Tag: youth

Categories
Новости

Заврши младинската размена “The Intercultural Journey”

30 млади од 6 европски земји зедоа учество на младинската размена “The Intercultural Journey” која што се оддржа во хотел Кратис, Кратово.

Младинската размена “The Intercultural Journey” беше организирана од страна на РРОМА и поддржана од Еразмус плус и Националната агенција за европски образовни програми и мобилност. Целта на младинската размена беше преку употребата на креативни методи и алатки да се добијат повеќе информации од областа на вработувањето, односно младите да се подготвуваат за соочување со „суровата“ реалност на барање работа, подготовки на CV и интервјуа. Но, исто така преку креативен хаос да се покаже доверба, меѓусебен дијалог и почит на младите од 6 европски земји (Македонија, Германија, Шпанија, Романија, Италија и Литванија).
Презентација на CV и што треба да содржи едно CV
Симулација на интервју за работа
Презентација на реалноста со младинското вработување во Литванија
Презентација на реалноста со младинското вработување во Италија
Дел од групата после сесија 🙂
Categories
Новости

РРОМА има 10 години!

Пред 10 години … Започнавме регионално. Образувавме млади. Се препознававме по акција. Не гледавме од страна. Учествувавме!
Денес…
Напредувавме. Се развивавме. Го кршиме циклусот на вообичаеното. Се пробиваме. Стануваме своја сила! 
На 15 декември 2017 година, Регионалната Ромска Образовна Младинска Асоцијација од Кратово го прослави 10 роденден.

На настанот беа презентирани достигнувањата на РРОМА во изминативе години, меѓу кои позначајни се добивањето на Staying Alive Award во 2010, како и ЕУ наградата за Ромска интеграција на млади во 2017. Исто така беше претставено новото лого на РРОМА и новиот слоган. На соработниците и поддржувачите на работата на организацијата им беа доделувани благодарници. Партнерите на РРОМА изработија видео со честитки за организацијата и постигнатите резултати.

Транзиција од старо во ново лого

Тимот на РРОМА со дел од младите волонтери и членови

Categories
Новости

РРОМА има нов младински волонтер!

Во периодот што следи со РРОМА ќе работи новиот младински волонтер Надир Усеин. Надир ќе работи заедно со нас на исполнување на нашата мисија, а пред се на тоа младите да бидат млади и да уживаат во можностите кои што им ги нуди РРОМА!
Во прилог следи кратко претставување од страна на Надир 🙂
„Здраво на сите! Јас сум Надир Усеин и имам 18 години. Живеам во Скопје, општина Шуто Оризари. Студент сум на катедрата за “Меѓународни односи и интеркултурни студии“ при Универзитетот Св.Кирил и Методиј на Филозофскиот факултет. Отсекогаш сум посакувал да направам промена во моето општество, токму таа желба ме мотивирала да го направам првиот чекор кон подобра иднина. А каде, ако не во граѓанскиот сектор. Се сеќавам на 2014 година и моето прво учество. Таа година за првпат сум застанал пред 300 луѓе, промовирајќи ја сопствената култура. Тоа чувство беше непознато, но многу убаво. Таа година светна искрата во мене  Во НВО „Амбрела“ се разбуди свеста кај мене да бидам активен во општеството. Таму започна и не престана, туку продолжила да расте се повеќе од ден во ден, во многу невладини организации, како во Романо Авази, Црвен Крст, РРОМА. Тоа што го правам ме исполнува со животна радост, внатрешна рамнотежа, мир и спокојство во душата.
Сега пред мене е предизвикот да бидам младинскиот волонтер во РРОМА, да работам и растам во една динамична средина, полна со можности за лично надоградување и можности да им помагам на своите врсници. Верувам дека можам да бидам позитивен пример за многу млади. Многу е убаво чувството кога можеш да помогнеш утрото да биде поубаво и подобро. Им препорачувам на сите млади да бидат активни и најискрено ги охрабрувам да учествуваат во процесот кон подобра иднина и општество еднакво за сите. Како што вели слоганот на РРОМА: Не гледај од страна, учествувај!“
Categories
Новости

Повик за младинската размена “The Intercultural Journey”

РРОМА објавува повик за учество на младинска размена, која што се оддржува во Р.Македонија со поддршка на Ерасмус плус програмата и Националната Агенција за европски образовни програми и мобилност на РМ.

Целта на младинската размена е преку употребата на креативни методи и алатки да се добијат повеќе информации од областа на вработувањето, односно младите да се подготвуваат како да се соочуваат со „суровата“ реалност за барање работа, подготовки на CV и интервјуа.

Но, исто така преку креативен хаос да се покаже доверба, меѓусебен дијалог и почит на младите од 6 земји (Македонија, Германија, Шпанија, Романија, Италија и Литванија).

Младинската размена ќе се оддржи во Хотел Кратис, Кратово почнувајќи од 11 до 16 декември 2017 година. 
Можат да се пријават:
– млади на возраст од 16 до 26 години;
– младински работници, волонтери, уметници…
– работен јазик е англиски и јазикот на креативноста 😛
Дел од работата на младинската размена ќе биде креирање на импро-театар поврзан со темата!
Би ве замолиле да се пријавите најдоцна до 26 ноември (18.00 часот) кликајќи на линкот Апликација за IJ 2017!

Сите трошоци поврзани со младинската размена се покриени од страна на организаторот!

ВИ БЛАГОДАРИМЕ ЗА ПОКАЖАНИОТ ИНТЕРЕС!