Tag: Erasmus Plus

Categories
Конкурси Новости

ПОВИК ЗА МЛАДИНСКА РАЗМЕНА ,,TOGETHER WITH MIGRANTS” ВО РОМАНИЈА

Регионалната Ромска Образовна Младинска Асоцијација објавува повик за младинската размена ,,TOGETHER WITH MIGRANTS” која што ќе се одржи  од 31.10 октомври до 08.11 ноември 2022 година ( 31ви октомври и 08ми ноември се денови за патување) во Бребу, Романија.

Младинската размена има за цел:

  • Да ја подигне свеста на 45 учесници за миграциската криза и феноменот на говор на омраза, кој ја погодува Европа во последните години.
  • Да се преземат конкретни активности против говорот на омраза и клеветата на мигрантите, бегалците и барателите на азил.

Нашата главна цел зад спроведувањето на овој проект беше мотивирана од нашата желба да ја подигнеме свеста во заедницата за тие прашања и проблеми, дискриминација и тешкотии со кои секојдневно се соочуваат мигрантите, бегалците и барателите на азил.

45-те учесници ќе имаат можност да имплементираат бројни вештини и знаења поврзани со темата на проектот, како и на индивидуално лично ниво.

Во овој проект ќе учествуваат млади луѓе со лични приказни, од различни области и социјални средини. За време на фазите за избор на учесници, се погриживме да има баланс во однос на женскиот и машкиот пол. Никој не би бил дискриминиран врз основа на сексуална ориентација, религија, социјално и/или културно потекло, економски можности итн.

На крајот на проектот треба да имаме поконкретен увид и подобра реалистична слика од проблемите и процесот кој што мора да биде имплементиран за да се добие статусот на мигрант и барател на азил во Европа. Учесниците ќе научат за тешкиот пат по кој чекорат мигрантите, за различните рути со цел да стигнат до Европа, а потоа и со проблемите кои се соочуваат, дискриминацијата и тегобите со интеграцијата во новите општества особено откако им се одобри статусот на мигранти и добијат документација.

На повикот може да се пријават:

  • Млади Роми и не-Роми од 16 до 26 години (можни се исклучоци)
  • средношколци, младински работници, волонтери
  • Mотивирани да се вклучат во преобликувањето на стратегијата за младинско ангажирање на нивните
    организации
  • Работен јазик е англискиот јазик, но со можност за меѓусебна поддршка од страна на останатите учесници.

Трошоци поврзани со семинарот и предвидените активности се покриени од страна на организаторите:

  • Патни трошоци од закажаното место на поаѓање до местото на пристигнување и од местото на пристигнување до местото на поаѓање
  • Сместување
  • Храна
  • Предвидени активности за време на младинската размена

Изберените учесници НЕ плаќаат партиципација за учество на проектот.

Обврска на учесниците:

  • Валиден пасош
  • Сертификат за Ковид 19 Вакцинација
  • Патничко осигурување
  • Патните трошоци од местото на живеење до местото на поаѓање.

Заинтересираните учесници можат да се пријават потполнувајќи ја апликацијата најдоцна до 20 октомври  2022 година, најдоцна до 18:00 часот!

Пакет со информации.

Categories
Uncategorized Новости

ЗАВРШИ МЛАДИНСКАТА РАЗМЕНА ,,SMART DEMOCRACY” ВО ИТАЛИЈА

Во периодот од 22.09.2022 до 29.09.2022 во руралната област Brindisi di Montagna во областа Basilicata, Италија се одржа младинската размена “SMART DEMOCRACY – The importance of democracy in the digital life”.

Преку овој проект се постигнаа следните цели:

  • Зголемување и промовирање на проактивното учество на младите од руралните и приградските средини;
  • Да се шират вредностите и идентитетите на ЕУ во различни области на ЕУ;
  • Заедно со младите луѓе се подигна и разви свеста за тоа што значи демократско учество за младите;

Во проектот беа споделени информации за тоа како да се имплементира просторот на соединување и учество меѓу младите и носителите на одлуки и беа имплементирани алатки за промовирање активно учество (не само гласање), туку како да се биде дел од процесот на дискусија и развој на социјални идеи направени од младите заедно со локалните носители на одлуки.

Categories
Uncategorized Новости

Заврши младинската размена ,,Organic farming – entrepreneurship opportunity for young people in rural areas”

Од 1ви до 12ти јули во Бребу, Романија се одржа младинската размена во рамки на ,,Organic farming – entrepreneurship opportunity for young people in rural areas поддржана од Ерасмус+.

За време од 10 дена, 40 млади луѓе од 5 држави: Македонија, Шпанија, Бугарија, Турција, и Романија, со приоритет од руралните и периферните урбани средини на живеење, имаа можност да разменат познанства и да учествуваат на многу активности и работилници предвидени во размената.

Тие низ низа на работилници го проширија своето знаење за еколошко земјоделство, и претприемништво во руралните средини преку развивање на иновативни и претприемачки вештини како и развивање на бизнис идеи. Младите учесници исто така ја имаа можноста да разговараат со локалното население и со локалните земјоделци што кај нив поттикна интерес да го практикуваат и промовираат органското земјоделство како чекор кон поактивно граѓанство и поголемото развивање на руралните средини.

Categories
Uncategorized Новости

Одржана младинската размена ,,Food, Air, Exercise- F.A.E” во Италија

Во периодот од 4ти до 11ти јули се одржа младинската размена ,,Food, Air, Exercise – F.A.E” во Бари, Италија во рамки на програмата Еразмус+. На размената учествуваа 42 млади луѓе од 6 организации од различни држави: Северна Македонија, Германија, Грција, Италија, Романија и Турција.

 

Учесниците беа дел од работилници и социјални активности за промовирање на личен развој и добар начин на живот што под влијанието на пандемијата „Ковид-19“ беше делумно променет.Проектот се заснова на потребата повторно да се најде психофизичка рамнотежа, особено по меѓународната пандемија.

Активностите на проектот се засноваат на: колаборативни работилници; социјални идеи и спортски активности на отворено (јога; трекинг итн.) Исто така учесниците имаа можност да научат да готват здрави оброци, да ги покажат своите спортски способности на терен и да го надоградат своето знаење за придобивките на чистиот воздух, здравата храна и физичката активност.

Categories
Uncategorized Новости

Младинска размена ,,Plastic is the new green” во Италија

Во периодот од 3ти до 11ти мај во Италија, Pignola се одржа младинската размена ,, I GO – PLASTIC IS THE NEW GREEN” во рамки на Еразмус+ програмата на која учествуваа 48 млади луѓе од 8 земји.

За време на овој проект се споделуваа знаење за заштита на животната средина со намалување на нивото на загадување направено од самите нас, со специфична цел „Рециклирај“. Во текот на проектот се анализираа феномени на загадување во светот и главните цели што ЕУ сака да ги постигне за да направи поодржлив свет.

Во проектот се одржа  „час по занаети“ и со тоа се покажа на локалната заедница како да го искористи знаењето за рециклирање за подобра иднина. Проектот е дизајниран да го поттикне дијалогот меѓу младите преку креативност, уметност и култура.

Благодарение на овој проект учесниците развија ново чуство за тоа како да се негува рециклирањето преку игра и како ресурс за живеење во одржлива заедница. Сите активности се спроведоа преку неформални методи и работилници, состаноци и активности за „Повеќенаменска употреба“ на материјалите;

Учесниците одржаа работилници за работа со пластика, кутии од тетра пакувања, шишиња за домашни миленици, хартија итн… Тие имаат шанса да работат во мултикултурна средина дизајнирана да ги споделат меѓусебните цели на различни земји во полето на рециклирање.

Categories
Uncategorized Новости

Тренинг курс ,,LIVING TOGETHER-BREAKING HATE” во Шпанија

Во периодот од 1ви до 7ми јули во Леон, Шпанија истовремено со едукативната обука European Community Radio се одржа и тренинг курсот Living together – Breaking Hate. Тренинг курсот е иницијатива од Здружението Auryn во рамки не Еразмус+ програмата.

Младински работници од 8 европски земји (Франција, Италија, Северна Македонија, Шпанија, Турција, Бугарија, Грција, Португалија) имаа можност да дизајнираат образовни стратегии за борба против говорот на омраза, да работат на поттикнување на интеркултурализам, човекови права и социјална инклузија.

Овој курс е наменет да ги зближи организациите и луѓето кои работат со младите во различните земји учеснички и да им помогне да развијат стратегии за меѓусебно разбирање и почитување кон социјалните и културните разлики во Европа. Ова ќе помогне да се подобри квалитетот на работата со младите воопшто и во локален и европски контекст.

За таа цел младите во текот на тренинг курсот земаа учество во различни активности, односно ја изучуваа пирамидата на омразата и со помош на нивните креативни способности и вредности создадоа спротивна пирамида наречена пирамида на љубов и мир. Тие исто така учествуваа и во театар на сенки кој им помогна подобро да ги разберат корените на пирамидата на омразата.

       

Categories
Uncategorized Новости

Официјално започнаа подготовките за проектот Roma Youth Bring Change

Во рамките на проектот Roma Youth Bring Change поддржан од Европската Унија преку Erasmus Plus, од 19 до 26 јуни 2022 се одржа подготвителна средба за идните активности на проектот.

          May be an image of 3 people, people sitting and indoor      May be an image of 3 people and indoor    May be an image of 2 people and outdoors

Се работи за  стратешко партнерство KA2, предводено од Autonómia Alapítvány во соработка со ERGO Network и RROMASSN чија цел е преку работата со млади Роми да се истражуваат  различни методологии на кампањи во заедницата и детективски игри.  Како еден од финалните исходи се очекуваат создавање можности за мобилност и нови методи како и настани на национално и инетрнационално ниво.

Проектот ќе трае 21 месец и ќе ангажира по 8 млади луѓе по земја во активностите како привремен персонал.

             May be an image of 4 people, people sitting, people standing and indoor         May be an image of 4 people, people sitting and people standing    May be an image of 4 people, people sitting and indoor

На подготвителнтата средба, која траеше седум дена, ги споделувавме нашите знаења за кампањи, учевме за нови методи за работа со млади преку таканаречени детективски игри, како да спремаме сценарио и игра низ која младите ќе развијат нови вештини за детектирање на своите проблеми во своите заедници. Исто така преку заедничка дискусија и согласност  се донесоа одлуки за методите и темите кои треба да се вметнат во програмата и начинот на кој што ќе се менаџира проектот.

Исто така ја потенциравме потребата  да ги поттикнеме младите активно да учествуваат во општеството преку креативни пристапи и методи, кои во овој случај се преку детективски игри, создавање кампањи и застапување.

Categories
Uncategorized Конкурси

Повик за младинската размена “Organic farming – entrepreneurship opportunity for young people in rural areas ”

Регионалната Ромска Образовна Младинска Асоцијација објавува повик за младинската размена “Organic farming – entrepreneurship opportunity for young people in rural areas ” , која што ќе се одржи  од 01 до 12 јули 2022 година 1 јули и 12 јули се денови за патување) во Бребу, Романија.

 

 

Идејата на проектот започна од фактот дека поради пандемијата бројот на млади од обесправените средини и дискриминираните групи, без работа, многу се зголеми. Овие млади
луѓе се чувствуваат маргинализирани, исклучени, одбиваат да комуницираат и не чуствуваат одговорност за граѓанска вклученост за развој на нивната заедница.

Проектот „Organic farming – entrepreneurship opportunity for young people in rural areas“ е 10-дневна младинска размена на која учество ќе земат 40 млади луѓе на возраст од 16 до 24 години, со приоритет од руралните или периферните урбани средини, од 5 земји: Македонија, Бугарија, Шпанија, Турција и Романија.

Целите на младинската размена се:

  • Да се збогати знаењето на 40-те млади луѓе, од 5 земји, за еколошкото земјоделство и претприемништво во руралните средини;
  • За време на размената да се развијат претприемачките и иновативните вештини на учесниците, со тоа што ќе развијат бизнис идеи за доброто на заедницата;
  • Да се поттикне интересот на учесниците, да практикуваат и промовираат органско земјоделство и
    претприемништвото, како активни граѓани вклучени во развојот на руралната заедница, при размената и по престанокот на истата.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 24 години (можни се исклучоци)
  • Средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Задолжителни документи за патување:

  • Валиден пасош (6 месеци пред рокот на истекување)
  • Патничко осигурување
  • Дигитален ковид сертификат добиен по извршена вакцинација со една од вакцините одобрени од ЕМА ( вакцинирани најмалку 14, а најмногу 270 дена пред патувањето во ЕУ)
  • Потврда за оздравување (за оние кои прележале ковид-19 во претходните 180 дена)

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 15 јуни 2022 година (среда), најдоцна до 18:00 часот!

Пакет со информации!

Categories
Новости

Се одржа обука на менторите во рамките на проектот ,,DIGITALIZE – TOOLS FOR ROMA ADULTS TO USE INTERNET AND PROMOTE EDUCATION”.

Од 09 до 11 мај 2022 во Бребу – Романија, се одржа обуката на ментори во рамките на К2 проектот.,,DIGITALIZE – TOOLS FOR ROMA ADULTS TO USE INTERNET AND PROMOTE EDUCATION”.

На обуката учествуваа ментори од Северна Македонија, Романија, Унгарија и Германија.

Првиот ден од обуката учесниците имаа можност да добијат повеќе информации за проектот, да се претстват, да ги споделат нивните искуства и да се запознаат меѓу себе.

   

Вториот ден од обуката менторите добија подетални информации за позитивните и негативните страни на социјалните медиуми, како да ги користат социјалните медиуми, оналјан купување и банкарство, како да ја заштитат безбедноста на податоците, информации за дигитален отпечаток-безбеден интернет. Менторите подетално се зопознаа со нивната улога како ментори, како и онлајн пристапот на услуги.

Третиот ден се разговарање за сајбер малтретирање на социјалните медиуми, онлајн говорна омраза. На менторите им са даде можност да одржат Oxford дебата. После активните сесии третиот ден се заврши со посета на Локалната заедница во Решица, Романија.

Тренингот е поддржан од Еразмус плус програмата на Европската комисија.

 

             

Categories
Конкурси Новости

Повик за едукативна обука ”LIVING TOGETHER, BREAKING HATE” во Леон, Шпанија

Регионалната Ромска Образовна Младинска Асоцијација објавува повик тренинг курс “LIVING TOGETHER, BREAKING HATE” кој што ќе се оддржи  од 1ви до 7ми јули 2022 година (1ви и 7ми јули денови за патување) во Леон, Шпанија.

 

 

Целта на едукативната обука е да се создадат заеднички стратегии за промовирање на социјалната кохезија, човечки и социјални права и спречување на ексклузија, расизам, ксенофобија и омраза. Во моментов, во Европа се појавуваат не-европски и екстремни движења кои понекогаш влијаат на социјалната кохезија и човековите права.
Како методологија ќе се применува „Пирамидата на омразата“ за да се идентификуваат главните ризици во општеството и да се промовираат стратегии за создавање на општество со отворен ум поврзано со човековите права и пронаоѓање решенија за проблемите поврзани со ксенофобијата и расизмот.

22 учесника од Северна Македонија, Франција, Италија, Турција, Португалија, Бугарија, Грција и Шпанија ќе ја имаат можноста:

  • Да го разберат процесот на радикализација преку Пирамидата на омраза.
  • Да учат преку историските случаи на ескалација на омраза за опасноста од
    нормализација на расизмот и дискриминацијата
  • Да локализираат и учат од современите случаи на популизам, национализам,
    радикализација и насилство за начините на кои што различни општествени групи, политички
    движења и медиуми го поларизираат општеството во учеството на европските земји.
  • Да локализираат и учат од современите и историски случаи на позитивни наративи
    и инклузивни мерки
  • Да постават контрадикторна пирамида од Пирамидата на омраза.

Едукативната обука е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 27 години (можни се исклучоци)
  • средношколци, младински работници, волонтери
  • Mотивирани да се вклучат во преобликувањето на стратегијата за младинско ангажирање на нивните
    организации
  • Работен јазик е англискиот јазик, но со можност за меѓусебна поддршка од страна на останатите учесници.

Трошоци поврзани со семинарот и предвидените активности се покриени од страна на организаторите:

  • Патни трошоци од закажаното место на поаѓање до местото на пристигнување и од местото на пристигнување до местото на поаѓање
  • Сместување
  • Храна
  • Предвидени активности за време на младинската размена

Изберените учесници НЕ плаќаат партиципација за учество на проектот.

Обврска на учесниците:

  • Валиден пасош
  • Сертификат за Ковид 19 Вакцинација
  • Патничко осигурување
  • Патните трошоци од местото на живеење до местото на поаѓање.

Заинтересираните учесници можат да се пријават потполнувајќи ја апликацијата најдоцна до 5 јуни 2022 година (среда), најдоцна до 18:00 часот!