Регионалната Ромска Образовна Младинска Асоцијација објавува повик за учесници на проектот „DISCOVERING FUTURE AI JOBS“ кој што ќе се одржи од 21.04 – 30.04.26 во Бребу, Романија.
📝 Опис на активностите:
Проектот „Discovering Future AI Jobs“ има за цел да ги поддржи младите луѓе во пристапот до пазарот на труд во време на брза дигитална трансформација и сè поголема употреба на вештачка интелигенција (AI).
Овој проект се надоврзува на претходна младинска размена, каде што учесниците покажаа силен интерес за стекнување знаења за кариерни можности и развој на вештини за барање работа преку користење дигитални алатки.
Преку проектот, младите ќе имаат можност да истражат различни кариерни патеки и да научат како да подготват професионални апликации за работа, вклучувајќи CV, мотивациски писма и портфолија, со помош на AI алатки.
Иницијативата исто така одговара на високите стапки на младинска невработеност во многу европски земји, особено кај ранливите групи. Со развивање на практични вештини и дигитални компетенции, проектот ќе им помогне на учесниците подобро да се подготват за променливиот пазар на труд.
🎯 Цели на проектот:
- Да им обезбеди на 42 млади лица практично знаење за различни кариерни патеки, како и за главните карактеристики и барања на професиите што би можеле да ги изберат во иднина.
- Да го зголеми знаењето на 42 млади лица за вештачката интелигенција (AI) и начинот на кој таа ги трансформира сегашните и идните работни места.
- Да ги зајакне 42 млади лица да разберат како AI може да се користи во различни професии и како тие можат да применуваат AI алатки во своите идни кариери.
👥 Кој може да се пријави:
- Млади Роми и не-Роми на возраст од 16 до 20 години (Лидер 21+)
- Младински работници, лидери и волонтери, средношколци
- Лица мотивирани да се вклучат во тематиката на проектот
- Работен јазик е англискиот, но ќе се обезбеди меѓусебна поддршка од страна на останатите учесници
💼 Трошоци и останати информации
Сите трошоци поврзани со младинската размена и предвидените активности се целосно покриени од организаторите, вклучувајќи:
✅ Патни трошоци од закажаното место на поаѓање до местото на пристигнување и обратно
✅ Сместување
✅ Храна
✅ Сите предвидени активности за време на младинската размена
ℹ️ Избраните учесници НЕ плаќаат партиципација за учество на проектот.
📅 Краен рок за пријавување:
Заинтересираните учесници можат да се пријават со пополнување на апликацијата најдоцна до 10ти април 2026 година, до 18:00 часот.