Category: Новости

Categories
Новости

Средба со министерот Самка Ибраимоски

Претставници на организациите-членки на коалицијата која што се формираше во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“ на 14 ноември оддржаа работен состанок со Министерот Самка Ибраимоски, задолжен за имплементација на Стратегијата за подобрување на состојбата на Ромите во Република Македонија.
Претставници на РРОМА, Дром, 24 Vakti, Ромалитико
на работен состанок со министерот Самка Ибраимоски
На средбата се дискутираше за состојбите, предизвиците и проблемите на Ромската заедница. Исто така, министерот Самка Ибраимоски изрази своја поддршка во активностите на коалицијата. Се разговараше и за Ромската платформа која што се оддржува во Брисел на 27 ноември, каде што министерот и претставници од коалицијата ќе земат свое учество. Еден од заклучоците на состанокот е потребата од меѓусебно координирање и заеднички да работиме на подобрување на состојбата на Ромите во РМ и нивно интегрирање во општеството како рамноправни граѓани. Кон крајот на декември 2017, ќе следи настан на презентирање на извештајот кој што коалицијата го спрема и за кој што е добиена поддршка од страна на министерот Ибраимоски.
Categories
Новости

Се оддржа работен состанок на коалицијата во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“

Од 10 до 13 ноември 2017 година во хотел Тино во Охрид се оддржа работен состанок на коалицијата која што се формираше во рамките на проектот поддржан од Европската комисија „Заедничка иницијатива за зајакнување на Ромското граѓанско општество на западен Балкан и Турција“.

 
Динамика на работа

На состанокот беа дефинирани насоките на дејствување и динамиката за акција на коалицијата. За сега, коалицијата брои 7 организации-членки: РРОМА, ЗМОЧП, ЦРЗ Дром, Сумнал, 24 Вакти, Романо Авази и Ромалитико.
Во периодот што следи, коалицијата ќе објавува извештај по однос на интеграцијата на Ромите во РМ. Исто така, ќе следи повик за избор за најпријателски Ромски градоначалник, каде што добитникот ќе оди за Брисел и ќе има средби со релевантните ЕУ претставници. На состанокот беа потпишани договорите за грант. Вкупно беа доделени 6 мали грантови во вкупен износ од 460.500 денари. Повеќе информации за состанокот на линкот.

 
Потпишување на грант-договорот со Сумнал

Проектот „Заедничка иницијатива за зајакнување на Ромското граѓанско општество на западен Балкан и Турција“ има за цел воспоставување на конструктивен и систематски дијалог помеѓу локалните и националните институции и Ромското граѓанско општество, со цел подобрување на политиките за Ромите и нивната интеграција, социјална инклузија, не-дискриминација, меѓу-етнички дијалог, социо-економски развој и граѓански права.

Ќе се реализира од 01.01.2016 година до 31.12.2019 година со поддршка на Европската Унија и Рома Актив Албанија како носител на проектот, и РРОМА како партнер за Македонија.

Другите специфични цели опфаќаат:

  1. Зајакнување на професионалниот капацитет, легитимитет и отчетност на (про) Ромски граѓански организации и подигнување на нивните капацитети за долгорочно стратегиско планирање;
  2. Подигнување на свеста за модели на Ромска инклузија (патокази за надминување на социјалната ексклузија) и постигнување на структурални промени во локалните политики, креирајќи стратегиски партнерства со други граѓански организации, локални институции, општини и др. релевантни институции;
  3. Придонесување за поефективни политики и барање на отчетност на владите во креирањето на политики, носење на одлуки и имплементација;
  4. Јакнење на редовно вмрежување на (про) Ромски граѓански организации на регионално  и ЕУ ниво, како и фасилитација на размената на знаење, вештини и контакти, и зголемување и ширење на влијанието при водењето на кампањи и застапување.

Наредната активност на коалицијата е закажана во декември 2017 година.

Проектот е поддржан од Европската Унија.

Categories
Новости

КОНКУРС за доделување на мали грантови за поддршка на иницијативи и проекти на Ромски и про-Ромски граѓански организации

Во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација се објавува:

К О Н К У Р С

за доделување на мали грантови за поддршка на членките на коалицијата во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ за иницијативи и проекти за зајакнување на улогата на Ромското граѓанско општество во РМ за 2017 година

Краен рок за поднесување на апликации:

8 ноември 2017 година

Општа цел на повикот е преку малите грантови за да подигне капацитетот на (про) Ромските граѓански организации кои што работат на подобрување на статусот на Ромите во РМ.

Специфичната цел на повикот е давање на финансиска поддршка на (про) Ромските граѓански организации за подигнување на нивните капацитети и зајакнување на нивните позиции на локално и национално ниво, како и влијание врз политиките кои што ги таргетираат Ромите како целна група. Предност за конкурсот ќе имаат организациите кои што се дел од формираната коалиција во рамките на проектот.

Во рамките на конкурсот, РРОМА бара автори/организации на извештаи и истражувања од следниве приоритетни области:

  • О1-ДОМУВАЊЕ: Политики и стратегии за решавање на проблематиката со домувањето кај Ромската заедница во РМ;
  • О2-ОБРАЗОВАНИЕ: Образовниот статус кај Ромското население во РМ;
  • О3-ЗДРАВСТВО: Пристапот на Ромското население во РМ до здравствени услуги;
  • О4-ВРАБОТУВАЊЕ: Правичната застапеност и активни мерки за вработување на Ромското население во РМ;
  • О5-АНТИЦИГАНИЗАМ: Говорот на омраза и сликата за Ромската заедница во македонските медиуми;
  • О6-ВЛАДЕЕЊЕ: Главните владини политики за Ромска инклузија и посветеноста за видливи промени во РМ.

Фонд за финансирање

Вкупниот фонд за финансирање на проекти во рамките на конкурсот за 2017 изнесува 460.500 денари (7.500 евра)

Големина на грант

Преку конкурсот ќе се обезбеди поддршка за локални проекти на (про) Ромски граѓански организации во максимален износ од 1.250 евра

Апликантите во рамки на конкурсот треба да ги исполнуваат следниве критериуми:

  • Да бидат правни лица регистрирани во Централниот регистар на РМ
  • Да се регистрирани како здруженија или фондации според законот за здруженија и фондации
  • Да имаат искуство во приоритетната област за која што аплицираат
  • Да бидат одговорни за подготовка и менаџирање на проектната активност

* Апликантот учествува самостојно.

* Апликантот има право да учествува со само еден предлог-проект.

* Апликантот може да добие само еден грант од конкурсот за финансирање.

Времетраење

Краткорочни локални проектни активности во времетраење од 1 до 3 месеци ќе бидат предмет на финансирање.

Локација

Проектната активност треба да биде реализирана во државата каде организацијата е регистрирана и работи.

Типови на активности

Со цел да бидат погодни за финансирање, предлог-проектите треба да отпаднат во една од приоритетните области на конкурсот и да опфаќаат активности во вид на:

  • Истражувања и пишување на анализи/извештаи (потреби, перцепции, мерки за мерење на ефикасност и др.);

Само трошоци кои што се поврзани со имплементацијата на проектната активност ќе бидат одобрени.

Следнивер категории на трошоци се прифатливи:

  • Хонорари за автори на анализите и извештаите
  • Трошоци за транспорт и ноќевања
  • Трошоци за организирање на настани (изнајмување на сала, опрема, кетеринг итн.)
  • Трошоци за изработка на веб-решенија
  • Трошоци за промоција (изработка и печатење на брошури)

Сите организации кои имаат намера да аплицираат на конкурсот за финансирање треба да го потполнат формуларот за предлог-проект (ДА1).

Формуларот се потполнува на македонски јазик.

Формуларот за предлог проекти (ДА1) треба да се испрати на grants@rromassn.org со назнака „Мали грантови 2017“.

Краен рок за испраќање на апликацијата е 8 ноември 2017 година, 23.59 часот! Апликациите испратени по предвидениот рок нема да се земат во предвид!

За повеќе информации може да се симне конкурсот

Формуларите можат да се симнат од следнивер линкови:

ДА1

Нацрт-договор

Проектот „Заедничка иницијатива за зајакнување на Ромското граѓанско општество на западен Балкан и Турција“ е поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација

Проектот е финансиран од Европската Унија

Categories
Новости

Повик за младинската размена “The World from different perspective”, Турција 2017

Регионалната Ромска Образовна Младинска Асоцијација од Кратово објавува повик за младинската размена “The World from different perspective” која што се оддржува од 17 до 24 октомври 2017 година во Ајдин, Турција.
 
Станува збор за младинска размена поддржана од страна на Еразмус плус програмата со учесници од Украина, Бугарија, Романија, Грција, Летонија, Македонија и Турција. Размената го истражува аутизмот, поточно групата на Autism Spectrum Disorder, какво влијание има врз личноста во полето на социјализацијата, и како да се надминат бариерите и негативните перцепции поврзани со темата. Учесниците ќе поминат низ еден креативен процес на изработка на видеа, симулации и активности со цел да имаат заедничко мултикултурно учење.

Профил на учесници

  • млади Роми и не-Роми од 18 до 30 години ученици и студенти, волонтери, младински работници, млади кои што не се во образование, работа или обука (NEET – Not in education, employment or training);
  • предност при селекцијата ќе имаат младите на кои што овој проект ќе им биде прво Еразмус плус искуство, но тоа не значи дека квалитетот на апликацијата нема да се земе во предвид при селекцијата;
  • да имаат желба да споделуваат знаење и работат во групи;
  • да работат во мулти-културна средина, без предрасуди;
  • да комуницираат на англиски, турски или Ромски/македонски јазик!
  • да имаат валиден пасош за патување, со минимум 6 месеци валидност откако ќе се вратат од Турција!
Трошоци:
  • трошоците за патување, храна и сместување се покриени од страна на организаторите;
  • трошоците за патничко осигурување се на товар на учесниците!

Датум на оддржување: 17 до 24 октомври 2017 година во Ајдин, Турција!

Пријавување:

Можете да се пријавите како учесник/чка со потполнување на апликацијата дадена подолу. Краениот рок за потполнување на апликацијата е 5 септември 2017 година, 18.00 часот!


Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување и да ги покриете трошоците до договореното место на поаѓање. Исто така, доколку бидете селектирани и бидат направени трошоци за вас, а потоа се откажете, се обврзувате на одговорност да ги покриете истите!
ВИ БЛАГОДАРИМЕ НА ПОКАЖАНИОТ ИНТЕРЕС!
Categories
Новости

Повик за младинската размена “The Journey of your Life” – Малага 2017

Регионалната Ромска Образовна Младинска Асоцијација објавува повик за учество на младинската размена “The Journey of your Life” која што се оддржува од 17 до 25 септември 2017 година во Малага, Шпанија.
Темата на младинската размена е претприемништвото и вработувањето на младите. 35 учесници од 7 европски земји (Шпанија, Македонија, Германија, Романија, Унгарија, Србија и Литванија) ќе имаат можност за споделуваат искуства, научат нови нешта и да ги прошираат своите видици поврзани со темата. Младите ќе работат со искусни експерти од областа на претприемништвото и старт-ап бизнис, но исто така ќе споделуваат свои култури и традиции. Видеото од претходната младинска размена во Малага, можете да го погледнете тука:
https://www.youtube.com/watch?v=36bV96N-1DM
Профил на учесници:
  • Активни млади Роми и не-Роми на возраст од 18 до 30 години; студенти, волонтери, младински работници, млади кои што не се во образование, работа или обука (NEET – Not in education, employment or training);
  • предност ќе имаат младите на кои што оваа младинска размена ќе им биде прво Еразмус плус искуство;
  • да имаат желба да споделуваат знаење и работат во група;
  • да подготват презентација за младинското вработување и претприемништвото во Македонија;
  • да работат во мулти-културна средина, без предрасуди!
  • да имаат доволно познавање на англискиот јазик за комуницирање! Не ја исклучуваме можноста на меѓусебно помагање и преведување!
  • да имаат валиден пасош за патување, со минимум 6 месеци валидност откако ќе се вратат од Шпанија!
Сместување и патни трошоци:
  • Учесниците ќе бидат сместени во хостел во Малага;
  • Патувањето ќе биде пресметано по економска тарифа за летање и покриено од страна на организаторите;
  • Храна и освежување се покриени од страна на организаторите.
  • Доколку, бидете селектирани на вас останува задолжително да си извадите патничко осигурување и да си го покриете патот до договореното место на поаѓање и назад!
За да се пријавите:
  • Потполнете го следниот формулар најдоцна до 29 август 18:00 часот! Формуларите после предвидениот рок, нема да се земаат во предвид!
Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурувањеи да ги покриете трошоците до договореното место на поаѓање. Исто така, доколку бидете селектирани и биде купена авионска карта за вас, а потоа се откажете, се обврзувате на одговорност да ги покриете трошоците за истата!
ВИ БЛАГОДАРИМЕ НА ПОКАЖАНИОТ ИНТЕРЕС!
Categories
Новости

Младинската размена “Roma Reporters 2017” ги зближи младите од Македонија, Романија и Унгарија

Регионалната Ромска Образовна Младинска Асоцијација со млади претставници од Македонија учествуваше на младинската размена “Roma Reporters 2017”, која што се оддржа од 4 до 13 август на езерото Балатон поддржана од локалната самоуправа на Будимпешта и Еразмус плус програмата.

Младинската размена спои околу 50-тина млади Роми и не-Роми од Македонија, Романија и Унгарија, кои што заеднички учеа и споделуваа свои обичаи и култури, споредуваа Ромски традиции и обичаи, готвеа традиционални јадења и музика. Исто така, работеа во групи и учеа техники за правење на видеа, интервју, пишување на објави и др.

Roma Reporters 2017
Презентација на работата во група
На голем дел од учесниците младинската размена им беше прво Еразмус плус искуство, па споделуваа свои импресии, како на пример Лилјана од Скопје вели:
Претстави ја својата, запознај ја туѓата култура.
Стекни ново искуство, запознавај нови луѓе, научи повеќе. 
УЧЕСТВУВАЈ. ЕРАЗМУС +
Дел од македонската групата на македонската вечер
Дел од сесиите беа на отворено
Учесниците готвеа вкусни јадења
Многу вкусно 🙂
Categories
Новости

Заврши Dik He Na Bister 2017

Регионалната Ромска Образовна Младинска Асоцијација од Кратово учествуваше со претставници од Македонија на настанот за оддбележување на геноцидот врз Ромите за време на Втората светска војна. Настанот се оддржа од 29 јули до 4 август во Краков, Полска.

Настанот се организира од 2010 година од страна на интернационалната Ромска младинска мрежа ternYpe (http://ternype.eu/) како иницијатива за сеќавање на Ромскиот геноцид, односно 2 август (http://2august.eu/). Низ годините, настанот успеа да прерасне во традиционално младинско одбележување и сеќавање на Ромскиот геноцид, каде што секоја година млади од 10 земји во просек учестуваат во работилници и едукативни настани во Краков и посети на музејот Аушвиц и комеморацијата во Аушвиц-Биркенау.
Учесниците на комеморацијата со фасилитаторите Срѓан Амет и Сибел Ли и претставникот на младинскиот оддел на Советот на Европа Денис Дурмиш

Едукативната програма за 2017 година се состоеше од 10 работни групи под водство на 2 фасилитатори. Учесниците во работните групи имаа можност да се запознаат и дознаат повеќе за ужасите од страна на нацистите, геноцидот, антициганизмот во модерното време, како и важните датуми 2 август 1944 и 16 мај 1944, но и како да се сеќаваме на 2 август и да превземеме акција во борбата против расизмот.

Еден ден беше посветен за посета на музејот Аушвиц и Аушвиц-Биркенау каде што учесниците низ 7-часовна едукативна тура добија информации за концентрациониот логор и ја посетија изложбата посветена на Ромите во барака бр.13. Исто така, го посетија Аушвиц-Биркенау, односно имаа можност да го видат т.н. Камп на циганските фамилии и да ги посетат остатоците од крематориумот бр.5 каде што ноќта помеѓу 2 и 3 август 1944 година, 2897 Ромски жени, деца и стари лица беа погубени.

Учесниците во посета на музејот Аушвиц
Работните групи имаа рефлексија на местото на убиството на Ромите, Крематориум бр.5

 

Дел од учесниците оставија цвеќиња на плочата пред крематориумот бр.5
На 2 август 2017, учесниците беа дел од комеморацијата на Ромскиот геноцид. Оваа година имаше над 200 млади Роми и не-Роми од околу 15 европски земји. На последниот ден беа презентирани резултатите од работните групи од страна на учесниците. Учесникот Ќани Ибраим, новинар во 24 Вакти изработи репортажа од настанот, која што можете да ја погледнете подолу. За повеќе информации поврзани со настанот, можете да ја посетите ФБ страната: https://www.facebook.com/DikhHeNaBister/
Учесници на комеморацијата за 2 август
Categories
Новости

Повик за младинската размена FATality, Турција 2017

Регионалната Ромска Образовна Младинска Асоцијација од Кратово објавува повик за младинската размена FATality која што се оддржува од 15 до 23 август 2017 година во Текирдаг, Турција.
Станува збор за младинска размена поддржана од страна на Еразмус плус програмата со учесници од Украина, Бугарија, Романија, Македонија и Турција. Размената го адресира проблемот со физичката активност кај младите и има за цел низ еден креативен процес на изработка на видеа, симулации и физички активности да им пружи на младите учесници еден незаборавен процес на заедничко мултикултурно учење.

Профил на учесници

  • млади Роми и не-Роми од 18 до 30 години ученици и студенти, млади кои што не се во образование, работа или обука (NEET – Not in education, employment or training);
  • предност ќе имаат младите на кои што овој проект ќе им биде прво Еразмус плус искуство;
  • да имаат желба да споделуваат знаење и работат во групи;
  • да работат во мулти-културна средина, без предрасуди;
  • да комуницираат на англиски, турски или Ромски/македонски јазик!
  • да имаат валиден пасош за патување, со минимум 6 месеци валидност откако ќе се вратат од Турција!

Трошоци:

  • трошоците за патување, храна и сместување се покриени од страна на организаторите;
  • трошоците за патничко осигурување се на товар на учесниците!
  • Патувањето на учесниците ќе биде организирано од страна на РРОМА

Пријавување:

Можете да се пријавите како учесник/чка со потполнување на апликацијата дадена подолу. Краениот рок за потполнување на апликацијата е 5 август 2017 година, 18.00 часот!

 Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување и да ги покриете трошоците до договореното место на поаѓање. Исто така, доколку бидете селектирани и бидат направени трошоци за вас, а потоа се откажете, се обврзувате на одговорност да ги покриете истите!
ВИ БЛАГОДАРИМЕ НА ПОКАЖАНИОТ ИНТЕРЕС!
Categories
Новости

Повик за младинската размена Roma Reporters, Унгарија 2017

Регионалната Ромска Образовна Младинска Асоцијација од Кратово објавува повик за младинската размена Roma Reporters која што се оддржува од 4 до 13 август 2017 година во Káptalanfüred, во близина на езерото Балатон, Унгарија.
 
Младинската размена е дел од партнерството помеѓу РРОМА од Македонија, Közös Esély Egyesület од Унгарија и Nevo Parudimos од Романија, поддржано од Еразмус плус програмата и локалната власт на Киспест во Капталанфиред. Предвидено е учество да земаат 54 учесници од горенаведените земји.
Оваа 10 дневна младинска размена има за цел да им овозможи на младите учесници да истражуваат за Ромската култура, историја и уметност, со посебен акцент на визуелните уметности. Младинската размена ќе се базира на методологија на не-формално образование, работа во групи, интеркултурно учење, симулации итн. Учесниците ќе се стекнат со вештини од областа на филмот, филмската продукција, како да прават извештаи и интервјуа и ќе работат со младите професионалци на DIKH TV http://www.dikhtv.hu/
Ќе имаме два профила на учесници, каде што во вториот профил ќе се бара лидери/ки на групата.
Профил на учесници
  • млади Роми и не-Роми од 18 до 25 години ученици и студенти
  • млади кои што не се во образование, работа или обука (NEET – Not in education, employment or training);
  • предност ќе имаат младите на кои што овој проект ќе им биде прво Еразмус плус искуство;
  • да имаат желба да споделуваат знаење и работат во групи;
  • да работат во мулти-културна средина, без предрасуди;
  • да комуницираат на англиски или Ромски/македонски јазик!
  • да имаат валиден пасош за патување, со минимум 6 месеци валидност откако ќе се вратат од Унгарија!

Профил на лидер/ка на група

  • млади Роми и не-Роми од 25 до 28 години;
  • да имаат искуство во младинска работа;
  • да и помагаат на групата;
  • да имаат желба да споделуваат знаење и работат во групи;
  • да работат во мулти-културна средина, без предрасуди;
  • да комуницираат на англиски или Ромски/македонски јазик!
  • да имаат валиден пасош за патување, со минимум 6 месеци валидност откако ќе се вратат од Унгарија!

Трошоци:

  • трошоците за патување, храна и сместување се покриени од страна на организаторите;
  • трошоците за патничко осигурување се на товар на учесниците!

Учесниците ќе бидат сместени во бараките на младинскиот камп во близина на езерото Балатон http://kaptalanfured.kispest.hu/
Патувањето на учесниците ќе биде организирано од страна на РРОМА со мини-бус.

 Пријавување:
Можете да се пријавите како учесник/чка или лидер/ка на група со потполнување на една од пријавите дадени подолу. Краениот рок за потполнување на апликациите е 14 јули 2017 година, 18.00 часот!
Апликација за учесници
Апликација за лидер/ка


 Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување и да ги покриете трошоците до договореното место на поаѓање. Исто така, доколку бидете селектирани и бидат направени трошоци за вас, а потоа се откажете, се обврзувате на одговорност да ги покриете истите!
ВИ БЛАГОДАРИМЕ НА ПОКАЖАНИОТ ИНТЕРЕС!
Categories
Новости

Заврши втората мобилност во рамките на проектот „Good practices of Roma Youth Empowerment for Active Citizenship“

Од 12 до 18 јуни 2017 година во Берлин, се оддржа втората мобилност во рамките на проектот„Good practices of Roma Youth Empowerment for Active Citizenship“ кој што е поддржан од програмата Еразмус плус на Европската комисија (2016-2-DE04-KA205-014322). Проектот е дел од билатералното стратегиско партнерство помеѓу Амаро Форо од Берлин и РРОМА од Кратово.

Стратегиско партнерство во рамките на Еразмус плус програмата
Младите учесници втората средба ја започнаа со временска линија и дадоа осврт на тоа што се случуваше од март до јуни во нивните животи. А, низ практичните работилници се потсетија на концептите за идентитет и граѓанство, дискриминација, антициганизам и споделуваа свои искуства и мислење.
Временска линија за споделување
Потсетување за Антициганизам
Исто така, учесниците имаа можност да слушнат за застапување, демократија, младинското учество, младинска работа и интеркултурниот дијалог. Последниот ден беа посетени од страна на националната агенција и дознаа повеќе за алатката Youthpass и развивањето на своите компетенции како дел од процесот на учење во рамките на Еразмус плус програмата.
Учесници креираа свои супер-херои кои што добиваа секојдневно нови моќи!
Учесниците беа креативни во своите презентации
Ова билатерално партнерство со Амаро Форо од Берлин има за цел да го зголеми учеството на младите Роми во европските образовни програми и мобилности, како и во неформалното образование. Проектот ќе им овозможи на учесниците да научат, споделат и разменат искуства од областа на неформалното образование, но и да зајакнат како активни граѓани во борбата против расизмот, ксенофобијата и антициганизмот во модерните општества.

Фотографии од втората мобилност: