Tag: Roma

Categories
Uncategorized Конкурси Новости

SO KERES, EUROPA?! – ROMA YOUTH SOCIAL FORUM 202

SO KERES, EUROPA?! – ROMA YOUTH SOCIAL FORUM 2023

РОМСКИ МЛАДИНСКИ СОЦИЈАЛЕН ФОРУМ 2023 година

КАДЕ: Балатонкенезе, Унгарија (студентски хотел)

КОГА: помеѓу 23 и 28 август 2023 година. (23 и 28 август се датуми за патување) Phiren Amenca ќе собере 120 млади Роми и не-Роми во Балатонкенезе, Унгарија за да се сретнат лично, да учествуваат во интерактивни и креативни работилници за човековите права, антициганизам или идентитет преку неформално образование и уметност.

КОЈ МОЖЕ ДА АПЛИЦИРА: Млади Роми и не-Роми на возраст меѓу 18-30 години

ЗЕМЈИ НА УЧЕСТВО: Албанија, Белгија, Бугарија, Финска, Унгарија, Латвија, Литванија, Северна Македонија, Словачка, Словенија, Шпанија, Романија

КАКО СЕ АПЛИЦИРА? Со пополнување на формуларот за апликација преку следниот линк: https://forms.gle/N1mQ3DhZLH5cjhyu5

Categories
Uncategorized Новости

Заврши обуката Roma Youth Advocacy Training

Во периодот од 22-28 април беше одржана обука на тема ,,Застапување на млади Роми” во Брисел, Белгија. На оваа обука зедоа учество тројца наши учесници, а воедно имаа шанса да се запознаат и споделат мислење и ставови со уште други 30тина учесници од различни држави низ Европа.

Целта на обуката беше да се подигне гласот на младите Роми за борба против антициганизмот и за унапредување на важни прашања за ромските заедници за време на Ромската недела во ЕУ 2023 година, чиј домаќин е Европскиот парламент и граѓанското општество. А покрај тоа и да ги поттикнат младите Роми да имаат глас, да станат клучни агенти на промените и да ја поттикнат солидарноста меѓу младите!

Учесниците исто така имаа шанса на оваа обука да го посетат Европскиот парламент, да појадуваат заедно со членови од Европскиот парламент на кој се разговараше токму за младинското застапување, положбата на Ромите и совети како да бидат подобри во младинско застапување. Воедно присуствуваа и на конференцијата „Chachipen“ на која можеа да дознаат повеќе за историјата, сеќавањата и правата на Ромите во Европа.

Исто така нашите учесници присуствуваа и на презнтации од младински организации кои работат во интерес на младите во Белгија и Европа. Овие презентации беа одржани од: IGLYO, FEMYSO, ENAR, EUJS, EFAY и European Youth Forum – Европски младински форум. Покрај тоа добија и корисни информации за стажирање и младински размени кои секако е им помогнат во иднина.

И како за крај на овој настан присуствуваа на доделувањто награди за Ромска интеграција во Западен Балкан и Турција. Нашите учесници се вратија од оваа обука со наполнета меморија за знаење, а воедно и со одлично помината обука со забава и интеракција.

Categories
Uncategorized Новости

Свечено отварање на изложбата ,,Расна дијагноза: Циган”

На 12.04.2023 во просториите на НУ Музеј на Македонија, Скопје се одржа свеченото отварање на изложбата „Расна дијагноза: Циган“ – нацистичкиот геноцид на Синтите и Ромите и долгата борба за признавање – организирана од страна на РРОМА во соработка со Централниот Совет на германските Синти и Роми, Документациониот Културен Центар на германските Синти и Роми и земјите од Западен Балкан.

На изложбата беа присутни претставници од институциите, јавниот сектор, невладини организации, амбасадори, градоначалници и членови на граѓанското општество.

Поздравниот говор го одржа г-дин Елвис Мемети советник на премиерот на Република Северна Македонија. Тој ја поддржа реализацијата на ваква изложба и ја нагласи важноста за поголема информираност во однос на оваа тема.

Потоа свое обраќање имаше и г-ѓа Емина Шемо – Управа за афирмирање и унапредување на културата на припадниците на заедницата, во кое што ги поздрави организаторите на оваа изложба и ги охрабри присутните да се бориме за продолжување на сеќавањето на овој трагичен дел од минатото. На изложбата со своето присуство нѐ почести и г-дин Адмир Ујкановиќ – директорот на Управата за афирмирање и унапредување на културата на припадниците на заедниците.

Свое излагање имаше и г-дин Емран Елмази – Директор на Документациониот Културен Центар на германските Синти и Роми. Тој ја потенцираше и ја објасни целта на оваа изложба, зошто ние треба да се потсетиме на овој дел од минатото, зошто Ромскиот геноцид е заборавен дел од Холокаустот како и одговорноста што секој од нас ја носи за никогаш да не се повтори.

Директорот на РРОМА, г-дин Мустафа Јакупов во своето обраќање им се заблагодари на сите присутни и ги покани сите заинтересирани да ја посетат изложбата која трае до 28ми април. Тој истакна дека овој концепт на пренесување на историјата за Ромскиот геноцид е новитет на нашите простори со тоа што ова е вториот пат во Северна Македонија, во кој што имаме изложба на оваа тема.

По завршувањето на говорите следуваше тура низ изложбата водена од страна на г-дин Емран Елмази.

РРОМА ги поканува сите заинтересирани да ја посетат изложбата која трае до 28.04.2023 во просториите на НУ Музеј на Македонија. Влезот за изложбата е слободен.

Categories
Uncategorized Новости

Реализирни завршни настани во рамки на проектите ,,Digitalize – tools for adult Roma to use Internet and promote education” и ,,Loose ends – mapping the roots of youth marginalization”

На 25.02.2023 во просториите на Млади Хаб, Скопје, беа реализирани завршните настани во рамки на проектите ,,Digitalize – tools for adult Roma to use Internet and promote education” и ,,Loose ends – mapping the roots of youth marginalization” од страна на РРОМА.

Настаните беа реализирани во форма на панел дискусии, на кои што панелистите од првиот панел: Г-дин Мухамед Ајваз, г-дин Ерол Адемов и г-дин Ален Умер го започнаа панелот со преставување на истражувањето направено во рамки на проектот, односно анализата на животите на младите Роми и обесправените млади кои посетувале специјални училишта поради нивниот различен развој, под влијание на лошите услови за живеење. Потоа во прилог тие ги истакнаа препораките и потенцијалните решенија за овој проблем.

Во втората панел дискусија панелистите односно ментори -дин Дениз Османи, г-дин Ерол Адемов и г-дин Ален Умер, во проектот Дигитализирај се – алатки за возрасни Роми за да користат интернет и промовираат образование, го споделија своето искуство, предизвиците со кои се имаат соочено и за методите кои ги имаат користено како и работата со нивните фокус групи.

Со проектот ,,Digitalize’‘ имаме за цел да го зголемиме пристапот на возрасните Роми до јавните онлајн услуги преку развивање алатка која ќе им овозможи полесно да научат како да користат интернет. Тие исто така го испрезентираа и интелектуалниот аутпут во форма на прирачник, кој има за цел да им го олесни користењето на Интернетот но и да ги заштити од потенцијалните опасности кои ги носи.

Categories
Новости

Се одржа обука на менторите во рамките на проектот ,,DIGITALIZE – TOOLS FOR ROMA ADULTS TO USE INTERNET AND PROMOTE EDUCATION”.

Од 09 до 11 мај 2022 во Бребу – Романија, се одржа обуката на ментори во рамките на К2 проектот.,,DIGITALIZE – TOOLS FOR ROMA ADULTS TO USE INTERNET AND PROMOTE EDUCATION”.

На обуката учествуваа ментори од Северна Македонија, Романија, Унгарија и Германија.

Првиот ден од обуката учесниците имаа можност да добијат повеќе информации за проектот, да се претстват, да ги споделат нивните искуства и да се запознаат меѓу себе.

   

Вториот ден од обуката менторите добија подетални информации за позитивните и негативните страни на социјалните медиуми, како да ги користат социјалните медиуми, оналјан купување и банкарство, како да ја заштитат безбедноста на податоците, информации за дигитален отпечаток-безбеден интернет. Менторите подетално се зопознаа со нивната улога како ментори, како и онлајн пристапот на услуги.

Третиот ден се разговарање за сајбер малтретирање на социјалните медиуми, онлајн говорна омраза. На менторите им са даде можност да одржат Oxford дебата. После активните сесии третиот ден се заврши со посета на Локалната заедница во Решица, Романија.

Тренингот е поддржан од Еразмус плус програмата на Европската комисија.

 

             

Categories
Конкурси Новости

ИЗБОР НА “НАЈПРИЈАТЕЛСКИ РОМСКИ ГРАДОНАЧАЛНИК” 2022

Во рамките на проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 заеднички имплементиран од Roma Active Albania, ERGO Network и Регионална Ромска Образовна Младинска Асоцијација се објавува четвртиот конкурс за избор на „Најпријателски Ромски градоначалник“:

К О Н К У Р С

                    за избор на „Најпријателски Ромски градоначалник“ од Република Северна Македонија

Краен рок за поднесување на апликации:

15 април 2022 година, 23:59 часот локално време

Концепт

Изборот за „Најпријателски Ромски градоначалник“ се организира за подобрување на дијалогот на локалните власти и Ромската заедница, и добрите пракси на дијалог да станат видливи. Целта на изборот е да биде конструктивна алатка за подобрување на состојбата на Ромската заедница, фокусирајќи се на позитивните примери, без обвинувања на останатите. Фокусирајќи се на филозофијата на зајакнување, мобилизација и еднаков дијалог помеѓу локалните власти и Ромската заедница, изборот може да помогне гласот на Ромската заедница да биде слушнат! Изборот се организира во земјите на западен Балкан и Турција. Покрај тоа, преку критериумите за избор, градоначалниците ќе треба да ја нагласат филозофијата на конкурсот, односно да го докажат зајакнувањето, мобилизацијата и еднаквиот дијалог помеѓу локалните власти и Ромските заедници.

Награда

Најдобрите градоначалници, победници од земјите-учеснички од западен Балкан и Турција ќе бидат дел од  на специјален настан во рамките на „Ромската недела“ од 16-ти до 19-ти мај 2022 година, во Брисел каде што ќе се сретнат со високи претставници на Генералниот директорат за соседство и преговори за проширување (DG NEAR).

Трошоците се покриени од страна на организаторите на изборот во рамките на проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 поддржан од Европската Унија во рамките на повикот.

Критериуми за учество

На повикот можат да учествуваат сите градоначалници од Република Северна Македонија. За учество е потребно:

– да ја симнете и потполните апликацијата (апликација за избор)

– да доставите исечоци, слики, извештаи, одлуки, документи кои што ги поткрепуваат дадените одговори во апликацијата

– да имате оцена, евалуација или фидбек од страна на Ромската заедница кој што се однесува на вашата работа во вашата општина

*по завршување на рокот за аплицирање, организаторите и претставниците на комисијата за избор го задржуваат правото да ги посетат градоначалниците.

Рок за аплицирање

Краениот рок за испраќање на апликациите и документите за поткрепа е 15 април 2022 година до 23:59 часот, локално време. Документите можат да се испраќаат по пошта на:

Регионална Ромска Образовна Младинска Асоцијација

Гоце Делчев бр.25

П.фах 32

1360 Кратово

или на е-маил: info@rromassn.org со дознака „MRFM 2022“

Објавување на резултатите

Независната комисија за избор ќе ги соопшти резултатите за избор кон крајот на април 2022.

За прашања околу изборот можете да пишете на е-маилот: info@rromassn.org.

Проектот „Ромските жени – моќ на промената во Западен Балкан и Турција“ (Europe Aid/162473/DH/ACT/Multi) со проектен број 2019/413-758 е поддржан од Европската Унија, имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.

Проектот е финансиран од Европската Унија

Categories
Новости

Dikh te na bistra! Гледаме, но да не заборавиме!

Иако, прилично доцна, на 15 април 2015 година Европскиот парламент[i] донесе резолуција која што повика на официјално признавање на 2 август како Европски ден за сеќавање на холокаустот врз Ромите и Синтите за време на Втората светска војна. Понатака, во резолуцијата се препознава антициганизамот како главна причина за историската маргинализација и дискриминација на Ромите низ Европа и се повикува на потребата за спротиставување на антициганизамот во сите сфери и нивоа, со сите расположливи средства бидејќи како таков овој феномен е упорен, насилен, повторлив и вообичаена форма на расизам кон Ромите и оние кои што во окото на мнозинството се перципираат под стигмата на „Циган“[ii].

Поминаа околу 6 години, 3 месеци и 14 дена од оваа резолуција, без да ги спомнеме останатите резолуции поврзани со прашањето и темата. Дали се променило нешто во Европа поврзано со Ромите и борбата против антициганизамот? Едноставно, не![iii]

Ромите, иако се и биле дел од европската историја со векови наназад, нивните придонеси и наративи во суштина остануваат игнорирани, запоставени и погрешно претставувани низ нашите општества.

Немањето на политичка волја и желба за признавање на геноцидот врз Ромите, или спротиставување на антициганизамот ја одразува континуираната дискриминација, говорот на омраза и насилните акти предизвикани од омраза врз нашата заедница.

Еден правилен акт на признавање на минатото и холокаустот на Ромите е клучен, не само за правда и достоинство на убиените Роми, туку за испраќање на порака дека во нашето општество нема место за антициганизамот! Само така ќе можеме да се соочиме со тековниот анти-ромски говор и однесување, кои за жал се присутни со вознемирувачка фреквенција во нашето општество.

За да имаме таков еден правилен акт, нашата влада треба:

  • Формално да го признае 2 Август како официјален ден за сеќавање на Холокаустот врз Ромите и Синтите;
  • Да изгради, почитува и зачува споменици посветени на жртвите Роми;
  • Да инвестира во музеи, центри за истражување и други институции посветени на Ромскиот Холокауст, Ромската историја и култура;
  • Изучувањето на Ромската историја и култура да станат дел од образовните програми и учебници;
  • Да го признаат антициганизамот како специфична форма на расизам која што ги таргетира ромските заедници и да прилагодат различни превентивни и реактивни алатки во борбата против овој феномен.

Гореспоменатите реченици не се листа со желби, туку реални потреби за унапредување на статусот на Ромската заедница во нашата држава и минимизирање на антициганизамот во нашата држава. Веруваме дека има многу релевантни прашања што треба итно да се следат и решат, но сите тие нема да успеат да ја решат основната причина за исклучувањето на Ромите. За тоа е важно социо-економската инклузија и борбата против антициганизамот да се надополнуваат едно со друго.

Нашето општество се соочува со предизвик, бидејќи покрај економската криза предизвикана од пандемијата се соочуваме со морална криза. А, најранливите во нашето општество се најтешко погодени! Да не дозволиме истите да станат лесна мета на популизам и омраза, туку заеднички да се спротиставиме. Ова е наша држава, наше општество, само заеднички можеме да изградиме заедница на взаемна почит и љубов, а не заедница на страв и омраза на едни кон други!

[i] https://op.europa.eu/en/publication-detail/-/publication/d1509576-7400-11e6-b076-01aa75ed71a1/language-en

[ii] https://www.antigypsyism.eu/

[iii] https://balkaninsight.com/2021/06/23/czech-floyd-illustrates-struggles-of-roma-lives-matter/

Categories
Конкурси Новости

Повик за учество на Dikh He Na Bister 2021

Регионалната Ромска Образовна Младинска Асоцијација од Кратово, во соработка со Документациониот и културен центар на германските Синти и Роми, Централниот совет на германските Синти и Роми и ternYpe објавува повик за учесници за учество на Dikh He Na Bister 2021.

 

Овогодишниот проект опфаќа 3 фази:

  1. Онлајн подготовка на селектираните учесници за настанот во Краков (Полска). Датумот ќе биде дополнително договорен. Присуството на подготовката е задолжително!
  2. Учество на настанот “Dikh He Na Bister 2021” и комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 28 јули до 4 август 2021 година;
  3. Настани организирани од учесниците за понатамошна дисеминација на добиените информации во период од септември до декември 2021 година.

Концепт за 2021:

Имајќи ја во предвид пандемијата со Ковид-19 и рестрикциите, концептот за 2021 година предвидува едукативен настан за младите учесници од 10 европски земји со намален број на учесници, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”. Учесниците ќе бидат дел од активностите за сеќавање и одбележување на 77 годишнината на Ромскиот геноцид.
Младите учесници ќе работат со своите фасилитатори во работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во своите работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовка:

Селектираните учесници од Македонија ќе поминат низ процес на подготовка. Присуството на онлајн подготовката е задолжително за сите селектирани учесници!
Бараме учесници:
  • Млади на возраст од 18 до 30 години кои што за првпат ќе бидат дел од настанот;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовката и едукативниот настан да го пренесат во своите заедници;
  • Да присуствуваат на онлајн подготовката организирана од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Бараме лидер/ка на група:

  • Личност на возраст од 18 до 30 години која што има претходно искуство на темата;
  • Да е бил/а веќе на настанот Dikh He Na Bistar во Краков, Полска
  • Лидер/ка на групата се грижи за учесниците;
  • Да работи во мултикултурни групи без предрасуди;
  • Да присуствува на онлајн подготовката организирана од страна на РРОМА;
  • Да има познавања од англискиот јазик
  • Да има валиден пасош за патување, со најмалку 6 месеци валидност откако ќе се врати од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде со организиран превоз.

Задолжителни документи за патување на учесниците:

  • Валиден пасош (6 месеци пред рокот на истекување)
  • Патничко осигурување (покриен од страна на учесниците)
  • Негативен ПЦР тест направен 48 часа пред патувањето (покриен од страна на организацијата)

Доколку, учесникот е вакциниран:

  • Документ (сертификат) за вакцина 14 дена од последната примена вакцина пред патувањето.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учество, најдоцна до 02 јули 2021 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Ви благодариме на покажаниот интерес!
Categories
Новости

Се организираше второто издание на настанот “Ромската жена во 21иот век – можности, придонеси и предизвици”

По  повод 8 Март- меѓународниот ден на жената, коалицијата на ромски невладини организации “Khetane“ го организираше второто издание на настанот “Ромската жена во 21иот век – можности, придонеси и предизвици” во ЕУ куќата. Настанот е продолжение од минатогодишниот настан во рамки на проектот насловен „Romani Women POWER OF CHANGE in the Western Balkans and Turkey“ (IPA/2019/162472-1/3) поддржан од ЕУ.

На овој двочасовен настан свое обраќање имаа сопругата на Претседателот на Република Северна Македонија, г-ѓа Елизабета Ѓоргиевска и ЕУ амбасадорот и шеф на делегацијата на ЕУ во Република Северна Македонија, г-дин Дејвид Гир.

Во своите обраќања, ја истакнаа својата поддршка за создавање на поволна средина и зголемување на свеста кај општата популација, за да се надминат бариерите, со цел поголема инклузија на жените Ромки. За придонесот и поддршката за унапредување на правата на жените и девојчињата Ромки, коалицијата Khetane им врачи благодарници на сопругата на Претседателот на Република Северна Македонија и ЕУ амбасадорот.

  Коалицијата “Khetane” покани говорнички од ромската заедница со различни профили и професионално искуство, жени кои први го имаат отпочнато ромскиот женски активизам во земјава, жени што работат на економско зајакнување на ромската заедница и почитување на човековите права. Панелистките кои што ги споделија своето искуство со публиката беа: Г-ѓа Дилбера Камберовска од организацијата „ДАЈА“ од Куманово; Г-ѓа Кјмет Амет од РАЖМ „ЛУЛУДИ“ од Скопје; Г-ѓа Сузан Амет од организацијата „МИР“ од Скопје и Г-ѓа Енисе Демирова од здружението „Черења“ од Штип. Препознавајќи ги нивните заложби, искуство и придонеси за унапредување на правата на жените и девојчињата Ромки, коалицијата Khetane им додели благодарници за нивниот ангажман.

Настанот “Ромската жена во 21иот век – можности, придонеси и предизвици” се организираше со цел да ги зајакне и охрабри ромските жени во Северна Македонија, давајќи видливост и важност на нивните улоги и придонеси во македонското општество. Преку споделувањето на нивните лични искуства и приказни, јавноста имаше увид во нивните достигнувања како жени со различни профили на работа.

Исто така, се даде акцент на важноста на еднаквите економски, правни и репродуктивни права на ромските жени, како и важноста на концептот на родовата еднаквост и учеството на ромските жени во процесот на интеграција на ромската заедница, носењето на одлуки и креирањето оддржливи политики за Ромите во Северна Македонија, како идна членка на ЕУ.

Поради запазување на протоколите од КОВИД-19, панел дискусијата се пренесуваше во живо на фејсбук страниците на коалицијата.

Categories
Конкурси Новости

Повик за аплицирање за наградата на ЕУ за ромска интеграција во Западен Балкан и Турција 2021 година – „Извонредни луѓе кои промовираат еднаквост преку вработување“

Повикот за аплицирање за новата награда на ЕУ за ромска интеграција во Западен Балкан и Турција за 2021 година е отворен. Наградата на Генералниот директорат за европска соседска политика и преговори за проширување наменета за интеграција на Ромите на Западен Балкан и Турција ја зголемува видливоста и на предизвиците со кои се соочуваат Ромите на Западен Балкан и на Турција, и на важната работа на некои посветени учесници што ја поддржуваат интеграцијата на Ромите. Наградата нуди признание, публицитет и поддршка за позитивните модели кои покажуваат опипливи резултати во областа на интеграцијата на Ромите.

Наградата на ЕУ за интеграција на Ромите во 2021 година ќе промовира приватни или јавни иницијативи кои постигнаа извонреден придонес кон одржливо вработување на Ромите, како механизам за прекинување на кругот на исклучување.

Наградата ја доделува Европската комисија и е финансирана од IPA-фондовите, а ја имплементира Roma Active Albania (RAA).

Наградата треба да привлече внимание кон конкретните напори и позитивни резултати на различните релевантни странки за зголемување на пристапот до вработување, како и квалитетот на вработувањето на Ромите. Половата еднаквост и еманципацијата на жените Ромки во областа на вработувањето ќе биде важна димензија.

Поконкретно, наградата е наменета да помогне за следните цели:

  1. Дополнително прифаќање на улогата и придонесот на вработувањето Роми како една од клучните области за подобрување на позицијата на ранливата категорија на жените Ромки и Ромите во регионот.
  2. Промовирање на успешните модели на вработување на Роми и позитивните промени во нивните заедници.
  3. Негување на институционалниот дијалог при вработувањето на Ромите.
  4. Истакнување на поддршката и работата на Европската Унија за интеграција на Ромите во државите за проширување.
  5. Негување на соработката помеѓу засегнатите страни во процесот на интеграција на Ромите.
  6. Осигурување на прифаќање и одржливост на влијателните активности имплементирани на најосновното ниво на општествена солидарност.
  7. Идентификување и споделување позитивни примери за работа на поединци, јавни институции, приватни друштва, деловни субјекти и граѓански здруженија на централно и локално ниво во полето на вработувањето.

Апликациите ќе ги разгледува независен одбор за евалуација и ќе ги избере наградените.

Ќе има двајца наградени како корисници на IPA што промовираат вкупно 14 значајни искуства.

Сите наградени ќе добијат меѓународно признание преку церемонијата за доделување на наградата која, доколку дозволат условите, ќе се одржи во Брисел. Сите наградени ќе бидат поканети да присуствуваат на другите настани организирани таму за време на Ромската недела во 2021 година. Покрај тоа, сите наградени ќе земат учество во студиската посета на Мадрид на тема „Пристап до вработување на Ромите“.

Поединци и наградени од граѓанското општество, дополнително може да добијат финансиска поддршка за да продолжат со нивните иницијативи во областа на вработувањето на Ромите. Во овој случај, износот на наградата е ист како што беше применет во наградата за Роми во 2019 година, односно 7 500 евра. Износот е утврден на таков начин да биде доволно голем за да привлече внимание и да се овозможи понатамошна работа во целната област.

Детални информации за повикот можат да се добијат на:

Форма за апликација

Форма за номинација

Јазикот што се користи за апликации и номинации е англискиот јазик. Придружните документи може да бидат на различни јазици, меѓутоа се претпочитаат англиски верзии.

Рокови

Краен рок за доставување на апликациите и номинациите заедно со останатите релевантни документи е 25 мај 2021 година, до 23:59 часот според локално време.

Поднесување

Поднесувањето на апликации (самономинации) ќе се врши преку електронска пошта на адресата: application_eu_award_2021@raa.al.

Насловот на електронската порака мора да ги содржи иницијалите на апликантот и државата на потекло.

Поднесувањето на номинации ќе се врши преку електронска пошта на адресата: nomination_eu_award_2021@raa.al.

Насловот на електронската порака мора да содржи кратенка на називот на номинаторот, иницијалите на апликантот и државата на потекло.

Апликациите и номинациите заедно со придружните документи може да се испратат и по пошта на адресата:

Roma Active Albania – Rr. “YlbereBylykbashi”; P. 25; Shk. 2; Ap. 4; Тирана, Албанија

Во овој случај, ќе бидат разгледани само апликациите/номинациите што сме ги примиле во рамките на рокот. Апликациите што ќе стигнат по пошта подоцна од утврдениот рок нема да бидат предадени на евалуација.

Информативни средби поврзани со учество на повикот за аплицирање ќе следат наскоро во земјите од Западен Балкан и Турција.