Categories
Новости

Заврши младинската размена во рамките на проектот “Европско сеќавање и солидарност-Нашето право на сеќавање!”

Во периодот од 31.08 до 05.09 во Кратово (Хотел Кратис) се оддржа младинската размена во рамките на проектот “Европско сеќавање и солидарност-Нашето право на сеќавање!” поддржан од програмата Europe for Citizens на Европската Унија.

Учествуваа млади од Македонија, Романија, Германија, Турција, Унгарија, Србија, Грција, Албанија, Италија, Португалија, Австрија итн. Учесниците на младинската размена имаат можност да го надоградуваат своето знаење за историјата на Ромите, сеќавањето на Ромскиот геноцид и во областа на борбата против антициганизамот преку работа со едукативни материјали од документациониот и културен центар на германските Синти и Роми, како и посета на Меморијалниот центар на Евреите посветен на жртвите од Втората светска војна.

Младинската размена е поддржана од Europe for Citizens програмата на Европската комисија.

Повеќе информации за младинската размена и проектот може да се најдат на страницата: https://www.facebook.com/righttoremember/ и албумот .

 

Categories
Конкурси Новости

Повик за младинската размена European History and Remembrance – Remembering the Roma Genocide during WWII!

Регионалната Ромска Образовна Младинска Асоцијација објавува повик за учесници за младинската размена European History and Remembrance – Remembering the Roma Genocide during WWII! која што се оддржува од 23 до 30 ноември 2019 година во Берлин, Германија. Истата е поддржана од Еразмус плус програмата на Европската Унија.

 

Оваа интернационална младинска размена има за цел да ја подигне свеста и познавањето на младите учесници од 6 европски земји (Германија, Македонија, Романија, Литванија, Бугарија и Србија) за ужасите на Втората светска војна, како и Ромскиот геноцид, односно влијанието врз младата популација на Европа и Балканот.

36 учесници на младинската размена ќе имаат можност да го надоградуваат своето знаење во областа на борбата против антициганизамот и сеќавање на Ромскиот геноцид преку работа во група и посета на спомениците на жртвите од Втората светска војна.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 25 години (можни се исклучоци)
  • лидер/ки, младински работници/чки, волонтери/ки …
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 02 октомври 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

 

Categories
Новости

Заврши младинската размена “Know your identity through art”

РРОМА учествуваше на младинската размена “Know your identity through art”, која што се одржа од 25 до 31 јули 2019 во Решица, Романија.

Учесниците на младинската размена истражуваа за својата култура и идентитет, научија за концептите на зајакнување и активно граѓанство, истовремено учејќи за Ромската култура и наученото го презентираа преку уметност.

Уметноста може да биде алатка за зајакнување и пренесување на пораките за толеранција и почит, но и прифаќањето на различностите. Тоа го докажаа учесниците од Македонија, Естонија, Романија, Германија и Чешка работејќи и живеејќи заедно во Решица, каде што се стекнаа со нови вештини и техники со кои што истовремено научија повеќе за различните култури и идентитети низ Европа, вклучувајќи ја Ромската заедница.

    

Младинската размена беше поддржана од Еразмус плус програмата на Европската комисија.

Categories
Конкурси Новости

Повик за учество на младинска размена во рамките на проектот „Европско сеќавање и солидарност – нашето право на сеќавање“

Регионалната Ромска Образовна Младинска Асоцијација објавува повик за учесници за младинската размена која што се организира во рамките на проектот “Европско сеќавање и солидарност-Нашето право на сеќавање!” поддржан од програмата Europe for Citizens на Европската Унија. Младинската размена се оддржува од 31.08 до 05.09 во Кратово (Хотел Кратис).

Учесниците на младинската размена ќе имаат можност да го надоградуваат своето знаење во областа на борбата против антициганизамот и сеќавање на Ромскиот геноцид преку работа со едукативни материјали од документациониот и културен центар на германските Синти и Роми, како и посета на Меморијалниот центар на Евреите посветен на жртвите од Втората светска војна.

Младинската размена е поддржана од Europe for Citizens програмата на Европската комисија.

На повикот може да се пријават:

 

  • Млади Роми и не-Роми од 18 до 30години (можни се исклучоци)
  • средношколци/ки, младински работници/чки, волонтери/ки, лидери/ки
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 28 август 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

 

Categories
Конкурси Новости

Повик за младинската размена “The World of Roma” – Мурска Собота, Словенија

Регионалната Ромска Образовна Младинска Асоцијација објавува повик за младинската размена “The World of Roma” која што се оддржува во Мурска Собота од 08 до 16 ноември 2019 година.

На младинската размена ќе учествуваат 36 млади Роми и не-Роми од 6 европски држави (Словенија, Унгарија, Словачка, Македонија, Италија и Романија). Учесниците ќе ги истражуваат можностите на младите Роми, и пред сè, активностите на припадниците на Ромската заедница во областите на историјата, образованието, толеранцијата, културата, традициите, кујната и ракотворби. Младите учесници ќе  имаат можност да ги споделат своите приказни и искуства за Ромската заедница, фокусирајќи се на примери на добри практики од секоја земја-учесник и посета на најголемата ромска населба во Словенија – Пушча.

Младинската размена има за цел да ја доближи Ромската култура до учесниците, ставајќи акцент  на зачуваните карактеристики на заедницата како што се јазикот, музиката итн. Но, исто така од другата страна се бори против стереотипите и дискриминацијата насочени кон оваа заедница, овозможувајќи им на учесниците да научат повеќе за Ромската култура, традиција, јазик и историја.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 30години (можни се исклучоци)
  • средношколци/ки, младински работници/чки, волонтери/ки, лидери/ки
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 09 октомври 2019 година (среда), до крајот на денот (23:59)!

Ве очекуваме!

Ви благодариме за покажаниот интерес!

Categories
Новости

Младите од Македонија учествуваа на одбележување на 75 годишнината од Ромскиот геноцид

Регионалната Ромска Образовна Младинска Асоцијација од Кратово учествуваше со претставници од Македонија на настанот за оддбележување на 75 годишнината од геноцидот врз Ромите за време на Втората светска војна. Настанот се оддржа од 29 јули до 3 август 2019 година во Краков, Полска.

Настанот се организира од 2010 година од страна на интернационалната Ромска младинска мрежа ternYpe (http://ternype.eu/) како иницијатива за сеќавање на Ромскиот геноцид, односно 2 август (http://2august.eu/). Низ годините, настанот успеа да прерасне во традиционално младинско одбележување и сеќавање на Ромскиот геноцид. Годинава, учествуваа околу 500 млади Роми и не-Роми од 25 европски земји на работилниците и едукативните настани во Краков и посети на музејот Аушвиц и комеморацијата во Аушвиц-Биркенау.

Едукативната програма за 2019 година се состоеше од 16 работни групи под водство на 2 фасилитатори, вкупно 35 фасилитатори работеа со младите луѓе. Учесниците во работните групи имаа можност да се запознаат и дознаат повеќе за ужасите од страна на нацистите, геноцидот, антициганизмот во модерното време, како и важните датуми 2 август 1944 и 16 мај 1944, но и како да се сеќаваме на 2 август и да превземеме акција во борбата против расизмот.

Еден ден беше посветен за посета на музејот Аушвиц и Аушвиц-Биркенау каде што учесниците низ 8-часовна едукативна тура добија информации за концентрациониот логор и ја посетија изложбата посветена на Ромите во барака бр.13. Исто така, го посетија Аушвиц-Биркенау, односно имаа можност да го видат т.н. Камп на циганските фамилии и да ги посетат остатоците од крематориумот бр.5 каде што ноќта помеѓу 2 и 3 август 1944 година, 4300 Ромски жени, деца и стари лица беа погубени.

Исто така, учесниците имаа можност да се сретнат со Џеси Џексон, истакнат активист за човекови права од Америка.

На 2 август 2019, учесниците беа дел од комеморацијата на Ромскиот геноцид. Оваа година имаше околу 500 млади Роми и не-Роми од 25 европски земји. На последниот ден беа презентирани резултатите од работните групи од страна на учесниците. За повеќе информации поврзани со настанот, можете да ја посетите ФБ страната: https://www.facebook.com/DikhHeNaBister/

Categories
Конкурси Новости

Повик за младинската размена “Tolerance brings Harmony” – Романија

Регионалната Ромска Образовна Младинска Асоцијација објавува повик за младинската размена “Tolerance brings Harmony”, која што ќе се оддржи  од 07 до 18 септември 2019 во Решица, Романија.

Целта на младинската размена е  да ги мотивира и вклучи младите учесници во активности кои што промовираат почитување на човековите права, толеранција и хармонија, како и приближување на концептот на волонтирање и активно граѓанство во адресирањето на дискриминацијата како феномен на исклучување на различните млади луѓе во нашите општества.

54 Учесници од Македонија, Романија, Грција, Германија, Чешка и Италија ќе учат заеднички во интеркултурна средина за концептите на активно граѓанство, застапување, човекови права и волонтерство, и ќе имаат можност низ активности од сферата на неформалното образование да ги зајакнат своите вештини. А, преку театар, музика, и игра да ги претставаат резултатите од оваа размена.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 22 години (можни се исклучоци)
  • средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 19 август 2019 година (понеделник), до крајот на денот (23:59)!

Ве очекуваме!

Ви благодариме за покажаниот интерес!

Categories
Конкурси Новости

Повик за учесници на младинската размена “Здравиот начин на живеење во Ромското секојдневие”

Регионалната Ромска Образовна Младинска Асоцијација објавува повик за учесници на младинската размена која што е дел од проектот “Здравиот начин на живеење во Ромското секојдневие” во соработка со DPMR (Drustvo za podporo mladim Romom) од Марибор, Словенија. Проектот е поддржан од Еразмус плус програмата.

 

Проектот се состои од две младински размени (во Македонија и Словенија), на кои што 24 млади Роми и не-Роми од Македонија и Словенија ќе имаат можност да разменуваат свои искуства и знаења, како и да добијат информации поврзани со секојдневието на младите Роми во двете држави, со акцент за можностите за водење на здрав живот и развој на психо-физичките способности. Истовремено, преку младинските размени да ги акцентираат следните нешта:

  • предизвиците на градење пријателства помеѓу различните етникуми кои што живеат во едно општество;
  • предизвиците на социјално исклучување на младите Роми, кои најчесто се базираат на културните разлики, економските и образовните бариери;
  • развојот на Ромските младински организации во Словенија и Македонија;
  • младинската работа и соработка со акцент на интеркултурата помеѓу младите Роми и останатите млади на мнозинските заедници;
  • подигањето на компетенциите на младите преку не-формално образование;
  • предизвиците на соочување со табу-темите помеѓу младите (Роми).

Првата младинска размена се оддржува од 21 до 30 август 2019 година во хотел Илинден во Струмица (http://hotelilinden.com.mk).

На повикот може да се пријават:

  • Млади Роми и не-Роми од 18 до 29 години (можни се исклучоци)
  • младински работници, волонтери, лидери/ки …
  • Основно познавање на англиски јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 01 август 2019 година (четврток), до крајот на денот (23:59)!

Ве очекуваме!

Ви благодариме за покажаниот интерес!

 

Categories
Конкурси Новости

Повик за младинската размена “Разговараме за волонтерска работа!” – Романија

Регионалната Ромска Образовна Младинска Асоцијација објавува повик за младинската размена “Разговараме за волонтерска работа”, која што ќе се оддржи  од 26  август до 6 септември 2019 во Решица, Романија.

Целта на младинската размена е на учесниците да им овозможи да го разберат концептот на волонтирање, активно граѓанство и да учествуваат активно во процесите на носење одлуки кои ги засегаат младите на локално ниво.

Учесниците од Македонија, Романија, Унгарија, Бугарија, Грција, Турција и Италија ќе учат заеднички во интеркултурна средина за концептите на активно граѓанство и волонтерство и ќе имаат можност низ активности од сферата на неформалното образование да научат за оксфорд дебата, форум театар, играње улоги, и да ги подобрат своите презентациски вештини.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 24 години (можни се исклучоци)
  • средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 01 август 2019 година (четврток), до крајот на денот (23:59)!

Ве очекуваме!

Ви благодариме за покажаниот интерес!

Categories
Новости

Заврши младинската размена “United we stand, divided we fall!”

Во период од 14 до 22 јуни 2019 година, во Поронин (Полска) се оддржа младинската размена насловена “United we stand, divided we fall!”. Младинската размена беше организирана од страна на организацијата Stowarzyszenie Ryza од Краков во партнерство со РРОМА (МКД), Nograd Megyei Cigany Kisebbsegi (Унгарија), Kepviselok és Szoszolok Szovetsege (Унгарија) и Gymnázium Andreja Vrábla Levice (Словачка), а поддржана од Еразмус плус програмата.

Проектот го поддржува процесот на развивање на отворено и толерантно општество, ослободено од стегите на дискриминацијата и предрасудите, пред се на расна и верска основа. Младинската размена во рамките на проектот послужи за промоција на основните европски вредности и принципи, каде што група од  40 млади од 4 европски држави реагираат против дискриминацијата, недостатокот на толеранција,  и против расизам и ксенофобија.

Младите имаа можност да ги прошираат своите видици и хоризонти, да стекнат пошироко познавање и перспектива за засегнатите прашања и активно да учестуваат во креирањето на продуктите на младинската размена (музика, филм, публикација и работилници).

 

Соработката со Stowarzyszenie Ryza ќе продолжи и во наредниот период.