Во периодот од 22-28 април беше одржана обука на тема ,,Застапување на млади Роми” во Брисел, Белгија. На оваа обука зедоа учество тројца наши учесници, а воедно имаа шанса да се запознаат и споделат мислење и ставови со уште други 30тина учесници од различни држави низ Европа.
Целта на обуката беше да се подигне гласот на младите Роми за борба против антициганизмот и за унапредување на важни прашања за ромските заедници за време на Ромската недела во ЕУ 2023 година, чиј домаќин е Европскиот парламент и граѓанското општество. А покрај тоа и да ги поттикнат младите Роми да имаат глас, да станат клучни агенти на промените и да ја поттикнат солидарноста меѓу младите!
Учесниците исто така имаа шанса на оваа обука да го посетат Европскиот парламент, да појадуваат заедно со членови од Европскиот парламент на кој се разговараше токму за младинското застапување, положбата на Ромите и совети како да бидат подобри во младинско застапување. Воедно присуствуваа и на конференцијата „Chachipen“ на која можеа да дознаат повеќе за историјата, сеќавањата и правата на Ромите во Европа.
Исто така нашите учесници присуствуваа и на презнтации од младински организации кои работат во интерес на младите во Белгија и Европа. Овие презентации беа одржани од: IGLYO, FEMYSO, ENAR, EUJS, EFAY и European Youth Forum – Европски младински форум. Покрај тоа добија и корисни информации за стажирање и младински размени кои секако е им помогнат во иднина.
И како за крај на овој настан присуствуваа на доделувањто награди за Ромска интеграција во Западен Балкан и Турција. Нашите учесници се вратија од оваа обука со наполнета меморија за знаење, а воедно и со одлично помината обука со забава и интеракција.
Регионалната Ромска Образовна Младинска Асоцијација заедно со коалицијата KHETANE на 5.12.2022 организираа донаторска конференција финансиран од Исланд, Лихтенштајн и Норвешка преку ЕЕА и Норвешкиот Фонд за Грантови за Регионална соработка како дел од стратешкото партнерство во рамки на ,,New solutions to old problems” како и кофинансиран од проектот ,,Smart Democracy”.
Главната цел на настанот е пристапот оддолу нагоре, како приоритетите на заедницата се инкорпорирани во државните програмери и фондации/донатори, како и размена на информации помеѓу заинтересираните страни или засегнати страни. На првиот панел беа дискутирани и презентирани тековните програми на институциите во насока на промоција и инклузија на Ромите во Република Северна Македонија. Во вториот панел, Патот напред: Усогласување на приоритетите и финансирањето на локално и национално ниво за надминување на антициганизмот, вработување на Ромите на локално ниво, вметнување на приоритетите на Ромите како општински приоритети, вклучително и решенија за Ромите во главните планови, мапирање на капацитетите на општината, консултативен пристап до институциите во однос на финансирањето, координација меѓу донаторите, споделување на активности и проекти меѓу невладини организации, вмрежување на ресурсите, сеопфатен проект за трошење средства.
На конференцијата присуствуваа: невладини организации, претставници од општините и градоначалниците, пратеници, претставници од владата, национални и меѓународни донатори.
Во рамките на проектот „Romani Women – POWER OF CHANGE in the Western Balkans and Turkey“ кој што е поддржан од Европската Унија во рамките на повикот (Europe Aid/162473/DH/ACT/Multi) со проектен број 2019/413-758 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација се објавува:
К О Н К У Р С
за доделување на мали грантови за поддршка на иницијативи и проекти на Ромски и про-Ромски граѓански организации за зајакнување на улогата на Ромските жени во граѓанското општество
Краен рок за поднесување на апликации:
25 јануари 2023 година, 24:00 часот
Општа цел на повикот е зголемување на знаењето, довербата и учеството на жените Ромки во носењето на јавни одлуки како дополнителна вредност за следење на општествените предизвици со кои се соочуваат при постигнувањето на целти за оддржлив развој, земајќи ги во предвид мерките за закрепнување од влијанието на Ковид-19.
Специфичните цели:
• Да се подигне свеста за активно учество на Ромките преку разбирање на причините за социјалната исклученост, и важноста на учеството на жените Ромки во граѓанското општество.
• Понатамошен придонес кон признавањето на антициганизмот како главна причина за исклучувањето на Ромите.
Подобниактивности / области (НЕограниченисамонаоваалиста) се:
• Мониторинг активности: Наоѓање факти (вклучувајќи извештаи од мониторинг), обука на јавноста за пополнување формулари за проценка за анализа на општинските планови за вклучување на Ромите,
• Активности за застапување, конференции и семинари со локалните власти (вклучувајќи ги и наодите од мониторинг извештајот), активности насочени кон зајакнување на учеството на жените Ромки во дијалогот помеѓу Ромската заедница и локалната власт, мобилизирање на заедницата да се застапува и да одговори на прашања од нивен интерес,
• Градење на капацитети за жените Ромки, Ромските активисти и НВО-и од локалното ниво кои се залагаат за вклучување на Ромите.
• Активности кои се однесуваат на економското и социјалното влијание на Ковид 19 (ситуација по КОВИД-19) врз Ромската заедница
Неподобниактивности:
• Индивидуални грантови за учество на обуки, конференции, семинари, конгреси или студии итн.
• Проекти кои поддржуваат политички партии или вонсудски активности,
• Изборна кампања,
• Директна поддршка за оперативните трошоци на една организација,
• Покривање на дефицитот и донирање капитал,
• Купување на земјиште, згради и канцеларии,
• Последователно финансирање на проекти кои биле спроведени претходно,
• Проекти кои се спроведуваат надвор од дефинираните региони,
• Активности кои не се поврзани со целта на проектот.
Фонд за финансирање
Вкупниот фонд за финансирање на проекти во рамките на конкурсот изнесува 36.000 евра во денарска противвредност.
Големина на грант
Преку конкурсот ќе се обезбеди поддршка за локални проекти на (про) Ромски граѓански организации: минималниот износ за грант ќе биде 8.000 евра, а максималниот износ ќе биде 10.000 евра. Максималниот износ на одобрени грантови ќе биде 4 (четири).
Победничкиот проект според овој повик ќе добие финансиска поддршка 90% од вкупниот буџет.
Апликантите во рамки на конкурсот треба да ги исполнуваат следниве критериуми:
Да бидат правни лица регистрирани во Централниот регистар на СРМ
Да се регистрирани како здруженија или фондации според законот за здруженија и фондации
Да имаат искуство во приоритетната област за која што аплицираат
Да бидат одговорни за подготовка и менаџирање на проектната активност
Неформални групи на Ромски активисти, преку соработка со (про) ромска организација.
Списокнапотребнадокументација:
• Решение за регистрација
• Статут
• Тековна состојба не постара од 6 месеци
• CV на организацијата апликант
• CV на организации/неформални групи кои аплицираат кога аплицираат повеќе од една организација/неформални групи
• CV на персоналот кој ќе ја спроведе иницијативата
Одобрените проекти треба да започнат постапка за ослободување од данок за додадена вредност (ДДВ) бидејќи истото не е поддржано од страна на ЕУ финансираниот проект.
* Апликантот може да учествува самостојно или во партнерство со една или повеќе организации/неформални групи.
* Апликантот има право да учествува со само еден предлог-проект.
* Апликантот не смее да биде партнер во друг предлог-проект.
* Апликантот може да добие само еден грант од конкурсот за финансирање.
Време на реализација на проектот:
1 март 2023 година – 30 ноември 2023 година
Локација:
РепубликаСеверна Македонија
Проектната активност треба да биде реализирана во регионот каде организацијата е регистрирана и работи.
Следниве категории на трошоци се прифатливи:
Трошоците кои настанале во роковите за реализација на проектот, кои се предвидени во буџетот и се неопходни за реализација на активностите, се проверливи и оправдани со фактурите.
Сите организации кои имаат намера да аплицираат на конкурсот за финансирање треба да го потполнат формуларот за предлог-проект, заедно со буџетот на проектот, и доколку е потребно договорот за партнерство кога станува збор за повеќе партнери.
Видливост:
Овој проект е кофинансиран од Европската комисија. Сите активности кои се целосно или делумно финансирани од овој проект треба да ја соопштат оваа информација.
Евалуацијанаапликациите
Примените проекти ќе одат во фаза на евалуација врз основа на критериумите наведени во овој повик.
Квалитетот на апликацијата, вклучувајќи го буџетирањето и капацитетот на апликантот, ќе се оценува според табелата за проценка подолу.
Поени:
Табелата со резултати има поделби и под-поделби. Секоја поделба има проценка од 1 до 5 поени, каде што:
1 = Незадоволително; 2 = задоволително; 3 = добро; 4 = многу добро ; 5 = одлично
Критериуми
Појаснување на критериумите
Максимум поени
Релевантноста на предлогот и неговата усогласеност со проектот
– Колку е важен проектот поврзан со потребите во областа на дејствување? – Колку е кохерентен проектот со приоритетите на повиците.
20
Капацитет и искуство на апликантот/ко-апликантите
– Дали персоналот на организацијата има искуство и компетенции поврзани со проектната област? – Дали организациите имаат искуство во спроведување слични проекти? – Дали апликантот го има потребното управување и ресурси за успешно управување со овој проект? – Дали проектот ќе влијае на развојот и зајакнувањето на организацијата и нејзината работа?
15
Квалитет на предлог-проектот
– Дали целите и резултатите се остварливи во текот на проектот и во рамките на предвидениот буџет; – Дали предлог-проектот има разумен и реален акционен план како и ефективен буџет? – Дали предлогот објаснува како очекуваните резултати ќе придонесат за постигнување на целта претставена во повикот? – Колку е одржлива промената по завршувањето на проектот; има план и објаснување за следните активности. – Дали предлог-проектот е во партнерство со други организации?
20
Влијание на предлогот поврзан со темата
– Какви подобрувања/промени може да донесе овој предлог со фокус на политиката на локално, регионално и национално ниво; – Како овој проект промовира социо-економско подобрување на жените Ромки и заедницата во областа каде што ќе се интервенира? – Како овој проект придонесува за постигнување промена и подобрување на постоечките напори или услуги/активности.
25
Понатамошна активност и соработка (партнери и актери)
– Дали апликацијата достави јасен акциски план за видливост? – Како овој проект ќе го промовира учеството и мобилизацијата на жените Ромки? – До кој степен проектот ја зема предвид вклученоста и придонесот на различни актери? – Дали улогата на клучните чинители е јасно дефинирана во проектот?
20
Вкупнододеленипроектнипоени
100
Привременизбор
По евалуацијата ќе се наведат сите проекти оценети по поени и во зависност од расположливите средства. Списокот на нерешени проекти исто така ќе биде изготвен според истите критериуми.
Потпишувањенадоговорот
Пред потпишувањето на договорот, РРОМА има право да преговара со апликантите за да обезбеди:
• Ефикасност на трошоците на проектот
• Добра поделба на оперативните и неоперативните трошоци на проектот
• Да ги одразува реалните пазарни трошоци
• Одраз на трошоците во согласност со предложените активности
Правонажалба
Организациите кои не победиле, но сметаат дека не е направена правична оценка, имаат право на жалба во рок од 5 дена (работни дена) од денот кога ќе бидат известени за неизбор.
Жалбата мора да биде поднесена од самата организација, а не од законски застапник или посредник.
Проверкаиподобностнаапликантите
Проверка на законитоста, врз основа на придружните документи што ги бара РРОМА, ќе се врши само за апликации кои ќе бидат однапред избрани врз основа на бодовите и во рамките на расположливиот грант.
Апликација:
Формуларот се потполнува на македонски јазик или англиски јазик.
Формуларот за предлог проекти, заедно со буџетот на проектот, и дополнителната документација треба да се испратат на info@rromassn.org со назнака „Мали грантови 2023“. Или да се испорачаат со пликови по пошта на: РРОМА, Ул. Гоце Делчев бр.25, П.фах 32, 1360 Кратово
Краен рок за испраќање на апликацијата е 15-ти јануари 2023 година, 24.00 часот! Апликациите испратени по предвидениот рок нема да се земат во предвид!
Листа за проверка:
Критериуми за прием
Да
Не
1. Искористен е точниот формат за апликацијата.
2. Проектот е печатен и не е рачно напишан, на англиски или македонски јазик.
3. Доколку апликацијата е групна, секој ко-апликант го потпишал договорот за соработка и истиот се приложува кон предлог-проектот.
4. Буџетот е претставен во бараниот формат
5. Потребен буџет во дефинирани граници (8.000-10.000 евра)
6. Времетраењето на проектот е од 1 март 2023 година до 30 ноември 2023 година
7. Решение за регистрација
8. Статут
9. Тековна состојба не постара од 6 месеци
10. Доставено е CV на организацијата апликант
11. Доставена е биографија на организации/неформални групи кои аплицирале
12. Проектот се однесува на опсегот и темите во фокус.
Проектотеприфатен / гиисполнувакритериумите
За повеќе информации може да се симнат документите:
Анекс IV: Формулар на договор за соработка помеѓу водечкиот партнер и ко-апликантот
За прашања поврзани со конкурсот испратете е-маил на: info@rromassn.org.
Проектот „Romani Women – POWER OF CHANGE in the Western Balkans and Turkey“ е поддржан од Европската Унија во рамките на повикот (Europe Aid/162473/DH/ACT/Multi) со проектен број 2019/413-758 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.
Заврши младинската размена ,,TOGETHER WITH MIGRANTS” која траеше од 31.10.2022 до 08.11.2022 во Бребу, Романија во соработка на Регионалната Ромска Образовна Младинска Асоцијација од Северна Македонија и Nevo Parudimos од Романија.
Оваа младинска размена имаше за цел да ја подигне свеста на 45 учесници за миграциската криза и феноменот на говор на омраза, кој ја погодува Европа во последните години како и да ги поттикне учесниците да се преземат конкретни активности против говорот на омраза и клеветата на мигрантите, бегалците и барателите на азил.
Во овој проект учествуваа млади луѓе со лични приказни, од различни области и социјални средини. За време на фазите за избор на учесници, се погриживме да има баланс во однос на женскиот и машкиот пол со цел никој да не е дискриминиран врз основа на сексуална ориентација, религија, социјално и/или културно потекло, економски можности итн.
На крајот на проектот секој од учесниците стекна поконкретен увид и подобра реалистична слика од проблемите и процесот кој што мора да биде имплементиран за да се добие статусот на мигрант и барател на азил во Европа. Учесниците научија за тешкиот пат по кој чекорат мигрантите, за различните рути со цел да стигнат до Европа, а потоа и со проблемите кои се соочуваат, дискриминацијата и тегобите со интеграцијата во новите општества особено откако им се одобри статусот на мигранти и добијат документација.
Проектот е поддржан од Ерасмус+ програмата на Европската Унија.
Регионалната Ромска Образовна Младинска Асоцијација објавува повик за учество на семинарот ,,ROMA REMEMBRANCE AND SOLIDARITY” кој што ќе се одржи од 9 до 16 декември 2022 година (9ти и 16ти декември се денови за патување) во Берлин, Германија.
8-дневниот семинар организиран од Амаро Дром ќе опфати 30 ромски и неромски млади и младински активисти од 7 европски земји (Германија, Северна Македонија, Бугарија, Романија, Унгарија, Србија и Италија).
Семинарот има за цел:
Да развие сеопфатен пристап за прашањето за сеќавање на геноцидот и едукација на маргинализираните младите,
Нивно ефективно вклучување и учество во локални, национални и меѓународни програми, за зајакнување на соработката и односите меѓу ромските и неромските млади и младински организации.
Зајакнување на концептуалното разбирање за меѓукултурен дијалог, младинско вклучување, еманципација, мобилизација и активно граѓанство.
Воспоставување систем за поддршка за зајакнување на капацитетите на младите Роми и развој на нови проекти во рамките на новата програма Еразмус плус.
Овој проект промовира позитивна слика за Ромите како активни граѓани и е посветен на зајакнување на довербата, меѓусебното почитување и заеднички ангажман на младите Роми и не-Роми. Овој проект не само што ќе го зголеми знаењето и чувствителноста на младите Европејци на темите Човекови права, Ромскиот геноцид и антициганизмот, туку зголемената свест кај младите Роми и не-Роми може да ја зајакне свеста на учесниците за нивната улога и одговорност во рамките на нивните заедници, општеството и во Европа воопшто.
На повикот може да се пријават:
Млади Роми и не-Роми од 16 до 28 години (можни се исклучоци)
средношколци, младински работници, волонтери
Mотивирани да се вклучат во преобликувањето на стратегијата за младинско ангажирање на нивните организации
Работен јазик е англискиот јазик, но со можност за меѓусебна поддршка од страна на останатите учесници.
Трошоци поврзани со семинарот и предвидените активности се покриени од страна на организаторите:
Патни трошоци од закажаното место на поаѓање до местото на пристигнување и од местото на пристигнување до местото на поаѓање
Сместување
Храна
Предвидени активности за време на младинската размена
Изберените учесници НЕ плаќаат партиципација за учество на проектот.
Обврска на учесниците:
Валиден пасош
Сертификат за Ковид 19 Вакцинација
Патничко осигурување
Патните трошоци од местото на живеење до местото на поаѓање.
Заинтересираните учесници можат да се пријават потполнувајќи ја апликацијата најдоцна до 23 декември 2022 година, најдоцна до 18:00 часот!
Градоначалникот на Куманово, г-дин Максим Димитриевски, беше прогласен за најпријателски Ромски градоначалник од Република Северна Македонија во Брисел на церемонијата која што се оддржа во Европскиот парламент на 18.05.2022 година. Тој го доби официјалното признание и наградата од претставниците на Европскиот парламент и Европската комисија. На настанот присуствуваа сите градоначалници-добитници на наградата од регионот на западен Балкан и Турција.
Во рамките на проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 заеднички имплементиран од Roma Active Albania, ERGO Network и Регионална Ромска Образовна Младинска Асоцијација се објави четвртиот конкурс за избор на „Најпријателски Ромски градоначалник“.
Изборот за „најпријателски Ромски градоначалник“ се организира за подобрување на дијалогот на локалните власти и Ромската заедница, и добрите пракси на дијалог да станат видливи. Целта на изборот е да биде конструктивна алатка за подобрување на состојбата на Ромската заедница, фокусирајќи се на позитивните примери, без обвинувања на останатите.
Коалицијата “Khetane” внимателно го организираше изборот во Република Северна Македонија, која што го прогласи градоначалникот Димитриевски за победник со освоени 45 поени, наспроти Берово со 42, Тетово 30 и Крива Паланка со 28.
Како градоначалник на Куманово, Максим Димитриевски работи на поддршка на ромската заедница со внесување промени во општествениот живот, подобрување на животниот стандард и промовирање на достигнувањата на граѓаните Роми. Неговата цел за градот е позитивен соживот и вклучување на сите етнички заедници во одлучувањето на локално ниво.
Регионалната Ромска Образовна Младинска Асоцијација објавува повик тренинг курс “LIVING TOGETHER, BREAKING HATE” кој што ќе се оддржи од 1ви до 7ми јули 2022 година (1ви и 7ми јули денови за патување) во Леон, Шпанија.
Целта на едукативната обука е да се создадат заеднички стратегии за промовирање на социјалната кохезија, човечки и социјални права и спречување на ексклузија, расизам, ксенофобија и омраза. Во моментов, во Европа се појавуваат не-европски и екстремни движења кои понекогаш влијаат на социјалната кохезија и човековите права.
Како методологија ќе се применува „Пирамидата на омразата“ за да се идентификуваат главните ризици во општеството и да се промовираат стратегии за создавање на општество со отворен ум поврзано со човековите права и пронаоѓање решенија за проблемите поврзани со ксенофобијата и расизмот.
22 учесника од Северна Македонија, Франција, Италија, Турција, Португалија, Бугарија, Грција и Шпанија ќе ја имаат можноста:
Да го разберат процесот на радикализација преку Пирамидата на омраза.
Да учат преку историските случаи на ескалација на омраза за опасноста од
нормализација на расизмот и дискриминацијата
Да локализираат и учат од современите случаи на популизам, национализам,
радикализација и насилство за начините на кои што различни општествени групи, политички
движења и медиуми го поларизираат општеството во учеството на европските земји.
Да локализираат и учат од современите и историски случаи на позитивни наративи
и инклузивни мерки
Да постават контрадикторна пирамида од Пирамидата на омраза.
Едукативната обука е поддржана од Еразмус плус програмата на Европската комисија.
На повикот може да се пријават:
Млади Роми и не-Роми од 18 до 27 години (можни се исклучоци)
средношколци, младински работници, волонтери
Mотивирани да се вклучат во преобликувањето на стратегијата за младинско ангажирање на нивните
организации
Работен јазик е англискиот јазик, но со можност за меѓусебна поддршка од страна на останатите учесници.
Трошоци поврзани со семинарот и предвидените активности се покриени од страна на организаторите:
Патни трошоци од закажаното место на поаѓање до местото на пристигнување и од местото на пристигнување до местото на поаѓање
Сместување
Храна
Предвидени активности за време на младинската размена
Изберените учесници НЕ плаќаат партиципација за учество на проектот.
Обврска на учесниците:
Валиден пасош
Сертификат за Ковид 19 Вакцинација
Патничко осигурување
Патните трошоци од местото на живеење до местото на поаѓање.
Заинтересираните учесници можат да се пријават потполнувајќи ја апликацијата најдоцна до 5 јуни 2022 година (среда), најдоцна до 18:00 часот!
По повод 8 Март- меѓународниот ден на жената, коалицијата на ромски невладини организации “Khetane“ го организираше третото издание на настанот “Ромската жена во 21иот век – можности, придонеси и предизвици – Ромската жена и нејзиното учество во политиката” во ЕУ куќата, Скопје. Настанот е продолжение од минатогодишните настани во рамките на проектот насловен „Romani Women POWER OF CHANGE in the Western Balkans and Turkey“ поддржан од ЕУ.
На овој двочасовен настан свое обраќање имаа сопругата на Претседателот на Република Северна Македонија, г-ѓа Елизабета Ѓоргиевска и Шефот за соработка во Делегацијата на ЕУ во Република Северна Македонија, г-дин Штефен Худолин.
Во своите обраќања, ја истакнаа својата поддршка за создавање на поволна средина и зголемување на свеста кај општата популација, за да се надминат бариерите, со цел поголема инклузија на жените Ромки. За придонесот и поддршката, коалицијата Khetane им врачи благодарници.
Обраќање на г-ѓа Елизабета Ѓоргиевска:
Овогодишниот настан се фокусираше на учеството на жените-Ромки во политиката. По тој повод, коалицијата “Khetane” покани говорнички од ромската заедница со професионално искуство, жени кои се вклучени или биле вклучени во политиката. Панелистките кои што ги споделија своето искуство со публиката беа: Г-ѓа Љатифа Шиковска, пратеничка во Собранието на РСМ; Г-ѓа Мирдита Салиу, советничка при Град Скопје; Г-ѓа Мерсиха Сали Усеин, поранешен секретар на ромска политичка партија; Г-ѓа Енисе Демирова, поранешна советничка при општина Штип. Препознавајќи ги нивните заложби, искуство и придонеси за унапредување на правата на жените и девојчињата Ромки, коалицијата Khetane им додели благодарници за нивниот труд и работа. Модератор на настанот беше г-ца Урмета Арифовска од РРОМА, а заклучоците ги презентираше г-ца Сибел Бајрам, претседавач на Khetane, претседателка на Лачо Диве.
Настанот “Ромската жена во 21иот век – можности, придонеси и предизвици – Ромската жена и нејзиното учество во политиката” се организираше со цел да ги зајакне и охрабри ромските жени во Северна Македонија, давајќи видливост и важност на нивните улоги и придонеси во македонското општество. Преку споделувањето на нивните лични искуства и приказни, јавноста имаше увид во нивните достигнувања како ромски жени, можностите на ромските жени кои што учестуваат во политиката, но и нивните предизвици во политиката. На панелот, се даде акцент на важноста на еднаквите економски, правни и репродуктивни права на ромските жени, како и важноста на концептот на родовата еднаквост и учеството на ромските жени во процесот на интеграција на ромската заедница, носењето на одлуки и креирањето оддржливи политики за Ромите во Северна Македонија, како идна членка на ЕУ.
Помеѓу заклучоците на панелот беше истакнато: Ромската жена која што сака да постигне висока позиција во општеството и заедницата, го прифаќа предизвикот на живеење и борба меѓу два света. Едниот свет каде што од нејзе се бара почитување на традицијата, станувајќи сопруга, мајка, и невеста која што мора да ги исполни сите обврски, покажувајќи потчинетост и наклонетост кон семејството; и другиот свет каде што мора да се соочи со предизвиците на современото живеење, да работи, да се бори за еднакви права, еднаква почит, еднаква плата и постојано докажување како жена. Како општество водено од мажи треба да се сме свесни за предизвиците на жени, нивните обиди да внесат рамнотежа меѓу овие два света, како и нивната голема пожртвуваност за да можат да успеат да се изборат како ромски жени во 21-виот век! Тоа можеме и мораме да го почитуваме и поддржиме кај жените од ромската заедница.
Поради запазување на протоколите од КОВИД-19, панел дискусијата се пренесуваше во живо на фејсбук страниците на коалицијата.
Проектот „Romani Women – POWER OF CHANGE in the Western Balkans and Turkey“ е поддржан од Европската Унија во рамките на повикот (Europe Aid/162473/DH/ACT/Multi) со проектен број 2019/413-758 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.
Во рамките на проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 заеднички имплементиран од Roma Active Albania, ERGO Network и Регионална Ромска Образовна Младинска Асоцијација се објавува четвртиот конкурс за избор на „Најпријателски Ромски градоначалник“:
К О Н К У Р С
за избор на „Најпријателски Ромски градоначалник“ од Република Северна Македонија
Краен рок за поднесување на апликации:
15 април 2022 година,23:59 часот локално време
Концепт
Изборот за „Најпријателски Ромски градоначалник“ се организира за подобрување на дијалогот на локалните власти и Ромската заедница, и добрите пракси на дијалог да станат видливи. Целта на изборот е да биде конструктивна алатка за подобрување на состојбата на Ромската заедница, фокусирајќи се на позитивните примери, без обвинувања на останатите. Фокусирајќи се на филозофијата на зајакнување, мобилизација и еднаков дијалог помеѓу локалните власти и Ромската заедница, изборот може да помогне гласот на Ромската заедница да биде слушнат! Изборот се организира во земјите на западен Балкан и Турција. Покрај тоа, преку критериумите за избор, градоначалниците ќе треба да ја нагласат филозофијата на конкурсот, односно да го докажат зајакнувањето, мобилизацијата и еднаквиот дијалог помеѓу локалните власти и Ромските заедници.
Награда
Најдобрите градоначалници, победници од земјите-учеснички од западен Балкан и Турција ќе бидат дел од на специјален настан во рамките на „Ромската недела“ од 16-ти до 19-ти мај 2022 година, во Брисел каде што ќе се сретнат со високи претставници на Генералниот директорат за соседство и преговори за проширување (DG NEAR).
Трошоците се покриени од страна на организаторите на изборот во рамките на проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 поддржан од Европската Унија во рамките на повикот.
Критериуми за учество
На повикот можат да учествуваат сите градоначалници од Република Северна Македонија. За учество е потребно:
– да доставите исечоци, слики, извештаи, одлуки, документи кои што ги поткрепуваат дадените одговори во апликацијата
– да имате оцена, евалуација или фидбек од страна на Ромската заедница кој што се однесува на вашата работа во вашата општина
*по завршување на рокот за аплицирање, организаторите и претставниците на комисијата за избор го задржуваат правото да ги посетат градоначалниците.
Рок за аплицирање
Краениот рок за испраќање на апликациите и документите за поткрепа е 15 април 2022 година до 23:59 часот, локално време. Документите можат да се испраќаат по пошта на:
Регионална Ромска Образовна Младинска Асоцијација
Гоце Делчев бр.25
П.фах 32
1360 Кратово
или на е-маил: info@rromassn.org со дознака „MRFM 2022“
Објавување на резултатите
Независната комисија за избор ќе ги соопшти резултатите за избор кон крајот на април 2022.
За прашања околу изборот можете да пишете на е-маилот: info@rromassn.org.
Проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 е поддржан од Европската Унија, имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.
Здружение Регионална Ромска Образовна Младинска Асоцијација (РРОМА) – Кратово објавува „Барање за прибирање на понуди“ повикувајќи ги сите регистрирани правни субјекти, да поднесат понуди со следните содржински спецификации:
1.Општи услови
1.1. Набавувач на услуги: Здружение Регионална Ромска Образовна Младинска Асоцијација (РРОМА) – Кратово со седиште во Кратово ул. Тошо Куковски бб.
1.2. Предмет на барањето: Барање за прибирање на понуди за угостителски услуги за одржување на настан (конференција)
1.З. Здружение Регионална Ромска Образовна Младинска Асоцијација (РРОМА) – Кратово го спроведува проектот „Romani Women – POWER OF CHANGE in the Western Balkans and Turkey“ поддржан од Европската Унија во рамките на повикот (Europe Aid/162473/DH/ACT/Multi) со проектен број 2019/413-758, и заради остварување на планираните проектни активности јавно го објавува ова барање.
1.4. Набавката на ова Барање не е делива. Изборот ќе се направи согласно најдобриот финансиски интерес за понудените стоки и услуги.
Понуда
Понуда за одржување на настан (конференција) за 27 и 28 јануари 2022 година за 20 учесници
Ручек и вечера за 20 учесници на 27.01.2022 и ручек за 20 учесници на 28.01.2022
Настанот ќе започне со ручек на 27.01.2022 и ќе заврши на 28.01.2022 по ручекот. За реализација на настанот ќе биде потребно да се обезбедат сите потребни услови согласно Протоколот за заштита од Ковид 19.
Понудата треба да содржи цена и еден безалкохолен пијалок за секој еден учесник за секој оброк. Локацијата на понудувачот треба да е во близина на Скопје. Понудената цена треба да е во денари.
Критериуми за избор на најповолен понудувач:
Цена
Квалитет
Цената носи максимум 80 бодови, квалитетот носи максимум 20 бодови. За добитник на повикот по барањето за доставување на понуди се смета понудувачот кој ќе добие најмногу поени.
Облик и содржина на понудата
4.1 Понудата се изработува во писмен облик со понудена цена во денари
4.2 Име, адреса и седиште на понудувачот на услуги, даночен број, броеви на телефон, факс, е-маил адреси за контакт како и лица за контакт
4.3 Карактеристики на понудата
4.4 Рок и начинот на испорака на стоките и услугите
4.5 Рок и начин на плаќање
Ве молиме вашите понуди да ги испратите по електронска пошта (e-mail) на следната адреса daniela@rromassn.org најдоцна до 30.12.2021 година до 16 часот.
Проектот „Romani Women – POWER OF CHANGE in the Western Balkans and Turkey“ е поддржан од Европската Унија во рамките на повикот (Europe Aid/162473/DH/ACT/Multi) со проектен број 2019/413-758 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.
