Tag: EU

Categories
Новости

Рокот истекува на 15-ти февруари! Пријавете ја својата хероина, сега!

Рокот за пријавување на овогодинешната награда за Ромска интеграција истекува наскоро. ЕУ награда за Ромска интеграција 2019 има за цел да ги препознае и охрабри напорите на жените-Ромки кои што доаѓаат од основното ниво, односно локалните Ромски заедници. Наградата е финансиски поддржана од Европската Унија, а имплементирана од Roma Active Albania.

За потребите на промоција и видливост беа организирани и сеуште се во тек информативни средби со цел да се запознаат заинтересираните кандидатки со процесите на аплицирање и номинирање. Првичните информативни средби беа организирани од страна на РРОМА во соработка со членките на коалицијата “Khetane” и се оддржаа во Шуто Оризари, Топаана, Штип, Центар и Куманово.

За помош и детални информации поврзани наградата можете да се обратете кај организациите-членки на коалицијата “Khetane” или да ја посетите ФБ страната:

https://www.facebook.com/EuAwardforRomaIntegration/

   

  

На изборот може да се пријават жени-Ромки од западен Балкан и Турција, по пат на директно аплицирање или номинација. Ќе се доделуваат вкупно 14 награди, односно по 2 во Албанија, Босна и Херцеговина, Црна Гора, Србија, Македонија, Косово и Турција.

Фондот за награди изнесува:

  • 7500 евра за прво место
  • 4500 евра за втора место
  • патување и 3-дневна студиска посета на европските институции во Брисел
  • доделување на наградата во Брисел за време на Ромската недела 18-21 март 2019 година

Аплицирањето се врши исклучиво на англиски јазик!

Краениот рок за аплицирање е 15 февруари 2019 година, 23:59 часот со испраќање на:

За апликации на Application_EU_Award_2019@raa.al со предмет: иницијалите на апликантката и земјата на потеклото.

За номинации на Nomination_EU_Award_2019@raa.al со предмет: акроним на номинаторот, иницијалите на номинираната личност и земјата на потеклото.

Апликациите и номинациите можат да се испратат во предвидениот рок и по редовна пошта, заедно со документацијата за поддршка на адресата:

Roma Active Albania – Rr. “YlbereBylykbashi”; P. 25; Shk. 2; Ap. 4; Tirana, Albania

Деталните информации можат да се проверат на дадените линкови подолу:

Правила на наградата

Формулари за симнување:

Формулар за апликација

Формулар за номинација

Изјава на чест

 

Categories
Новости

Организациите за правата на Ромите со одговор на плановите за Инклузија на ЕУ

Брисел, 6 декември 2018 година

Денес, коалицијата на повеќе од петнаесет Ромски и антирасистички организации на граѓанското општество од цела Европа побараа од Советот на Европската Унија и владите на европските земји да истакнат јасна посветеност во новите предлози за плановите на вклучување на Ромите по 2020 година, направени од страна на Европската Комисија во својата комуникација со Европскиот Парламент и Советот вчера.

Директорката на мрежата ERGO, г-ѓа Габриела Храбанова, ја поздрави новата комуникација: “Комисијата и Парламентот јасно се позиционираа за продолжување на поддршката во вклучувањето на Ромите по 2020 година. Сега е време националните влади да го сторат истото, да ја зајакнат својата борба против антициганизамот и да ги ажурираат и подобрат своите стратегии во согласност со потребите на заедницата, работејќи заедно со Ромското граѓанско општество “.

Новата комуникација од Комисијата ги истакна клучните елементи за подобрување на Ромската работна рамка на ЕУ, вклучувајќи: потреба за вклучување на Ромите во главните политики, борба против антициганизам, подобрување на учеството на Ромите, адресирање на различноста меѓу Ромите и подобро собирање на податоци, индикатори на цели и известување во стратегиите за интеграција.

“Досега плановите за вклучување на Ромите во земјите-членки на ЕУ и земјите-кандидати не успеаја да вклучат мерки за борба против антициганизамот и во голема мера не успеаја значително да ја подобрат ситуацијата на Ромите низ цела Европа”, рече Ѓорѓе Јовановиќ, претседател на Европскиот центар за правата на Ромите. “Рамката на ЕУ на националните стратегии за интеграција на Ромите по 2020 година мора да служи за спротиставување на ефектите од специфичниот структурен расизам кој влијае врз Ромското население низ цела Европа”.

Организациите повикуваат на јасни мерки во европските земји со цел препознавање на сегашниот и историски антициганизам како форма на расизам; мерки и санкционирање на манифестации на антициганизам во јавниот дискурс, јавните служби и институции; да го оспособат граѓанското општество и да обезбедат неопходни правни и институционални механизми и да се спроведуваат кривичните дела на злосторства од омраза и говорот на омраза. Време е европските влади да му дадат приоритет на “зајакнувањето и препознавањето на антициганизамот како корен на исклученоста на Ромите”, како што беше заклучено од високата работна група на ЕУ за борба против расизмот, ксенофобијата и другите форми на нетолеранција во нивниот водич за антициганизам.

Европските институции мора да се осигураат дека следниот буџетски циклус на ЕУ (Повеќегодишната финансиска рамка 2021-2027), која што во моментов е предмет на преговори, е поврзана со приоритетите на политиката на работната рамка на ЕУ за Ромите, вклучувајќи ја и борбата против антициганизамот. Дополнително, договорите за партнерство со земјите-членки и оперативните програми мора јасно да ги имаат Ромите како инвестициски приоритет. Следниот циклус на финансирање мора да осигура дека средствата се исто така достапни за конкретни мерки за борба против антициганизамот и да овозможуваат ефикасно функционирање на граѓанските организации за барање на отчетност и одговорност на владите и да обезбедат почитување на основните права на граѓаните-Роми низ цела Европа.

За повеќе информации, организирање на интервју, контактирајте со:
Џонатан Ли
Координатор за комуникации
Европски центар за права на Ромите
jonathan.lee@errc.org
+36 30 500 2118

Jamen Gabriela Hrabanova
Извршен директор
ERGO мрежа
g.hrabanova@ergonetwork.org
+32 (0) 2 893 10 49

Џонатан Мек
Советник за политики
Централен совет на германските Синти и Роми
jonathan.mack@sintiundroma.de
+49 (0) 6221 981101

Georgina Siklossy
Постар службеник за комуникации
Европска мрежа против расизам
georgina@enar-eu.org
+32 (0) 2 229 35 70 | +32 (0) 473 490 53

Коалицијата на организации вклучува:
Алијанса против антициганизам
Централен совет на германски Синти и Роми
Европска мрежа против расизам
Европско здружение за јавно здравје
Европска мрежа на Ромски граѓански организации – ЕРГО
Европски центар за правата на Ромите
FAGiC Federación de Asociaciones Gitanas de Cataluña – Шпанија
Фондацијата “Jaw Dikh” – Полска
La Voix de Roms – Франција
Накерамос – Шпанија
Нево Парудимос – Романија
Ромa Актив Албанија – Албанија
Romanipe
REF – Ромски Oбразовен Fонд
Регионалната Ромска Образовна Младинска Асоцијација – РРОМА – Македонија

Белешки за уредниците:

Европската комисија усвои рамка на ЕУ за национални стратегии за интеграција на Ромите во 2011 година. Таа бара од земјите-членки да направат одредби за решавање на нееднаквостите во нивните земји со кои се соочуваат Ромите во образованието, вработувањето, здравството и домувањето.

Антициганизамот е специфичен расизам кон Ромите, Синтите, Патувачите и другите кои се стигматизирани како “Цигани” во очите на јавноста. Терминот често се користи во тесна смисла за укажување на анти-Ромски ставови или на изразувањето на негативни стереотипи во јавната сфера или говор на омраза. Сепак, антициганизамот доведува до многу поширок спектар на дискриминаторски изрази и практики, вклучувајќи и многу имплицитни или скриени манифестации. Повеќе информации се достапни во работниот документ за антициганизам.

Categories
Конкурси Новости

Повторен повик за ангажирање на експерт во рамките на проектот „Од Фантоми до Активни граѓани“

Повторен повик – бидејќи немаше пријавени на првиот повик!

Повик 02/18

Регионалната Ромска Образовна Младинска Асоцијација во рамките на проектот „Од Фантоми до Активни граѓани“ објавува повик за ангажирање на експерт за спроведување обука за работа и употреба на прирачникот за работа на терен со лица без документација.

Проектот „Од Фантоми до Активни граѓани“ има за цел да работи на еднаков пристап на лицата без документи до јавните добра и услуги пружени од државата преку воспоставување на механизам и алатки за застапување на законски измени за решавање на нивниот статус.

Во рамките на оваа активност се предвидува одржување на обука на 30 лица кои работат на терен, со цел да ги зголемат своите вештини и знаење за идентификување, процесирање и затворање на случаевите и практично користење на прирачникот.

Од експертот се очекува:

  • Подготовка на методологија за обука
  • Испорака на обука
  • изработка на извештај за спроведената обука
  • помош при дисеминацијата на прирачникот за работа на терен со лица без документација

Експертот ќе биде ангажиран вкупно 4 работни дена во рамките на оваа активност. Максимумот на понуда по еден работен ден изнесува 80 евра.

РРОМА прифаќа апликации кои што во целост ги следат дадените инструкции на линкот подолу:

Инструкции за аплицирање

Лицата кои што ќе ја поминаат првичната селекција ќе бидат поканети на интервју. Нивниот ангажман ќе започне веднаш по потпишувањето на договорот за извршување на горенаведените задачи.

Краениот рок за аплицирање е 19 ноември 2018 година до 17.00 часот со испраќање на потребната документација на емаил адресата: info@rromassn.org со предмет: Повик 02/18. Апликациите кои што ќе пристигнат после предвидениот рок нема да се земат во предвид.

Проектот „Од Фантоми до Активни граѓани“ е поддржан во рамките на повикот за суб-грантирање на граѓански организации Бр. 0818-6.1 објавен од здружението Иницијатива за социјална промена – ИнСоК –Скопје во соработка со Ромскиот едукативен центар “Амбрела”, Хуманитарно и добротворно здружение на Ромите “Месечина“ – Гостивар и Здружението за заштита на правата на Ромите – Штип, во рамки на проектот “НАДВОР ОД КРУГОТ- НЕВИДЛИВИ ВО ОПШТЕСТВОТО” поддржан од Програмата за поддршка за граѓанските организации во рамките на програма за акција на граѓанското општество 2015 / Инструментот за претпристапна помош (ИПА) Europe Aid / 151569 / DD / ACT / MK

Categories
Новости

РРОМА учествуваше на 6-тиот балкански младински социјалдемократски камп

Во периодот од 20 до 24 Јуни, РРОМА како полноправна членка на НМСМ преку свој претставник учествуваше на шестиот балканскииот младински социјалдемократски камп кој се оддржа во Драч, Албанија на тема „Социјалдемократските Перспективи: Младите социјалдемократи во југоисточна Европа“.

Во рамките на овој камп учество зедоа 60 претставници од подмладоците на социјалдемократските партии, како и претставници од граѓанскиот сектор на Балканот. Организацијата на овој камп беше реализирана од страна на Friedrich Ebert Foundation. На самиот почеток од кампот учесниците ги претставуваа државите од кои доаѓаат при што дискутираа за перспективите на своите земји. Потоа следуваа предавања за социјалдемократијата каде учесниците разменуваа искуства од своите држави поврзани со начинот на имплементација на социјалдемократските вредности во општеството и во политиката.

Една од главните теми за кои се дискутираше беше инволвираноста на младите социјалдемократи во функционирањето на општините во кои живеат. Потоа се разгледуваа програмите кои ЕУ ги нуди за младите со посебен акцент кон РИКО – Регионална канцеларија за младинска соработка. Western Balkans and EU integration process е една од неколкуте теми кои кај учесниците на овој летен камп предизивика голема заинтересираност поради фактот на моменталната политичка ситуација и поставеноста на ЕУ апсирациите на државите од Западен балкан.

Македонија како земја аспирант за влез во НАТО и ЕУ, како и поради последните случувања во делот на грчко – македонските односи беше една од поважните теми за дискусии. Младите едногласни дека Македонија после низа случувања и политички превирања заслужува да се најде во НАТО и ЕУ членството.

Младинската невработеност разви плодна дискусија со што учесниците имаа можност меѓусебно да споделат искуства со што генералниот заклучок беше дека сепак во земјите од Западен балкан преовладува голема невработеност. Покрај активностите предвидени во агендата, младите социјалдемократи од југоисточна Европа во своето слободно време разменуваа искуства од своите ангажмани во своите држави, споделуваа различни размислувања и аргументи со што докажаа дека сепак како млади социјалдемократи, покрај политичките билатерални проблеми на нивните држави истите имаат многу повеќе заеднички работи кои ги сплотуваат.

Categories
Новости

Локален дијалог во Штип

На 16 мај 2018 година во Штип ќе се оддржи средба на локален дијалог помеѓу претставниците на локалната Ромска заедница и претставниците на локалната самоуправа. Средбата ја иницира коалицијата на Ромски невладини организации “Khetane” и истата е поддржана од ЕУ во рамките на проектот “Заедничка иницијатива за зајакнување на Ромското граѓанско општество на западен Балкан и Турција” и Вишеград фондот.

                                  

Целта на состанокот е да се зајакне дијалогот помеѓу заедницата, локалните институции и локалната власт за да се надминат предизвиците, лошата комуникација со локалните власти и проблемите на Ромската заедница.

На состанокот ќе се разгледуваат 4 димензии кои што потекнуваат од локалните карти за оценување на општините и тоа:

  1. Посветеност на локалната самоуправа
  2. Партиципација и Соработка
  3. Ситуација
  4. Промена

Ќе се дискутираат предизвиците и ќе се одредат конкретни препораки за нивно понатамошно надминување. Но, исто така добрата пракса на дијалог да стане редовна алатка за соработка помеѓу локалните власти и Ромската заедница.

           

Categories
Конкурси Новости

Повик за изработка на студија во рамките на проектот „Од Фантоми до Активни граѓани“

Повик 01/18

Регионалната Ромска Образовна Младинска Асоцијација во рамките на проектот „Од Фантоми до Активни граѓани“ објавува повик за изработка на студија за проценка  на предложените мерки и закони  кои ги засегаат  лицата без документи, проследена со прирачник за работа на терен со лицата без документација.

Проектот „Од Фантоми до Активни граѓани“ има за цел да работи на еднаков пристап на лицата без документи до јавните добра и услуги пружени од државата преку воспоставување на механизам и алатки за застапување на законски измени за решавање на нивниот статус.

Студијата, ќе служи како проценка на влијанието на регулативата во сенка за оценување на позитивните и негативните ефекти на предложените регулативи и ќе треба да го следи целиот процес започнувајќи од предлог-закон, измени, консултации до проценка на влијание на предложената регулатива од различни аспекти (социјален, економски и сл) и преку предлози, мислења, сугестии со ЕНЕР системот.

Експертите кои што ќе бидат ангажирани ќе направат проценка на влијанието на предложена регулатива преку ЕНЕР системот и ќе го следат следниот процес:Во делот на законската регулатива ќе се анализираат и оценуваат негативните последици односно недоречености во позитивната законска регулатива. Самиот процес почнува со регистрирање во ЕНЕР системот при што се овозможува следење и активно учество во процесот на консултација. Специфично ќе се анализираат и проценуваат следните закони: Закон за вонпарнична постапка, Закон за водење на матична евиденција, Закон за пријавување на живеалиштето и престојувалиштето на граѓаните и Законот за бесплатна правна помош. Во рамките на оваа активност се предвидува експертите да изработат анализа и проценка на негативните ефекти и недоречености на постојаната законска регулатива и истовремено да понудат конкретни препораки за менување на законската рамка.

По изработката на студијата, експертите ќе подготват документ на најдобри практики за решавање на случаевите на лицата без документи, кој што ќе служи како прирачник кој што ќе има за цел да придонесе за зголемена информираност на населението и теренските работници како конкретно да се постапи по однос на конкретни случаи.

Заинтересираните лица на повикот за изработка на студија и прирачник ќе треба да достават:

  • Писмо за интерес, наведувајќи го своето искуство во областа
  • Кратко резиме или биографија
  • Понуда за изработка на студија и прирачник за ангажман од 40 работни дена во временски период од 6 месеци

Лицата кои што ќе ја поминаат првичната селекција ќе бидат поканети на интервју. Нивниот ангажман ќе започне во мај 2018 година.

Краен рок за доставување на документите е 27.04.2018 година, 23:59 часот на емаил: info@rromassn.org со предмет: Изработка на студија 2018. Апликациите кои што ќе пристигнат после предвидениот рок нема да се земат во предвид.

Проектот „Од Фантоми до Активни граѓани“ е поддржан во рамките на повикот за суб-грантирање на граѓански организации Бр. 0818-6.1 објавен од здружението Иницијатива за социјална промена – ИнСоК –Скопје во соработка со Ромскиот едукативен центар “Амбрела”, Хуманитарно и добротворно здружение на Ромите “Месечина“ – Гостивар и Здружението за заштита на правата на Ромите – Штип, во рамки на проектот “НАДВОР ОД КРУГОТ- НЕВИДЛИВИ ВО ОПШТЕСТВОТО” поддржан од Програмата за поддршка за граѓанските организации во рамките на програма за акција на граѓанското општество 2015 / Инструментот за претпристапна помош (ИПА) Europe Aid / 151569 / DD / ACT / MK

Categories
Новости

Започнува проектот „Од Фантоми до Активни граѓани“

Регионалната Ромска Образовна Младинска Асоцијација од 2 април 2018 година започнува со имплементацијата на проектот „Од Фантоми до Активни граѓани“. Истиот, ќе се имплементира 9 месеци, односно до 31.12.2018 година.

Проектот е поддржан во рамките на повикот за суб-грантирање на граѓански организации Бр. 0818-6.1 објавен од здружението Иницијатива за социјална промена – ИнСоК –Скопје во соработка со Ромскиот едукативен центар “Амбрела”, Хуманитарно и добротворно здружение на Ромите “Месечина“ – Гостивар и Здружението за заштита на правата на Ромите – Штип, во рамки на проектот “НАДВОР ОД КРУГОТ- НЕВИДЛИВИ ВО ОПШТЕСТВОТО” поддржан од Програмата за поддршка за граѓанските организации во рамките на програма за акција на граѓанското општество 2015 / Инструментот за претпристапна помош (ИПА) Europe Aid / 151569 / DD / ACT / MK

Проектот „Од Фантоми до Активни граѓани“ има за цел да работи на еднаков пристап на лицата без документи до јавните добра и услуги пружени од државата преку воспоставување на механизам и алатки за застапување на законски измени за решавање на нивниот статус.

Специфичните цели на проектот вклучуваат:

  • Градење на капацитетите на НВО и засегнатите страни за работење со лицата без документи на терен, евиденција, следење и решавање на проблемот преку case management систем
  • Проценка на влијанието на регулативата во сенка за оценување на позитивните и негативните ефекти на предложените регулативи
  • Промовирање на добри практики за работата со лицата на терен со лицата Роми без документи

Очекуваните резултати од проектот се:

  • Case management систем за НВО за идентификување на лицата без документи, работа на терен, водење на случај, процесирање и евидентирање
  • Проценет импакт на влијанието и извештај во сенка на регулативата за оценка на позитивните и негативните ефекти на предложените законски измени
  • Развиен прирачник  за решавање на конкретни случаеви и мерки за превенција

Во рамките на проектот како целни групи ќе бидат вклучените НВО во проектот, Министерството за правда, Министерството за труд и социјална политика, центрите за социјална работа и управата за водење на матична книга. Проектот, како корисници ги идентификува лицата без документи и локалните самоуправи.

Categories
Конкурси Новости

Избор на “најпријателски Ромски градоначалник”

 Во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација се објавува:

К О Н К У Р С

за избор на „Најпријателски Ромски градоначалник“ од Република Македонија

Краен рок за поднесување на апликации:

28 февруари 2018 година

Концепт

Изборот за „најпријателски Ромски градоначалник“ се организира за подобрување на дијалогот на локалните власти и Ромската заедница, и добрите пракси на дијалог да станат видливи. Целта на изборот е да биде конструктивна алатка за подобрување на состојбата на Ромската заедница, фокусирајќи се на позитивните примери, без обвинувања на останатите. Фокусирајќи се на филозофијата на зајакнување, мобилизација и еднаков дијалог помеѓу локалните власти и Ромската заедница, изборот може да помогне гласот на Ромската заедница да биде слушнат! Изборот се организира во земјите на западен Балкан и Турција.

Награда

Најдобрите градоначалници, победници од земјите-учеснички од западен Балкан и Турција ќе бидат дел од Ромската недела во април 2018, која што се организира во Брисел од страна на Европскиот парламент.

Таму ќе имаат можност да присуствуваат на состанок со претставници од Европската комисија и Генералниот Директорат за соседство и преговори за проширување, каде што ќе ги презентираат своите активности и бидат дел од креирање на мрежа на градоначалници кои што работат на Ромска инклузија.

Трошоците се покриени од страна на организаторите на изборот во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.

Критериуми за учество

На повикот можат да учествуваат сите градоначалници од Република Македонија. За учество е потребно:

– да ја потполните апликацијата (апликација за избор)

– да доставите исечоци, слики, извештаи, одлуки, документи кои што ги поткрепуваат дадените одговори во апликацијата

– да имате евалуација од страна на Ромската заедница кои што се однесуваат на вашата општина преку алатката за оценување на општините https://romareact.org/survey/

– по завршување на рокот за аплицирање, градоначалниците ќе бидат посетени од страна на организаторите и претставници на комисијата за избор.

Рок за аплицирање

Краениот рок за испраќање на апликациите и документите за поткрепа е 28 февруари 2018 година до 23:59 часот. Документите можат да се испраќаат по пошта на:

Регионална Ромска Образовна Младинска Асоцијација

Тошо Куковски бб

П.фах 32

1360 Кратово

или на е-маил: info@rromassn.org со дознака „MRFM“

Објавување на резултатите

Комисијата за избор составена од претставници на коалицијата „KHETANE“ ќе ги соопшти резултатите за избор кон крајот на март 2018.

За прашања околу изборот можете да пишете на е-маилот: info@rromassn.org.

Проектот „Заедничка иницијатива за зајакнување на Ромското граѓанско општество на западен Балкан и Турција“ е поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација

Проектот е финансиран од Европската Унија



Categories
Новости

Средба со министерот Самка Ибраимоски

Претставници на организациите-членки на коалицијата која што се формираше во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“ на 14 ноември оддржаа работен состанок со Министерот Самка Ибраимоски, задолжен за имплементација на Стратегијата за подобрување на состојбата на Ромите во Република Македонија.
Претставници на РРОМА, Дром, 24 Vakti, Ромалитико
на работен состанок со министерот Самка Ибраимоски
На средбата се дискутираше за состојбите, предизвиците и проблемите на Ромската заедница. Исто така, министерот Самка Ибраимоски изрази своја поддршка во активностите на коалицијата. Се разговараше и за Ромската платформа која што се оддржува во Брисел на 27 ноември, каде што министерот и претставници од коалицијата ќе земат свое учество. Еден од заклучоците на состанокот е потребата од меѓусебно координирање и заеднички да работиме на подобрување на состојбата на Ромите во РМ и нивно интегрирање во општеството како рамноправни граѓани. Кон крајот на декември 2017, ќе следи настан на презентирање на извештајот кој што коалицијата го спрема и за кој што е добиена поддршка од страна на министерот Ибраимоски.
Categories
Новости

Се оддржа работен состанок на коалицијата во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“

Од 10 до 13 ноември 2017 година во хотел Тино во Охрид се оддржа работен состанок на коалицијата која што се формираше во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“.

 
Динамика на работа

На состанокот беа дефинирани насоките на дејствување и динамиката за акција на коалицијата. За сега, коалицијата брои 7 организации-членки: РРОМА, ЗМОЧП, ЦРЗ Дром, Сумнал, 24 Вакти, Романо Авази и Ромалитико.
Во периодот што следи, коалицијата ќе објавува извештај по однос на интеграцијата на Ромите во РМ. Исто така, ќе следи повик за избор за најпријателски Ромски градоначалник, каде што добитникот ќе оди за Брисел и ќе има средби со релевантните ЕУ претставници. На состанокот беа потпишани договорите за грант. Вкупно беа доделени 6 мали грантови во вкупен износ од 460.500 денари. Повеќе информации за состанокот на линкот.

 
Потпишување на грант-договорот со Сумнал

Проектот „Заедничка иницијатива за зајакнување на Ромското граѓанско општество на западен Балкан и Турција“ има за цел воспоставување на конструктивен и систематски дијалог помеѓу локалните и националните институции и Ромското граѓанско општество, со цел подобрување на политиките за Ромите и нивната интеграција, социјална инклузија, не-дискриминација, меѓу-етнички дијалог, социо-економски развој и граѓански права.

Ќе се реализира од 01.01.2016 година до 31.12.2019 година со поддршка на Европската Унија и Рома Актив Албанија како носител на проектот, и РРОМА како партнер за Македонија.

Другите специфични цели опфаќаат:

  1. Зајакнување на професионалниот капацитет, легитимитет и отчетност на (про) Ромски граѓански организации и подигнување на нивните капацитети за долгорочно стратегиско планирање;
  2. Подигнување на свеста за модели на Ромска инклузија (патокази за надминување на социјалната ексклузија) и постигнување на структурални промени во локалните политики, креирајќи стратегиски партнерства со други граѓански организации, локални институции, општини и др. релевантни институции;
  3. Придонесување за поефективни политики и барање на отчетност на владите во креирањето на политики, носење на одлуки и имплементација;
  4. Јакнење на редовно вмрежување на (про) Ромски граѓански организации на регионално  и ЕУ ниво, како и фасилитација на размената на знаење, вештини и контакти, и зголемување и ширење на влијанието при водењето на кампањи и застапување.

Наредната активност на коалицијата е закажана во декември 2017 година.

Проектот е поддржан од Европската Унија.