Categories
Uncategorized Новости

Одржана подготвителна средба во рамките на 2ри август – Dikh He Na Bister

Втори август е европски ден на сеќавањата на холокаустот врз Синтите и Ромите кога на истиот ден во 1944 година во една ноќ во Аушвиц се убиени 4300 луѓе. По тој повод РРОМА заедно со своите партнер организации, секоја година преку комеморација го обележува тој датум во чест на Ромите и Синтите, жртви на Холокаустот.

 

За таа цел, денеска, на 18.07.2022 РРОМА одржа подготвителна средба со селектираните учесници кои ќе учествуваат на комеморацијата од 28.07.2022 до 04.08.2022 во Полска, Аушвиц на која што им беа споделени подетални информации за текот на активностите кои ќе следат таму, и исто така им се даде еден историски осврт кон ромскиот геноцид и ефектите на Холокаустот врз Синтите и Ромите.

      

 

 

Categories
Uncategorized Конкурси Новости

ПОВИК ЗА УЧЕСНИЦИ НА ,,DIKH HE NA BISTER 2022”

Регионалната Ромска Образовна Младинска Асоцијација од Кратово, во соработка со Документациониот и културен центар на германските Синти и Роми, Централниот совет на германските Синти и Роми и ternYpe објавува повик за учесници за учество на Dikh He Na Bister 2022.

Овогодишниот проект опфаќа 3 фази:

  1. Подготовка на селектираните учесници за настанот во Краков (Полска). Датумот ќе биде дополнително договорен. Присуството на подготовката е задолжително!
  2. Учество на настанот “Dikh He Na Bister 2022” и комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 28 јули до 4 август 2022 година;
  3. Настани/работилници организирани од учесниците за понатамошна дисеминација на добиените информации во период од септември до декември 2022 година.

Концепт за 2022

Концептот за 2022 предвидува едукативен настан за младите учесници од 15 европски земји, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”.
Младите учесници ќе работат со своите фасилитатори во мешани работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.
Учесниците ќе останат во мешани работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.
Профил на учесници
  • Млади на возраст од 18 до 25 години;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од едукативниот настан да го пренесат во своите заедници;
  • Да присуствуваат на подготвителните активности организирани од страна на РРОМА;
  • Работен јазик на едукативниот настан е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.

Патување до Полска и назад

За патувањето до Полска и назад ќе биде со организиран превоз.

Задолжителни документи за патување на учесниците:

  • Валиден пасош (6 месеци пред рокот на истекување)
  • Патничко осигурување (покриен од страна на учесниците)
  • Сертификат за вакцинација

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учествонајдоцна до 15 јуни 2022 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

 

 

Categories
Конкурси Новости

Повик за учество на Dikh He Na Bister 2021

Регионалната Ромска Образовна Младинска Асоцијација од Кратово, во соработка со Документациониот и културен центар на германските Синти и Роми, Централниот совет на германските Синти и Роми и ternYpe објавува повик за учесници за учество на Dikh He Na Bister 2021.

 

Овогодишниот проект опфаќа 3 фази:

  1. Онлајн подготовка на селектираните учесници за настанот во Краков (Полска). Датумот ќе биде дополнително договорен. Присуството на подготовката е задолжително!
  2. Учество на настанот “Dikh He Na Bister 2021” и комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 28 јули до 4 август 2021 година;
  3. Настани организирани од учесниците за понатамошна дисеминација на добиените информации во период од септември до декември 2021 година.

Концепт за 2021:

Имајќи ја во предвид пандемијата со Ковид-19 и рестрикциите, концептот за 2021 година предвидува едукативен настан за младите учесници од 10 европски земји со намален број на учесници, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”. Учесниците ќе бидат дел од активностите за сеќавање и одбележување на 77 годишнината на Ромскиот геноцид.
Младите учесници ќе работат со своите фасилитатори во работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во своите работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовка:

Селектираните учесници од Македонија ќе поминат низ процес на подготовка. Присуството на онлајн подготовката е задолжително за сите селектирани учесници!
Бараме учесници:
  • Млади на возраст од 18 до 30 години кои што за првпат ќе бидат дел од настанот;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовката и едукативниот настан да го пренесат во своите заедници;
  • Да присуствуваат на онлајн подготовката организирана од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Бараме лидер/ка на група:

  • Личност на возраст од 18 до 30 години која што има претходно искуство на темата;
  • Да е бил/а веќе на настанот Dikh He Na Bistar во Краков, Полска
  • Лидер/ка на групата се грижи за учесниците;
  • Да работи во мултикултурни групи без предрасуди;
  • Да присуствува на онлајн подготовката организирана од страна на РРОМА;
  • Да има познавања од англискиот јазик
  • Да има валиден пасош за патување, со најмалку 6 месеци валидност откако ќе се врати од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде со организиран превоз.

Задолжителни документи за патување на учесниците:

  • Валиден пасош (6 месеци пред рокот на истекување)
  • Патничко осигурување (покриен од страна на учесниците)
  • Негативен ПЦР тест направен 48 часа пред патувањето (покриен од страна на организацијата)

Доколку, учесникот е вакциниран:

  • Документ (сертификат) за вакцина 14 дена од последната примена вакцина пред патувањето.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учествонајдоцна до 02 јули 2021 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Ви благодариме на покажаниот интерес!
Categories
Новости

Се одржа онлајн квиз по повод 16 – ти Мај, денот на Ромското востание

16-ти мај 1944 година, денот кога нацистите почна да го планираат “конечното решение” за “Циганскиот камп” во Аушвиц. На затворениците на кампот им беше наредено да останат во бараките и тие беа опкружени со 60 СС војници. Но, тогаш тие се соочиле со бунт од страна на мажите, жените и децата, вооружени со ништо повеќе од стапчиња, алатки и камења. И на крајот СС војниците мораа да се повлечат, одложувајќи го нивното истребување за неколку месеци.

Денес го почитуваме  отпорот на нашите предци и земаме сила и зајакнување од нивната борба – оваа сила ни помага да продолжиме да се спротивставуваме секој ден.

РРОМА по повод 16 – мај, денот на Ромското востание, реализиареше оналјн квиз, со кој ви се  овозможи да го тестирате своето познавање и научите повеќе историски факти за Ромскиот геноцид за време на Втората светска војна, а притоа да добиете некои од ексклузивните награди!!!

Во квизот учествува 14 учесници, од кои првите 5 учесници со највеќе поени ќе бидат доополнително известени за своите награди.

Ви благодариме на сите што учествувате во квизот!

Categories
Новости

27 Јануари – Меѓународен ден на сеќавање на холокаустот

27 јануари е меѓународен ден на сеќавање на трагедијата на холокаустот што се случи за време на Втората светска војна. Тоа е ден за спомен на геноцидот што резултираше со смрт на милиони луѓе од страна на нацистичкиот режим и неговите соработници.

Терминот “Холокауст” се однесува на актите на геноцид за време на Втората светска војна – и денес многу научници се согласуваат дека тоа се однесува на геноцидот врз Евреите (познат како Шоа) и Ромски термини кои се користат за да ги именуваат нацистичките обиди за елиминирање на ромското население – се Порајмос или Фарајимос (воодушевување или уништување), Самударипен (масовно убиство) и Кали траш (црна страв).  Нацистите, исто така беа насочени кон истребување на ЛГБТ, лица со хендикеп и политички неистомисленици кои не се вклопуваат во моделот на „Супер-Ариецот“.

 

По почетокот на Втората светска војна во 1939 година, режимот на Нацистите одлучи да ги отстрани сите Роми и Синти од територијата на Третиот рајх. Ним им беше наредено да се населат и сместат во еврејски гета и логори. Првата депортација се случи на 16 мај 1940 година од Равенсбурк во логорите на окупираната Полска.

Според архивите и најдените податоци, во март 1944 година Третиот рајх имал 22 големи концентрациони логори и 165 работнички кампови. Се смета дека тој број е поголем, односно дека имало 58 главни и 958 регионални кампови, или вкупно 1.016 кампови. Поголеми концентрациони логори биле: ДАХАУ во Германија, Треблинка во Полска, Јасеновац – Хрватска, и најголемиот нацистички концентрационен логор за масовно истребување е АУШВИЦ во Полска.

Ромскте деца и семејства биле користени за експериментите на одделот за Расна Хигиена и Популациона Биологија од страна на д-р Роберт Ритер и неговата помошничка Ева Јустин. После долгите теренски истражувања, интервјуа и медицински прегледи заклучиле дека Ромите немаат „чиста“ крв и како такви претставуваат опасност за германската расна чистота поради тоа донеле заклучок дека мора да се протераат или истребат. Дел од децата испратени во концентрациониот логор биле подложени на експериментите на Јозеф Менгеле (непотребна ампутација на екстремитетите, намерно инфицирање со тифус, инекција со хлороформ во срцето, стерилизаија и др.). Повеќето од децата на крајот биле убиени во гасните комори. Преживеале само 4 деца!

Над еден милион луѓе депортирани во Аушвиц загинаа таму. Се проценува дека шест милиони Евреи биле истребени во логорите на смртта. На 27 јануари 1945 година во Аушвиц – најголемиот нацистички концентрационен логор на смртта, сè уште имало околу 7.000 затвореници, односно луѓе кои што не беа испратени на маршевите на смртта, а повеќето од нив беа деца не постари од 15 години и лица на средновечна возраст, прегладнети и неподвижни. Истиот ден, Аушвиц беше ослободен од Црвената армија и тоа што го видоа војниците беше комшмар и нешто надвор од нормалното. Што се однесува на Ромите, кои што беа затвореници во логорот, нивниот број бил само 4!

Советот на Европа беше движечкиот дух зад воведувањето на Денот на сеќавање на холокаустот и спречување на злосторства против човештвото.
Министрите за образование од земјите-членки ја донесоа одлуката во октомври 2002 година. Додека Германија и Франција го избраа 27 јануари, денот кога беше ослободен Аушвиц, Денот на холокаустот варира во другите земји во согласност со соодветното историско искуство.

На 1 ноември 2005 година, генералното собрание на ОН со резолуцијата 60/7 го прогласува 27 јануари за меѓународен ден за сеќавање на холокаустот. На овој ден се сеќаваме на околу 6 милиони убиени евреи, над пола милион убиени Роми, и уште 11 милиони останати луѓе, кои што беа жртви на нацистите и нивните соработници.Се сеќаваме и на нашата одговорност како луѓе и општество, ужасите од тој период да не се заборават!

Кога станува збор за ХОЛОКАУСТОТ, секогаш помислуваме на одреден морничав и мрачен период од Втората светска војна, помислуваме на нацистите, помислуваме на наредбите на Хитлер, на масовното истребување на Ромите, Евреите, истребување на ЛГБТ, лица со хендикеп и политички неистомисленици. Но, многу е важно истото да не го заборавиме и да креираме свест, и знаење помеѓу нашите врсници за истото. Мораме да се потсетуваме на лошите работи, безмислените, грозни и мрачни случувања во минатото, затоа што ако не ги препознаваме истите во нашите општества, тие можат да се случат повторно, сега и во иднина. Мора да делуваме во сегашноста, влечејќи лекции од минатото, за да обезбедиме сигурна иднина за сите нас како човештво!

Categories
Новости

Реализирани едукативните работилници на тема „ЕДУКАТИВЕН МЕСЕЦ ЗА СЕЌАВАЊЕ НА РОМИТЕ И ХОЛОКАУСТОТ“.

Регионалната Ромска Образовна Младинска Асоцијација успешно ги реализира едукативните работилници кои се одржаа во периодот на месец Ноември (7-29.11.2021) на онлајн ЗООМ платформата.

Првата Работилница ја одржа проф. Христо Ќучуков од Берлин. Кој ги запозна уцесниците со историјата на  Ромите пред почеток на Втората Светска Војна.

       

Важни информации за  подемот на фашизмот учесниците се здобија благодарение на г-дин Срџан Амет од Скопје, на втората едукативна работилница.

На третата работилници учесниците имаа можност да разменат свои знаења и подетално да го разберат значењето на атициганизам со г-дин Мустафа Јакупов од Кратово.

На четвртата работилници  г- ѓа Гордана Нешовиќ од Белград, детално сподели информации за креаторите на расните истражувања за време на националниот социјализам?

     

Петата и шестата работилници учесниците имаа можност да слусшнат подетално за Аушвиц и холокаустот како и за важните датуми (16 Мај и 2 Август) за сеќавање на Ромскиот геноцид.

        

Работилниците беа организирани во рамките на проектот “75 Years of Memory – young Roma and non-Roma acting against Forgetting” поддржан од Europe for Citizens програмата на Европската Унија.

Categories
Новости

Онлајн кампања по повод одбележување на Ромскиот геноцид

 

          

Регионалната Ромска Образовна Младинска Асоцијација од 27.07 до 02.08. 2020 одржа онлајн кампања по повод Ромскиот геноцид. Кампањата се водеше со објавување на социјалните мрежи на следните теми:

Меѓународниот младински настан – Dikh He Na bister (Гледај и не заборавај), да ги научиме и запаметиме сеќавањата за 2 август, експериментите на одделот за Расна Хигиена и Популациона Биологија од страна на д-р Роберт Ритер и неговата помошничка Ева Јустин, концентрациони логори кои биле формирани уште пред доѓањето на Хитлер, како и случувањата – ноќта помеѓу 2 и 3 август, кога во Аушвиц-Биркенау беа убиени 4.300 Синти и Роми.

 

Дел од нашите учесници кои во претходните години беа дел од комеморацијата за 2 август во Полска, го споделија своето искуство на видеото посветено за 2 август како и одбележување на 10 годишниата на меѓународната младинска манифестација Dikh He Na Bister (Гледај и не заборавај).

За повеќе информации следете не на:

Facebook 

Categories
Новости

Dikh, Ker, Na Bister – Да ги научиме и запаметиме сеќавањата за 2 август!

Поминаа 75 години од крајот на Втората светска војна, но сè уште не учиме за холокаустот што ни се случи како Роми во училиште. Поминаа векови и познатите историски факти за прогонот на нашиот народ остануваат на маргините, непознати и игнорирани од страна на владите. Историската одговорност за учењето за минатото е важна и релевантна за нашата заедница. Признавањето, сеќавањето и комеморацијата на холокаустот над нашиот народ треба да бидат присутни во нашите општества, затоа што треба да учиме за иднината со тоа што ќе се сеќаваме на минатото, но ќе дејствуваме во сегашноста за да го спречиме минатото да се повтори во иднината.

Важно е да се научи, но потоа и да се запомни дека на 2 август 1944 година во Аушвиц-Биркенау беа убиени 4.300 Синти и Роми. Дека беа однесени во текот на ноќта од нивните бараки до гасните комори од страна на СС-војниците, кои само неколку месеци порано беа „поразени“ во жестокиот отпор на ромските затвореници кои се бореле со ништо друго освен казми и лопати на 16-ти мај! Треба да разбереме дека Ромите и Синтите ширум светот се собираат за да го одбележат овој ден, се сеќаваме на над 500.000 убиените Роми, нивните одземени животи, желби, аспирации, растурени бракови и изгубени детства, фрлени во кампови, полиња и необележани ровови низ цела Европа за време на Втората светска војна.

Нашите општества се соочуваат со вистински предизвик да одговорат на зголемениот пораст на дискриминација, говор на омраза и антициганизам против Ромите, кој сега се забрзува поради актуелната криза. Покрај економска криза, предизвикана од пандемијата – се соочуваме со политичка и морална криза. Најранливите во нашите општеството се најтешко погодени од кризата, а таа ги турка надвор од општествените маргини, кои заклучени во своите рурални и урбани гета, ги прави лесни мети на популизам и омраза. Овој вид на длабоко вкоренет антициганизам сè уште во голема мера се игнорира од страна на креаторите на политики и нивните влади.

Иако, како Роми со векови сме дел од Европа и европската историја, нашите наративи и придонеси за европските општества остануваат во голема мера игнорирани и на маргините на она што европската историја го претставува или треба да го претставува, имено дека сме обединети низ различностите!

Денес, со подемот на ксенофобијата, расизмот, антициганизамот и екстремно-десничарските движења низ Европа и светот, подигањето на свеста и ширењето на знаење за ромскиот геноцид се јавува како нужна потреба. Ова е нашиот свет, нашето општество, мораме и треба заеднички да го избегнеме моментот да стане заедница на страв и омраза на едни кон други, наместо тоа, треба да се стремиме да бидеме горди и еднакви општества на взаемно почитување!

За таа цел, РРОМА се приклучи на повикот на Европската коалиција за сеќавање на Ромскиот Холокауст и ја повикува владата и интернационалната заедница:

  • Формално да го признае 2 Август како официјален ден за сеќавање на Холокаустот врз Ромите и Синтите;
  • Изгради, почитува и зачува споменици посветени на жртвите Роми и Синти на Холокаустот;
  • Инвестира во музеи, центри за истражување и други институции посветени на Ромскиот Холокауст, Ромската историја и култура;
  • Изучувањето на Ромската историја и култура да станат дел од образовните програми и учебници;
  • Да го признаат антициганизамот како специфична форма на расизам која што ги таргетира ромските заедници и да прилагодат различни превентивни и реактивни алатки во борбата против овој феномен.
Categories
Новости

European Remembrance and Solidarity – Our Right to Remember! was implemented by RROMA and its partners

The project « European Remembrance and Solidarity – Our Right to Remember! » was funded with the support of the European Union under the Programme “Europe for Citizens” with the project number 600669-CITIZ-1-2018-1-MK-CITIZ-REMEM. The project was implemented from 01.09.2018 to 29.02.2020. 

The methodology was based on an inclusive, empowering and participatory approach, taking the needs and interests of young people, experts and partners into account, and building partnerships on all levels to transfer, disseminate and exploit successful practices within and outside the network in various context. The methodology was focusing on different working groups, non-formal education, sharing and discussions in the plenum, thematic workshops with experts, plenary sessions with stakeholders, field trips, and encounters with a Holocaust survivors.Also, we included the needs of individual citizens for education, remembrance and active citizenship. Also, the project operated in accordance with the General Data Protection Regulation (GDPR) (EU) 2016/679 while implementing its activities.

The project started with preparatory meeting in Kratovo, North Macedonia from 03.11 to 05.11.2018. At this meeting, 15 participants from partner countries developing of a project steering group, finalizing the project flow and share responsibilities, concepts and dissemination strategy, prepare visibility tools and communication channels, main FB page (https://www.facebook.com/righttoremember/) for visibility and using RROMA’s web-site as well (https://bit.ly/2W3u3d2).

5 main events have been carried out within this project:

Event 1 International Conference “The Roma Holocaust – 75 years of Remembrance”

Participation: The event involved 50 citizens, including 4 participants from the city of Kratovo, Gostivar, Skopje, Berovo (North Macedonia), 3 participants from the city of Belgrade (Serbia), 2 participants from Tirana (Albania), 3 participants from Berlin (Germany), 1 participants from Thessaloniki (Greece), 1 participant from Sofia (Bulgaria), 3 participants from Budapest (Hungary), 1 participant from Rome (Italy), 1 participant from Strasbourg (France), 1 participant from Brussels (Belgium), 30 participants from Timisoara (Romania)

Location / Dates: The event took place in Timisoara, Romania, from  26.01.2019  to 29.01.2019

Short description:  The aim of the event was a 4 days conference to create synergies and cooperation in the field of Remembrance with experts from Germany (prof. Kychukov), Serbia (Prof.Pisari), Greece (Youth psychologist M-R Urania Raptor), as well as from North Macedonia, Albania, Bulgaria, Hungary, Romania etc.This was done in cooperation with the West University of Timisoara using their premises for the conference and workshops with History students and High school students. Over 50 participants attended the events (https://bit.ly/2KHyy80)

Event 2 Expert meeting on Holocaust educational tools and materials
Participation: The event involved  25  citizens, including 5 participants from the city of Kratovo, Gostivar, Skopje, Berovo, Stip (North Macedonia), 2 participants from the city of Belgrade (Serbia), 2 participants from Tirana (Albania), 8 participants from Berlin (Germany), 1 participants from Thessaloniki (Greece), 2 participant from Sofia (Bulgaria), 2 participants from Budapest (Hungary), 3 participants from Resita (Romania)

Location / Dates: The event took place in Berlin, Germany, from  29.03.2019 to 02.04.2019

Short description:  The aim of the event was to build capacities of 25 youth educators and experienced experts using the premises of the Cultural and Documentation centre of German Sinti and Roma as expert institution and visiting the concentration camp Sachsenhausen; using new educational tools on working Roma Genocide in a political frame including guidelines for advocacy, listening to testimonies of Holocaust survivor (https://bit.ly/2W7H05K)

Event 3 Youth event on Remembrance
Participation: The event involved  50  citizens, including  9 participants from the city of Kratovo, Gostivar, Skopje, Berovo, Stip (North Macedonia), 5 participants from the city of Belgrade (Serbia), 5 participants from Tirana (Albania), 5 participants from Berlin (Germany), 5 participants from Thessaloniki (Greece), 5 participant from Sofia (Bulgaria), 3 participants from Budapest (Hungary), 6 participants from Resita (Romania), 2 participants from Istanbul (Turkey), 1 participant from Vienna (Austria), 2 participant from Rome (Italy), 1 participant from Lisabon (Portugal), 1 participant from Brussels (Belgium)

Location / Dates: The event took place in Kratovo and Skopje (North Macedonia), from 31.08.2019 to 05.09.2019

Short description:  The aim of the event was to disseminate and have young people participate in an event where they learn about the Holocaust with a specific focus on the Roma genocide during WWII Around 50 participants coming from different European countries were learning about different cultures, history, exchanging experiences, as well as visiting the Jewish Holocaust Memorial Centre in Skopje (https://bit.ly/3aRDQZ8)

 Event 4 Training of Remembrance educators and researchers

Participation: The event involved  30  citizens, including  4 participants from the city of Kratovo, Gostivar, Skopje (North Macedonia), 2 participants from the city of Belgrade (Serbia), 2 participants from Tirana (Albania), 4 participants from Berlin (Germany), 2 participants from Thessaloniki (Greece), 2 participant from Sofia (Bulgaria), 10 participants from Budapest (Hungary), 4 participants from Resita (Romania)

Location / Dates: The event took place in Budapest (Hungary), from 14.10.2019 to 18.10.2019

Short description:  The aim of the event was participants from the project partners to receive capacity building to act as multipliers and educators/trainers to lead their country educational and remembrance activities (https://bit.ly/2W8XRVL) and finalize input to the materials/workshops sessions developed within the project.

Event 5 European Education and Remembrance on Roma Genocide meeting

Participation: The event involved 25 citizens, including 4 participants from the city of Kratovo, Gostivar, Skopje, Berovo (North Macedonia), 2 participants from the city of Belgrade (Serbia), 2 participants from Tirana (Albania), 2 participants from Berlin (Germany), 1 participants from Thessaloniki (Greece), 1 participant from Sofia (Bulgaria), 1 participants from Budapest (Hungary), 2 participants from Resita (Romania), 10 participants from Brussels (Belgium).

Location / Dates: The event took place in Brussels (Belgium), from 27.01.2020 to 29.01.2020

Short description:  The aim of the event was to participate and meet relevant stakeholders in European event on the topic. Such event was organized in the EP from the Roma MEP’s and partners from the project countries participated in the event, also 2 persons from the partnership with ERGO network participated in the meeting with commissioner Dalli presenting about the project and speaking about reconciliation and the Roma genocide (https://bit.ly/3cXSMqc).

Additional activities included:

Youth Remembrance Day 27.01.2019: A commemoration event organized in the synagogue in cooperation with the Jewish community in Timisoara, bringing together Roma and Jewish communities together as well as local citizens from Timisoara.

Local remembrance and education on Roma Genocide activities in project countries running from 01.03.2019 until the 31.01.2020:  Initially, planned to start after October 2019, the partners decided that there was sufficient material to start the workshops earlier and improve them based on the project implementation and meetings. Draft workshops were implemented during the meeting in Timisoara in January 2019. 10 workshop per country with students in North Macedonia, Serbia, Albania, Greece, Romania, Hungary, Bulgaria using the developed workshops methodology (https://bit.ly/2SjTMx8) reaching out and involving above 1500 young people during the workshops were implemented by the partners.

Within the project, the project partners created materials and localized workshops, creating adapted session outlines and information. Material examples can be found here. For more information about the project, you can contact RROMA at info@rromassn.org.

 

Categories
Конкурси Новости

Повик за младинската размена European History and Remembrance – Remembering the Roma Genocide during WWII!

Регионалната Ромска Образовна Младинска Асоцијација објавува повик за учесници за младинската размена European History and Remembrance – Remembering the Roma Genocide during WWII! која што се оддржува од 23 до 30 ноември 2019 година во Берлин, Германија. Истата е поддржана од Еразмус плус програмата на Европската Унија.

 

Оваа интернационална младинска размена има за цел да ја подигне свеста и познавањето на младите учесници од 6 европски земји (Германија, Македонија, Романија, Литванија, Бугарија и Србија) за ужасите на Втората светска војна, како и Ромскиот геноцид, односно влијанието врз младата популација на Европа и Балканот.

36 учесници на младинската размена ќе имаат можност да го надоградуваат своето знаење во областа на борбата против антициганизамот и сеќавање на Ромскиот геноцид преку работа во група и посета на спомениците на жртвите од Втората светска војна.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 25 години (можни се исклучоци)
  • лидер/ки, младински работници/чки, волонтери/ки …
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 02 октомври 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!