Categories
Uncategorized Конкурси Новости

ПОВИК ЗА АПЛИЦИРАЊЕ ЗА НАГРАДАТА НА ЕУ ЗА РОМСКА ИНТЕГРАЦИЈА ВО ЗАПАДЕН БАЛКАН И ТУРЦИЈА 2025 ГОДИНА

Повикот за аплицирање за шестото издание на Наградата на ЕУ за ромска интеграција во Западен Балкан и Турција е сега отворен. Ова издание е посветено на позитивните постигнувања за вклучувањето на Ромите во секторот образование.

Интеграцијата на Ромите е клучен приоритет во процесот на проширување на ЕУ, а Европската комисија е посветена на поддршка и признавање на работата на актери од ромската и не-ромската заедница (јавни институции, приватни компании и граѓански организации) во оваа област.

Наградата на ЕУ за ромска интеграција во Западен Балкан и Турција има за цел да ја зајакне политичката посветеност и да ја поддржи интеграцијата на Ромите во регионот. Таа ги препознава иницијативите кои значително ги подобриле животите на Ромите и кои можат да бидат реплицирани во иднина.

Претходните изданија на наградата беа фокусирани на:

  • Важната улога на организациите кои работат за интеграција на Ромите (прво издание).
  • Инклузијата, интеграцијата и зајакнувањето на ромската младина (второ издание).
  • “Непознати херои” – Ромки кои преку својата работа и посветеност ја подобрија социјалната интеграција на Ромите (трето издание).
  • Личности кои промовираат еднаквост преку вработување (четврто издание).
  • Интеграцијата на Ромите во Зелената и Дигиталната транзиција (петто издание).

Шестото издание на наградата ќе ги признае иницијативите кои постигнале значаен напредок, конкретни одржливи резултати и позитивни промени во секторот на образование (предучилишно, основно и средно ниво).

Наградата е финансирана од Европската Унија и имплементирана од Roma Active Albania.

Краен рок за аплицирање: 28 февруари 2025 година.

Апликациите ќе ги разгледува независен одбор за евалуација кој ќе ги избере наградените.

Непрофитните организации и поединечните наградени дополнително може да добијат финансиска поддршка за продолжување на нивните иницијативи во областа на образованието. Оние кои ги исполнуваат условите за финансиска поддршка ќе добијат парична награда.

Секој победник ќе добие статуа како симбол на признанието доделено од страна на Европската Комисија (EC DG NEAR) на официјалниот настан.

Јазикот за апликации и номинации е англискиот. Придружните документи може да бидат на различни јазици, но англиските верзии ќе бидат пожелни.

Краен рок за поднесување на апликациите и номинациите, заедно со другите релевантни документи, е 28 февруари 2025 година, 23:59.

Апликациите се поднесуваат преку е-пошта на адреса: Application_EU_Award_2025@raa.al

Номинациите се поднесуваат преку е-пошта на адреса: Nomination_EU_Award_2025@raa.al

Насловот на е-поштата мора да го содржи акронимот на номинаторот, иницијалите на номинираниот и земјата на потекло.

Апликациите и номинациите, заедно со придружните документи, може да се испратат и по пошта на адресата:

Roma Active Albania – Rr. “Ylbere Bylykbashi”; P. 25; Shk. 2; Ap. 4; Тирана, Албанија

Во овој случај, ќе бидат разгледани само апликациите/номинациите што сме ги примиле во рамките на рокот. Апликациите што ќе стигнат по пошта подоцна од утврдениот рок нема да бидат предадени на евалуација.

Информативни средби поврзани со учество на повикот за аплицирање ќе следат наскоро во земјите од Западен Балкан и Турција.

Добитниците на наградите кои ги исполнуваат условите за финансиска поддршка ќе добијат парична награда од 7500 евра за прва награда и 4500 евра за втора награда.

Сите наградени ќе добијат студиска посета во Брисел, Белгија.

Секој победник ќе добие статуа како симбол на признанието доделено од страна на ЕС DG NEAR и самиот настан. Сите наградени ќе имаат меѓународно признание преку церемонијата на доделување на наградата во Брисел и дополнително ќе присуствуваат на активностите што ќе се спроведуваат во исто време со доделувањето. Студиската посета ќе следи по доделувањето на наградите.

Повеќе информации за аплицирањето може да најдете на следниот:

https://europa.eu/!7MhQtQ

Categories
Uncategorized

 Заврши младинската размена „Responsible Tik Tok and Instagram Use“

Волонтери од Регионалната Ромска Образовна Младинска Асоцијација беа дел од младинската размена „Responsible Tik Tok and Instagram Use“, која што се одржа од 20.01.2025 до 29.01.2025 година во Бребу, Романија.

Овој проект имаше за цел да се бори против онлајн малтретирањето меѓу средношколците преку подигање на свеста за вознемирување и говор на омраза преку филм и фотографија. Со промовирање на човековите права и дигиталната писменост, настојување да го намалат малтретирањето преку Интернет, расизмот и социјалната исклученост. Користејќи методи на неформално образование – како што се кампањи за подигање на свеста и вежби за креативно размислување – заедно со медиумските алатки и општественото набљудување, ги поттикна младите луѓе да создадат побезбедни, поинклузивни онлајн простори.

Цели на проектот:

  • Развивање на толеранција и разбирање кај учесниците за борба против дискриминацијата и онлајн малтретирање;
  • Подигнување на свеста за онлајн вознемирувањето кај учесниците;
  • Зголемување на знаењето на учесниците за безбедност во онлајн околината;
  • Развивање на знаењето на учесниците за фотографирање и снимање филм за едукативни цели.

Овој проект е поддржан од Еразмус+.

Categories
Новости

РРОМА го одбележа Меѓународниот ден на сеќавање на Холокаустот

На 27 јанури 2025 година, во просториите на EU House – Скопје, РРОМА со гордост го одбележа Меѓународниот ден на сеќавање на Холокаустот преку настанот со наслов „Сеќавање низ очите на младите: Моето право да се сеќавам – Меморијализирање на геноцидот на Ромите“.

На овој значаен настан се истакна приказната за геноцидот врз Ромите, една често маргинализирана страница од историјата која има непроценлива вредност за разбирањето на заедничките човечки борби и храбрости.

Настанот беше отворен со инспиративни говори од истакнати гости, меѓу кои:

  • Д-р Шабан Салиу, министер за интеграција и имплементација на Стратегијата за инклузија на Ромите (2022-2030),
  • Г-дин Михалис Рокас, амбасадор на Европската Унија во Република Северна Македонија,
  • Г-ца Урмета Арифовска, заменик-директор на РРОМА.

Модератор на настанот беше г-дин Едис Еминоски, младински координатор на РРОМА, кој ги повика сите присутни да размислат за значењето на меморијализацијата и заедничкото градење на хуман свет.

Настанот беше збогатен со изложба која нуди длабок увид во историјата на геноцидот врз Ромите, поделена во три поглавја:
1️⃣ Потеклото на прогонството – опфаќа настани пред Втората светска војна и почетокот на систематската дискриминација на Ромите.
2️⃣ Геноцидот врз Ромите – документира нацистичките злосторства и страдањата за време на Втората светска војна.
3️⃣ Повоени последици и современи предизвици – ја истражува борбата за признавање, меморијализација и актуелните предизвици поврзани со Ромската заедница.

Изложбата, водена од г-ца Емилија Паноска, програм координатор на РРОМА, им овозможи на присутните да се запознаат со историските факти преку визуелни и наративни содржини, поттикнувајќи ги да размислат за важноста на колективното сеќавање.

Посебна благодарност упатуваме до учениците и наставниот кадар од СУГС „Шаип Јусуф“ – Скопје, како и до претставниците од Здружение Иницијатива на правата на жените од Шуто Оризари, Европските младински амбасадори, волонтерите од Мировниот корпус и останатите присутни гости за нивното активно учество и поддршка на настанот.

Исто така, голема благодарност до националните телевизии – Сител (Ја сакам Македонија) и Македонска Радио Телевизија (Македонија наутро) за нивната медиумска поддршка и ангажман во пренесувањето на оваа важна порака.

Со овој настан, РРОМА потсетува дека сеќавањето не е само чин на почитување, туку и повик за акција. Денешниот ден нè повикува со отворени умови и срца да градиме мостови на разбирање, почит и солидарност.

Нека оваа заедничка мисија стане дел од нашата секојдневна посветеност за создавање на праведен и хуман свет.

Categories
Uncategorized Новости

АКТИВНО УЧЕСТВО НА ТРЕНИНГ ЗА МЛАДИНСКИ РАБОТНИЦИ

Од 11.01 – 19.01. 2025 год. дел од тимот на РРОМА учествуваше на Тренинг курсот “Connecting Roma Youth With Civic Opportunities”, кој се реализираше Бребу, Романија.

Инспиративните тренери Ник Падисон
Елемер Сентпетери го насочија тренингот кон градење на капацитетите на младинските работници за подобро вклучување и зајакнување на ромската младина во демократските процеси.

Клучни постигнувања:
✅ 35 младински работници стекнаа нови знаења и вештини преку неформално образование
✅ Развиени методи за поттикнување на учеството на ромската младина во демократскиот живот
✅ Создадени нови иницијативи за инклузија и еднакви можности
✅ Овозможена размена на добри практики и искуства помеѓу учесниците

👥 Учество земаа:
🔹 Социјални работници со интерес за младинска работа
🔹 Младински работници и едукатори во неформално образование
🔹 Волонтери посветени на инклузијата на Ромите
🔹 Младински лидери од ромски и малцински заедници
🔹 Претставници на младински организации

🚀 Овој тренинг беше значаен чекор кон создавање на поинклузивно општество и зајакнување на ромската младина. Благодарност до сите учесници, партнери и поддржувачи!

Categories
Uncategorized Новости

Follow-up активност како дел од “My Voice Matters” проектот

РРОМА неодамна организираше инспиративна активност како дел од проектот “My Voice Matters”. 🎓🌍 За време на сесијата, учениците дискутираа за клучни теми како што се гласањето, демократијата, човековите права и можностите што ги нуди Еразмус+.

Преку отворени дискусии и интерактивно учење, ги инспириравме младите умови да ја разберат својата улога во градењето праведно и инклузивно општество. 🗣️💡 Оваа активност беше моќен потсетник дека секој глас е важен и дека активното учество е основата на една напредна демократија.

Categories
Uncategorized

Се одржа „Djo Festival“ на кој РРОМА зеде учество

Од 09.09.2024 до 16.09.2024, волентерите на РРОМА учествуваа на фестивалот „Djo Festival“ кој се одржа во Берлин, Германија. Феставилаот имаше за цел преку културна размена (да се ​​создаде простор каде што учесниците ќе можат да ги споделат своите културни традиции, приказни и уметнички форми, поттикнувајќи подлабоко разбирање и вреднување на културната различност), меѓукултурен дијалог (да се олеснат значајните интеракции помеѓу учесниците, да се поттикне размената на идеи и перспективи и да се промовира дијалог за важноста на културната инклузивност во денешното општество), градење на заедницата: Да се ​​зајакнат врските помеѓу поединците и заедниците преку славење на споделените искуства и истражување на уникатните придонеси на секоја култура за поширокиот глобален мозаик.

Categories
Uncategorized Конкурси Новости

Заврши младинската размена “ROMA REMEMBRANCE AND SOLIDARITY”

Волонтери од Регионалната Ромска Образовна Младинска Асоцијација беа дел од младинската размена, “ROMA REMEMBRANCE AND SOLIDARITY” која што се одржа  од 09.12.2024 – 16.12.2024 во Берлин, Германија.

Проектот имаше за цел да ги истражи практиките и методите за вклучување и зајакнување на младите во рамките на младинските организации за справување со дискриминацијата, расизмот, ксенофобијата, особено антициганизмот. Исто така, се обиде да придонесе за развој на колективна меморија на сеќавање и комеморација преку зголемување на свеста за холокаустот и геноцидот на Ромите во Втората светска војна.

Цели на проектот:

  1. Обезбедување платформа за 30 млади поединци од различни европски земји да се соберат, да споделат искуства и да создаваат заеднички визии и приказни користејќи уметнички и креативни методи на неформално образование;
  2. Зајакнување на учесниците преку зајакнување на нивниот идентитет, самосвест и самопочит, овозможувајќи им да се залагаат за нивната кауза;
  3. Изградба на капацитетите, креативноста и иницијативата на младите Роми, како и развивање човечки ресурси во ромските организации и мрежи посветени на активно граѓанство, инклузивно општество базирано на знаење и еднакво уживање на правата и одговорностите за сите европски граѓани.

Овој проект е поддржан од Еразмус+.

Categories
Uncategorized Конкурси Новости

Заврши младинската размена „DIGITALLY UNITED“

Волонтери од Регионалната Ромска Образовна Младинска Асоцијација беа дел од младинската размена, „DIGITALLY UNITED“ која што се одржа од 04.12.2024 декември до 13.12.2024 декември во Бребу, Романија.

Цел на проектот:

“Digitally United” имаше за цел да ги поттикне младите луѓе со напредни дигитални вештини, ја подобри меѓукултурната соработка и инспирираше креативни решенија за општествените прашања преку употреба на дигитални технологии.

Целите на проектот беа:

1. Дигитално зајакнување: ги опреми учесниците со напредна дигитална писменост и практични вештини за користење на виртуелни алатки.

2. Кроскултурна соработка: Се промовираше тимска работа и комуникација преку границите преку дигитални платформи.

3. Водење на социјалната промена: се инспирираа учесниците да ја користат технологијата за општествено добро, применувајќи дигитални решенија за предизвиците на заедницата во реалниот свет.

Овој проект е поддржан од Еразмус+.

Categories
Новости

2 TPM in Greece part of the project “When Scars (!) Become Art”

On 07.11.2024 – 10.11.2024, Thessaloniki, Greece, RROMA together with the partners from Serbia, Greece, Turkey, Germany and Romania was participated on the second TPM meeting with in the project “When Scars (!) Become Art”.

At the meeting we discussed for our process of big research, questioner and interviews according to Roma young, disadvantageous young people for our local communities.

This meeting was helpful for raising capacities between our partnership.

This project is support by Erasmus + and co-financed by EU.

Categories
Новости

TACSO 3- Одржан Форум на ЕУ за граѓанско општество за Западен Балкан и Турција

РРОМА присуствуваше на Форум на ЕУ за граѓанско општество за Западен Балкан и Турција, кој се одржа од 11 до 13 јуни 2024 година во хотел Мона Плаза во Белград, Србија.

Форумот на ЕУ за граѓанско општество за Западен Балкан и Турција е годишен настан организиран од проектот ТАКСО 3 на ЕУ во име на Европската комисија, DG NEAR. Целта на настанот беше да се обезбеди простор за клучните чинители вклучени во граѓанското општество во регионот да се здружат, да се поврзат и да понудат платформа за дискусија за клучните теми релевантни за граѓанското општество оваа година.

Настанот беше успешно предводен и реализиран со придонес на говорници, фасилитатори, гости и учесници.

Клучни средства кои се донесоа на настанот се:

  • Појасни механизми за вклучување на граѓанското општество во Планот за раст, при што ЕУ ги бара владите одговорни за барањата за консултации со јавноста.
  • Правната рамка е стабилна, но предизвиците за спроведување остануваат. Соработката со граѓанското општество се проширува, но довербата и волјата се од суштинско значење.
  • Зајакнувањето на секторот бара диверзификација на финансирањето, користење локална експертиза, поттикнување партнерства и инвестирање во човечки ресурси.
  • Градењето односи со изборните единици бара директен ангажман и флексибилност од финансиерите.
  • На форумот присуствуваа над 150 учесници, стекнувајќи увид и разменувајќи идеи, вклучително и преку интерактивни сесии како World Café.