што се дискриминација и социјална инклузија, пол, уметност и програми за активизам, кои го нагласуваат развојот на вештините за учество и лидерство, дополнително вклучувајќи практични модули како што се политичка комуникација, алтернативни модели на активизам и јавно говорење.
На панел дискусија, младите ментори кои беа дел од проектот разговараа за прашања поврзани со тоа кој е најголемиот предизвик во рамките на проектот на кој работеа во нивната општина од каде доаѓаат, со кои предизвици се соочија во текот на работата и дали имаше доволно можности за младите во земјава и каков е нивниот придонес како млади Роми и не-Роми во 21 век, со што се гордеат…

Општата цел на проектот „Невидлива моќ“ е да ги поддржи и едуцира девојките и жените Роми со цел да стекнат доволно самодоверба и да ја подигне свеста за „Невидлива моќ“, да ги постават своите приоритети и да се борат за нивната позиција во Ромите. општеството. семејствата и македонското општество. Фотографиите кои претходно беа направени беа изложени во просториите на НМСМ, заедно со нивните приказни, квалитети и вредности кои ја сочинуваат нивната невидлива сила, изработени во форма на брошури.
Присутните имаа можност да ги слушнат нивните приказни, а самиот настан беше многу емотивен за жените, кои рекоа дека ова е многу значајно за нив, бидејќи иако не го оствариле својот сон, ова било можност за нив барем за еден ден, макар и на слика да се чувствуваат како што сонувале!

РРОМА СТАНА ЧЛЕНКА НА ЕВРОПСКАТА МРЕЖА YOUTH EXPRESS NETWORK (YEN)

Posted on by Rroma in Uncategorized, Новости

Регионалната Ромска Образовна Младинска Асоцијација (РРОМА), на 7ми декември, 2022 на онлајн платформата Зум, присуствуваше на 29то Генерално Собрание на европската мрежа Youth Express Network, на кое што доби зелено светло да стане полноправна членка.

На собранието се разговараше за годишниот план за 2023 како и за предвидениот буџет и проекти кои ќе следуваат. Беше одберен и нов управен одбор како и нов претседател на мрежата од страна на членките.

Youth Express Network е европска мрежа на грас-рут младински организации. Нивната визија е да се дојде до инклузивно општество, каде што младите луѓе, нивните потреби и учество ќе бидат препознаени и ценети.

Организациите-членки на мрежата работат на локално, регионално и/или европско ниво на социјалната вклученост на младите луѓе. Одбор е паневропски и составен од млади луѓе а канцеларијата за координација е со седиште во Стразбур, Франција.

Оваа мрежа работи на охрабрување на младите луѓе со помалку можности да го слушнат својот глас во локалните, регионалните и меѓународните институции, или преку нивно претставување или поддржувајќи ги да создаваат и да бидат дел од младински совети и младински иницијативи.

Од 1993 година, YEN има организирано повеќе од 120 меѓународни активности кои ги здружуваат младинските организации, социјалните/младинските работници и младите луѓе со помалку можности а воедно се и полноправна членка на Европскиот младински форум (YFJ) и на ИНГО конференцијата на Советот на Европа.

ОДРЖАНО ЕСЕНСКОТО ГЕНЕРАЛНО СОБРАНИЕ НА НАЦИОНАЛНИОТ МЛАДИНСКИ СОВЕТ

Posted on by Rroma in Uncategorized, Новости

Регионалната Ромска Образовна Младинска Асоцијација присуствуваше на есенското генрално собрание организирано од страна на Националниот Младински Совет одржано на 2 и 3 декември 2022 во Скопје.

На Собранието, младинските организации имаа можност заедно, преку конструктивнa дискусиja, да нoсат одлуки кои ќе водат кон подобрување на животот на младите. Главни точки на дискусија беа годишната програма за работа на Националниот Младински Совет која што ја анализиравме и дадовме свои препораки. Исто така мрежата беше проширена со нови младински организации. Одвоивме простор да разговараме за предлози за новиот Закон за ученички и студентски стандард и да развиеме дебата во врска со истиот. На самиот крај работевме на предлог-измени на Статутот на Националниот Младински Совет.

Одржана конференција: “Финансирање на програмите наменети за Ромите – очекувањата на заедницата и Ромските организации од основното ниво наспроти очекувањата на донаторите

Posted on by Rroma in Uncategorized, Новости

Регионалната Ромска Образовна Младинска Асоцијација заедно со коалицијата KHETANE на 5.12.2022 организираа донаторска конференција финанциран од Исланд, Лихтенштајн и Норвешка преку ЕЕА и Норвешкиот Фонд за Грантови за Регионална соработка како дел од стратешкото партнерство во рамки на ,,New solutions to old problems”.

Главната цел на настанот е пристапот оддолу нагоре, како приоритетите на заедницата се инкорпорирани во државните програмери и фондации/донатори, како и размена на информации помеѓу заинтересираните страни или засегнати страни.
На првиот панел беа дискутирани и презентирани тековните програми на институциите во насока на промоција и инклузија на Ромите во Република Северна Македонија.
Во вториот панел, Патот напред: Усогласување на приоритетите и финансирањето на локално и национално ниво за надминување на антициганизмот, вработување на Ромите на локално ниво, вметнување на приоритетите на Ромите како општински приоритети, вклучително и решенија за Ромите во главните планови, мапирање на капацитетите на општината, консултативен пристап до институциите во однос на финансирањето, координација меѓу донаторите, споделување на активности и проекти меѓу невладини организации, вмрежување на ресурсите, сеопфатен проект за трошење средства.


На конференцијата присуствуваа: невладини организации, претставници од општините и градоначалниците, пратеници, претставници од владата, национални и меѓународни
донатори.

Заврши младинската размена во Романија ,,romActive – ACTIVE CITIZENSHIP FOR DISADVANTAGED”

Posted on by Rroma in Uncategorized, Новости

Од 1.12.2022 до 10.12.2022 во Бребу, Романија се одржа младинската размена ,,romActive – ACTIVE CITIZENSHIP FOR DISADVANTAGED” во партнерство на Регионалната Ромска Образовна Младинска Асоцијација (РРОМА) и Nevo Parudimos од Романија. Младинската размена е поддржана од Еразмус+ програмата на Европската Унија.

Очекуваното влијание за младите учесници се заснова на мотивацијата да го развијат сопствениот идентитет, способности и цели за иднината. Врз основа на веќе развиени грасрут мрежи и активни волонтери, овој проект изминатите денови ги обучи капацитетите на младите Роми и не-Роми како мултипликатори, модели и активни граѓани со цел да го развојат нивниот потенцијал, креативност, иницијатива, самодоверба, преговарачка моќ како и да ги застапуваат сопствените потреби за да постигнат одржливи ефекти во нивната сопствена реалност.

Најголемото влијание што го очекуваме за самите млади е тоа што тие можат да сфатат дека светот не е само проблематичен, туку има опции за нив да ја градат сопствената иднина.

Барање на фирма за превоз на донаторска конференција

Posted on by Rroma in Uncategorized

Здружение Регионална Ромска Образовна Младинска Асоцијација (РРОМА) – Кратово, во соработка со коалицијата Kethane објавува „Барање за прибирање на понуди“ повикувајќи ги сите регистрирани правни субјекти, да поднесат понуди со следните содржински спецификации:

1.Општи услови

1.1. Набавувач на услуги: Здружение Регионална Ромска Образовна Младинска Асоцијација (РРОМА) – Кратово со седиште во Кратово ул. Тошо Куковски бб.

1.2. Предмет на барањето: Барање за прибирање на понуди за преведувачи на донаторска конференција

1.З. Здружение Регионална Ромска Образовна Младинска Асоцијација (РРОМА) – Кратово го спроведува проектот „New solutions to old problems“ со финансиска поддршка на финасиран од Исланд, Лихтенштајн и Норвешка преку ЕЕА и Норвешкиот Фонд за Грантови за Регионална соработка ЕЕА and Norway Grantи заради остварување на планираните проектни активности јавно го објавува ова барање.

1.4. Набавката на ова Барање не е делива. Изборот ќе се направи согласно најдобриот финансиски интерес за понудените стоки и услуги.

Понуда за одржување на конференцијата е за 05-ти декември (понеделник) 2022 година и истата треба да содржи:

  • Превоз на учесници од Кратово, Крива Паланка, Битола, Куманово, Берово и Обратно
  • Патниците треба навремено и безбедно да бидат донесени и вратени за настанот
  • Конференцијата започнува во 11.00 часот и ќе трае до 15.00 часот

За реализација на настанот ќе биде потребно да се обезбедат сите потребни услови согласно Протоколот за заштита од Ковид 19.

Понудената цена треба да е во денари.

Критериуми за избор на најповолен понудувач:

Цена

Квалитет

Цената носи максимум 80 бодови, квалитетот носи максимум 20 бодови. За добитник на повикот по барањето за доставување на понуди се смета понудувачот кој ќе добие најмногу поени.

Облик и содржина на понудата

4.1 Понудата се изработува во писмен облик со понудена цена во денари

4.2 Име, адреса и седиште на понудувачот на услуги, даночен број, броеви на телефон, факс, е-маил адреси за контакт како и лица за контакт

4.3 Карактеристики на понудата

4.4 Рок и начинот на испорака на стоките и услугите

4.5 Рок и начин на плаќање

Ве Молиме вашите понуди да ги испратите по електронска пошта (e-mail) на следната адреса  daniela@rromassn.org најдоцна до 17.11.2022 година до 16 часот.

Проектот ,,New solution to old problems” е финасиран од Исланд, Лихтенштајн и Норвешка преку ЕЕА и Норвешкиот Фонд за Грантови за Регионална соработка ЕЕА and Norway Grant.

Настанот ќе биде ко-финасиран и од проектот Romani Women Power of Change, поддржан од Евроопската Комисија, како и од проектот Smart Democracy – поддржан од Erasmus plus

Врсничка едукација за борба против говорот на омраза кон антициганизмот на интернет – Пакет со алатки за работа со млади луѓе

Posted on by Rroma in Uncategorized, Новости

Со приближно 12 милиони луѓе кои со векови живеат во Европа, Ромите го сочинуваат најголемото етничко малцинство на континентот. Во исто време, тие се најмалку посакуваното и најмногу дискриминирано малцинство, при што секое трето лице не сака да има сосед Ром, а 80 % од Ромите живеат во ризик од сиромаштија.

Антициганизам – специфична форма на расизам против луѓето кои се перцепирани како
„Цигани“ во колективната свест, ја претставува сржта на социјалната исклученост и
дискриминација на Ромите.


PECAO (Врсничка едукација за борба против говорот на омраза кон антициганизмот на интернет) се бори против говорот на омраза кон антициганизмот на интернет преку работа со млади луѓе, користејќи комбинација на врсничка едукација и мониторинг за да се добијат двојни резултати: методологијата за врсничка едукација ќе постигне директна промена во ставовите и дејствијата на голем број млади луѓе, а мониторингот ќе придонесе за подобро разбирање и подлабока системска промена на политиките преку залагање врз основа на резултатите.

Пакетот со алатки може да го пронајдете на следниот линк:


Со користење на пакетот со алатки создаден од конзорциумот и преведен на достапните јазици на партнерите, споделуваме некои од методологиите за да помогнеме во разбирањето на феноменот поврзан со говорот на омраза на интернет и неговото влијание врз Ромите, како и важноста да се следи и да се пријави таквиот говор на интернет.

Понатаму, оние кои се заинтересирани за темата можат да се вклучат во залагањето и да придонесат за подобри политики против дискриминација преку адресирање на антициганизмот како мотивација поради предрасуди, како и подигнување на свеста кај различните засегнати страни за говорот на омраза кон антициганизмот во интернет-медиумите.

Проектниот конзорциум на PECAO се состои од следниве партнери и финансиери: Финансирани од Програмата за права, еднаквост и граѓанство на Европската унија (2014-2020) со кофинансирање од Google.org: Integro Association (Бугарија), Nevo Parudimos (Романија) ,Federation of Catalan Roma Associations (FAGIC), Шпанија, Romaversitas (Унгарија), Romanonet (Чешка Република), ERGO Network (Белгија)

Финансирани од „Google.Org Impact Challenge on Safety“ во рамките на проектот на ЕРГО мрежата – Врсничка едукација за борба против говорот на омраза кон антициганизмот на интернет: La Voix des Rroms (Франција), Upre Roma (Италија), Roma Women Fund Chiricli (Украина), RROMA (Северна Македонија), Roma Active Albania (Албанија).

ОДРЖАНА ТРАНСНАЦИОНАЛНА СРЕДБА ВО РАМКИ НА ПРОЕКТОТ ,,EUROPEAN YOUTH COMMUNITY RADIO”

Posted on by Rroma in Uncategorized, Новости

Во периодот од 9ти до 12ти ноември ви Берлин, Германија се одржа транснационална средба во рамки на проектот ,,European Youth Community Radio” На средбата присуствуваа преставници од 6 организации од 6 различни држави: Франција, Италија, Германија, Шпанија, Северна Македонија и Португалија.

Проектот создаде радио на Европската заедница од кое ќе промовира активно учество на младите и вмрежување меѓу организациите и младите од различни потекла и националности, давајќи им глас и правејќи ги активни учесници во нивната сегашност и иднина.
Цели на проектот:

  • Да се ​​создаде европска мрежа на младински организации за да се олесни лансирањето на радио на младинската заедница како едукативна алатка која поттикнува активно учество и им дава глас на младите, особено младите со помалку можности.
  • Да генерира дебата и размислување за да ја анализира ситуацијата на локалната и европската заедница околу целите на европската младина и околу „Без говор на омраза“ и да размислува за иднината и влијанието на здравствената криза „Ковид19“, обидувајќи се да се залага за поинклузивен, кохезивен и одржлив модел на живот во европското општество.