Categories
Uncategorized Новости

ОДРЖАНА КАМПАЊА ВО РАМКИ НА ПРОЕКТОТ ,,ROMA YOUTH KICKING OFF THE DECADE TO COUNTER ANTIGYPSYISM”

На 4ти и 5ти ноември беше одржана кампањата ,,ROMA YOUTH KICKING OFF THE DECADE TO COUNTER ANTIGYPSYISM” во соработка на РРОМА од Северна Македонија, мрежата ЕРГО од Белгија и ROMEDIA од Унгарија, а е финансирана од Вишеградскиот Фонд.

По завршената обука на Летната академија во Братислава, присутните претставници на РРОМА стекнаа знаење од експерти за темата Антициганизам и за како да креираат своја кампања.

За поголема видливост кампањата беше одржана на две локации: Прилеп и Кратово. На кампањата највеќе присуствуваа млади луѓе, но и повозрсни луѓе кои за прв пат се сретнаа со појавата Антициганизам. Целта на кампањата беше да се информираат луѓето што е антициганизам, од каде доаѓа и да научат да го познаат како форма на расизам, која е сѐ присутна од минатото па сѐ до денес. Исто така кампањата беше проследена со дискусија за тоа како можеме да делуваме за да се спречи оваа појава.

Categories
Конкурси Новости

CALL FOR PARTICIPANTS – STUDY SESSION: “MULTI SECTORAL COOPERATION FOR INCLUSION OF ROMA YOUTH AND MARGINALIZED GROUPS“

Background of the Study session:

Based on 2020 in-depth, European-wide research involving hundreds of young Roma and youth civil society organizations, conducted by Phiren Amenca International Network and the ternYpe Roma Youth International Network, one of the main challenged that are faced by Roma youth, is in fact youth participation. 57% of young Roma experience obstacles for participating in public and social life. Political participation of young European Roma remains extremely low. Moreover, there is a major lack of Roma youth participation in the National Youth Councils and in the work and programs of youth organizations.

Regional Roma Educational Association, the National Youth Councils of North Macedonia, Romania, Ukraine, the National Youth Forum of Bulgaria and  in partnership with the Youth Department of the Council of Europe are organizing a Study session in order to open a discussion about important issues related to social inclusion of Roma youth and other marginalized groups with special focus on their active participation in the decision-making process both nationally and on more local level.

Aims and objectives

Aim: To strengthen the capacities of Roma and non-Roma youth organizations and representative bodies of youth to increase participation of Roma youth and other marginalized groups within and outside of their structures.

Objectives:

  • To encourage and build competences of the participants to advocate for the rights of the young Roma people and other marginalized groups within representative bodies at local/national/international level;
  • To explore good practices of young Roma and marginalized groups in inclusion and the participation in decision making processes in their countries;
  • To formulate recommendations for increasing participation of Roma and marginalized groups and enable follow-up partnerships and actions at national and international levels;


Who should apply?

We are looking a total of 30 young participants coming from European countries between the age of 18 to 30, with a focus on:

  • Young Roma people and other marginalized groups;
  • Representatives of National Youth Councils as networks;
  • Representatives of Local (youth) consultative structures (advisory boards, municipal youth councils);
  • Representatives of the Youth organizations.


When and where?

The Study session will take place during 22nd  of May and 27th  of May in the European Youth Center Budapest (EYCB), Hungary. Travel dates from and to Hungary are 22nd of May and 27th  of May.

Language and Format

English is the language that will be used during the Study session.

The event will be held using Non-Formal Education format and methodology.

Application Procedure:

The deadline for applying is: 2nd of May, 2022.

Applicants can apply through our online form by following this link.

*Only selected participants will be contacted after the selection process is completed

Categories
Новости

Одржана конференција “Говорот на омраза кон ромската заедница во онлајн сферата како дел од антициганизмот”

На 16,02,2022 (среда) во хотел Континетал, Скопје, се одржа конференцијата, “Говорот на омраза кон ромската заедница во онлајн сферата како дел од антициганизмот” организиран од страна Институтот за истражување и анализа на политики – Ромалитико и Регионалната Ромска Образовна Младинска Асоцијација во рамките на проектот на ЕРГО мрежата “Peer education to counter antigypsyist hate speech online” кој е поддржан од Google.Org Impact Challenge on Safety.

На конференција свое воведно обраќање имаше  г-динот Mхамед Точи, државен секретар, министерство за правда.

Конферницијата беше одржана во две панел дискусии.

Првата панел дискусија беше наменета за Презентација на извештајот за говор на омраза и модерирана од страна на г-ца Марија Сулејманова – Ромалитико и панелисти/говорници на панел дискусијата беа: г-дин Дениз Селмани – Автор на годишниот извештај, Мухамед Ајваз – Автор на кварталните извештаи, г-ѓа Марија Андреева – Совет на Европа и г-ѓа Васка Бајрамовска Мустафа – народен правобранител.

               

Втората панел дискусија се одвиваваше на тема Антициганизмот во Република Северна Македонија, дискусијата ја водеа панелисти/говорници г-дин Елвис Мемети – советник за инклузија на Роми, г-дин Мустафа Јакупов – Извршен директор на РРОМА, г-ца Марија Сулејманова – Ромалитико, г-дин Исмаил Камбери – комисија за заштита од дискриманција, дискусијата ја  модерираше г-дин Суад Скендери – Ромалитико.

          

На конференцијата се презентираше извештајот за говор на омраза проследен со дискусија на темата антициганизам во Република Северна Македонија. Според извештајот, во кој се анализирани 118 случаеви на говор на омраза кон ромската
заедница значително се има зголемено во текот на Ковид19 пандемијата. Говорот на омраза во интернет сферата е присутен најчесто на социјалната мрежа Facebook, како најчесто користена мрежа. Негативните коментари, навреди и како и поттикнувањето на говор на омраза се присутни и на постови кои одразуваат негативна содржина кон ромската заедница, меѓутоа и на постови кои прикажуваат позитивна содржина.

                    

На Конференцијата се упати апел за регулирање на слабата правна рамка за говор на омраза за која говори и фактот што во нашата држава е донесена само една правосилна одлука за говор на омраза. Исто така, се упати порака дека потребно е институциите да се запознаат со терминот и концептот антициганизам кој претставува специфична форма на
расизам врз Ромите и за прв пат како термин е официјално прифатен и од страна на РСМ во новата Стратегија за Роми во која се предвидени активности преку кои ќе може се работи искоренување на антициганизмот.

Пристапите кон извештајот на македонски јазик тука

Пристапете кон извештајот на англиски јазик тука

Categories
Конкурси

ПОВИК ЗА МЛАДИНСКА РАЗМЕНА „Mingle and Exploring Human Rights in Europe!”

Регионалната Ромска Образовна Младинска Асоцијација објавува повик за младинската размена  „Mingle and Exploring Human Rights in Europe!” која ќе се одржи од 20 – 27 септември во Берлин, Германија.

Младинската размена има за цел да ги ангажира младите лидери/ки, особено маргинализираната младина во промоција на вредностите на човековите права, истовремено преку употребата на неформалното образование да ги обучи да ги промовираат истите помеѓу нивните врсници. Размената се фокусира на креативноста кај младите учесници. Така што, учесниците ќе имаат можност да работат во група за театар и креирање на стрипови. Проект не само што ќе го зголеми знаењето и чувствителноста на учесниците за темите на човекови права, демократија и дискриминација, со акцент на антициганизмот, туку ќе ги направи свесни за нивната улога и одговорност во рамките на нивните заедници, општеството и Европа во целост.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 25 години (лидерот може да биде над 25 години)
  • лидер/ки, младински работници/чки, волонтери/ки …
  • Работен јазик е англискиот јазик, но со можност за меѓусебна поддршка од страна на останатите учесници
  • Вакцинирани

Трошоци поврзани со младинската размена и предвидените активности се покриени од страна на организаторите:

  • Патни трошоци од закажаното место на поаѓање до местото на пристигнување и од местото на пристигнување до местото на поаѓање
  • Сместување
  • Храна
  • Предвидени активности за време на младинската размена

Изберените учесници НЕ плаќаат партиципација за учество на Младинската размена.

Обврска на учесниците:

  • Валиден пасош
  • Сертификат за Ковид 19 Вакцинација
  • Патничко осигурување
  • Патните трошоци од местото на живеење до местото на поаѓање.

Заинтересираните учесници можат да се пријават потполнувајќи ја апликацијата најдоцна до  05 Септември 2021 година (четврток), најдоцна до 18:00 часот!

Categories
Конкурси Новости

Повик за учество на Dikh He Na Bister 2021

Регионалната Ромска Образовна Младинска Асоцијација од Кратово, во соработка со Документациониот и културен центар на германските Синти и Роми, Централниот совет на германските Синти и Роми и ternYpe објавува повик за учесници за учество на Dikh He Na Bister 2021.

 

Овогодишниот проект опфаќа 3 фази:

  1. Онлајн подготовка на селектираните учесници за настанот во Краков (Полска). Датумот ќе биде дополнително договорен. Присуството на подготовката е задолжително!
  2. Учество на настанот “Dikh He Na Bister 2021” и комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 28 јули до 4 август 2021 година;
  3. Настани организирани од учесниците за понатамошна дисеминација на добиените информации во период од септември до декември 2021 година.

Концепт за 2021:

Имајќи ја во предвид пандемијата со Ковид-19 и рестрикциите, концептот за 2021 година предвидува едукативен настан за младите учесници од 10 европски земји со намален број на учесници, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”. Учесниците ќе бидат дел од активностите за сеќавање и одбележување на 77 годишнината на Ромскиот геноцид.
Младите учесници ќе работат со своите фасилитатори во работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во своите работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовка:

Селектираните учесници од Македонија ќе поминат низ процес на подготовка. Присуството на онлајн подготовката е задолжително за сите селектирани учесници!
Бараме учесници:
  • Млади на возраст од 18 до 30 години кои што за првпат ќе бидат дел од настанот;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовката и едукативниот настан да го пренесат во своите заедници;
  • Да присуствуваат на онлајн подготовката организирана од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Бараме лидер/ка на група:

  • Личност на возраст од 18 до 30 години која што има претходно искуство на темата;
  • Да е бил/а веќе на настанот Dikh He Na Bistar во Краков, Полска
  • Лидер/ка на групата се грижи за учесниците;
  • Да работи во мултикултурни групи без предрасуди;
  • Да присуствува на онлајн подготовката организирана од страна на РРОМА;
  • Да има познавања од англискиот јазик
  • Да има валиден пасош за патување, со најмалку 6 месеци валидност откако ќе се врати од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде со организиран превоз.

Задолжителни документи за патување на учесниците:

  • Валиден пасош (6 месеци пред рокот на истекување)
  • Патничко осигурување (покриен од страна на учесниците)
  • Негативен ПЦР тест направен 48 часа пред патувањето (покриен од страна на организацијата)

Доколку, учесникот е вакциниран:

  • Документ (сертификат) за вакцина 14 дена од последната примена вакцина пред патувањето.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учествонајдоцна до 02 јули 2021 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Ви благодариме на покажаниот интерес!
Categories
Новости

Се одржа онлајн квиз по повод 16 – ти Мај, денот на Ромското востание

16-ти мај 1944 година, денот кога нацистите почна да го планираат “конечното решение” за “Циганскиот камп” во Аушвиц. На затворениците на кампот им беше наредено да останат во бараките и тие беа опкружени со 60 СС војници. Но, тогаш тие се соочиле со бунт од страна на мажите, жените и децата, вооружени со ништо повеќе од стапчиња, алатки и камења. И на крајот СС војниците мораа да се повлечат, одложувајќи го нивното истребување за неколку месеци.

Денес го почитуваме  отпорот на нашите предци и земаме сила и зајакнување од нивната борба – оваа сила ни помага да продолжиме да се спротивставуваме секој ден.

РРОМА по повод 16 – мај, денот на Ромското востание, реализиареше оналјн квиз, со кој ви се  овозможи да го тестирате своето познавање и научите повеќе историски факти за Ромскиот геноцид за време на Втората светска војна, а притоа да добиете некои од ексклузивните награди!!!

Во квизот учествува 14 учесници, од кои првите 5 учесници со највеќе поени ќе бидат доополнително известени за своите награди.

Ви благодариме на сите што учествувате во квизот!

Categories
Конкурси

Бидете дел од Квизот!!!

РРОМА ви овозможува да го тестирате своето познавање и научите повеќе историски факти за Ромскиот геноцид за време на Втората светска војна, а притоа да добиете некои од ексклузивните награди!!!
За да учествувате треба да го решите тестот:
ТЕСТ
  1. Кликнете на тестот!
  2. Пишете ја вашата е-маил адреса во полето одредено за тоа!
  3. Решите го тестот!
  4. Добијте некои од ексклузивните награди!
  5. Најдобрите и најбрзите ќе бидат електронски контактирани за начинот на подигнување на наградата!
  6. Секој учесник има право на едно пријавување!

Квизот ќе биде достапен до 16-ти мај 2021 година!

Categories
Новости

Одржана дигитална конференција “Адресирање на говорот на омраза на Ромската заедница во онлајн сферата на општествено живеење”

 

Регионалната Ромска Образовна Младинска Асоцијација на 10 декември 2020, денот на човековите права, организираше Дигитална конференција на тема Адресирање на говорот на омраза кон ромската заедница во онлајн сферата на општественото живеење.

                                                   

На дигиталната конференција свое воведно обраќање имаше г-динот Аркин Јахији, шеф на Кабинетот на Заменик Министерот за правда.

Конференцијата беше организирана во два панели.

На првиот панел говорници беа г-ѓа Ѓултен Мустафова од Министерството за труд и социјална политика, г-ца Марија Андреева од Советот на Европа, г-ѓа Марина Тунева од Советот на етика во медиумите и г-дин Мустафа Јакупов извршен директор на РРОМА модериран од Урмета Арифовска (РРОМА).

                                    

 

На вториот панел говорници беа г-а Марија Сулејманова од Институтот Ромалитико, г-дин Срѓан Амет од Здружението на правници Роми, г-а Ирена Здравковска од Здружението Млади правници и г-а Славица Атанасовска од Хелшинскиот Комитет, модериран од Мухамед Ајваз (Ромалитико).

                                                  

На дигиталната конференција се дискутираше за говорот на омраза од различни аспекти и како истиот е адресиран и треба да биде адресиран од различни засегнати страни. Дискусијата на темата говорот на омраза се разви во дискусија за генералната поставеност на заштитата од говор на омраза пришто таквата дискусија даде насока за специфично дискутирање на говорот на омраза кон ромската заедница.

                                        

Заклучоците од дискусијата наведоа на тоа дека институциите треба да обрнат поголемо внимание на говорот на омраза на интернет и истите тие треба да остварат поголема соработка со невладиниот сектор за развивање на соодветни политики и одредби кои ќе обезбедат подобра заштита од говорот на омраза.

Дигиталната конференција беше стримувана на социјалната мрежа facebook:

https://www.facebook.com/rromassn.org/videos/387320299168322

 

Categories
Новости

Реализирани едукативните работилници на тема „ЕДУКАТИВЕН МЕСЕЦ ЗА СЕЌАВАЊЕ НА РОМИТЕ И ХОЛОКАУСТОТ“.

Регионалната Ромска Образовна Младинска Асоцијација успешно ги реализира едукативните работилници кои се одржаа во периодот на месец Ноември (7-29.11.2021) на онлајн ЗООМ платформата.

Првата Работилница ја одржа проф. Христо Ќучуков од Берлин. Кој ги запозна уцесниците со историјата на  Ромите пред почеток на Втората Светска Војна.

       

Важни информации за  подемот на фашизмот учесниците се здобија благодарение на г-дин Срџан Амет од Скопје, на втората едукативна работилница.

На третата работилници учесниците имаа можност да разменат свои знаења и подетално да го разберат значењето на атициганизам со г-дин Мустафа Јакупов од Кратово.

На четвртата работилници  г- ѓа Гордана Нешовиќ од Белград, детално сподели информации за креаторите на расните истражувања за време на националниот социјализам?

     

Петата и шестата работилници учесниците имаа можност да слусшнат подетално за Аушвиц и холокаустот како и за важните датуми (16 Мај и 2 Август) за сеќавање на Ромскиот геноцид.

        

Работилниците беа организирани во рамките на проектот “75 Years of Memory – young Roma and non-Roma acting against Forgetting” поддржан од Europe for Citizens програмата на Европската Унија.

Categories
Конкурси

Повик за онлајн едукативни работилници „Едукативен месец за сеќавање на Ромите и Холокаустот“

Регионалната Ромска Образовна Младинска Асоцијација од Кратово, објавува повик за учество на едукативни работилници „Едукативен месец за сеќавање на Ромите и Холокаустот“.

Едукативните реботилници ќе се одвиваат во месец ноември (од 7 до 29.11.2020), на ZOOM платформата.

Теми кои ќе бидат опфатени на работилниците се следните:

  • Прва Работилница –  07.11 со почеток од 11:00 –  13:30 – Ромите пред почеток на Втората Светска со проф. Христо Ќучуков од Берлин.
  • Втора  Работилница –   14.11 со почеток од 12:00 – 14:30 – Подемот на фашизмот со г-дин Срџан Амет од Скопје.
  • ТретаРаботилница –  20.11 со почеток од 16:00 – 17:30 – Дали го разбираме антициганизмот во нашето општество? со г-дин Мустафа Јакупов од Кратово.
  • Четврта Работилница – 21.11 со почеток од 12:00 – 14:30 – Кои се креаторите на расните истражувања за време на националниот социјализам? Со г- ѓа Гордана Нешовиќ од Белград.
  • Петта Работилница – 28. 11 со почеток од 12:00 – 14:30 – Аушвиц и Холокаустот на Ромите со г-ца Урмета Арифовска од Берово и г-ѓа Мерлин Јакупова Николиќ од Кратово.
  • Шеста Работилница – 29.11 со почеток од 12:00 – 14:30 – Денови на сеќавања на Ромскиот Холокауст со г-ца Урмета Арифовска од Берово и г-ѓа Мерлин Јакупова Николиќ од Кратово.

Едукативната работилница има за цел да го подигне знаењето за историјата и минатото за  Ромите, како и за мрачните случувања за време на Холокаустот. Работилниците не само што ќе го зголемат знаењето  и чувствителноста на учесниците на темата, туку ќе ја подигнат и свеста за случувањата во минатото кои можат да се повторат пак и во иднина.

На повикот може да се пријават:

  • Сите заинтересирани учесници;
  • Работни јазици ќе бидат: македонски, бугарски и српски.

 

Заинтересираните учесници можат да се пријават потполнувајќи ја зоом регистрацијата

По регистрирањето, ќе добиете емаил за потврда, со информации како да се приклучите  на работилницата.

Пријавувањето се врши најдоцна до:

1 работилница – 05 Ноември 2020 до крајот на денот ( 23:59)

2 работилница – 12 Ноември 2020 до крајот на денот (23:59)

3 и 4 работилница – 18  Ноември 2020 до крајот на денот (23:59)

5 и 6 работилница – 24 Ноември 2020 до крајот на денот (23:59)

Ве очекуваме!