Category: Конкурси

Categories
Конкурси Новости

Повик за младинската размена “Разговараме за волонтерска работа!” – Романија

Регионалната Ромска Образовна Младинска Асоцијација објавува повик за младинската размена “Разговараме за волонтерска работа”, која што ќе се оддржи  од 26  август до 6 септември 2019 во Решица, Романија.

Целта на младинската размена е на учесниците да им овозможи да го разберат концептот на волонтирање, активно граѓанство и да учествуваат активно во процесите на носење одлуки кои ги засегаат младите на локално ниво.

Учесниците од Македонија, Романија, Унгарија, Бугарија, Грција, Турција и Италија ќе учат заеднички во интеркултурна средина за концептите на активно граѓанство и волонтерство и ќе имаат можност низ активности од сферата на неформалното образование да научат за оксфорд дебата, форум театар, играње улоги, и да ги подобрат своите презентациски вештини.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 24 години (можни се исклучоци)
  • средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 01 август 2019 година (четврток), до крајот на денот (23:59)!

Ве очекуваме!

Ви благодариме за покажаниот интерес!

Categories
Конкурси Новости

Можност за EVS во Унгарија

Партнер-организацијата Co-Efficient (Együttható Egyesület) од Будимпешта (Унгарија) бара волонтери за проектот “Piece of my heart”. Селектираните волонтери ќе започнат со волонтирањето од август 2019 година. Фазата на волонтирање ќе се спроведува од август 2019 до јули 2020 година. Волонтерите во текот на нивната волонтерска служба во Унгарија ќе и помогнат на организацијата со активности и младинска работа во младинскиот центар кој што се наоѓа во градот Ѓонѓош на 80 км од Будимпешта.

Што е Ѓонѓош?

Ѓонѓош е град во северо-источниот дел на Унгарија, поточно 80 км од Будимпешта. Вкупната популација во градот е 30.000 жители. Младинскиот центар се наоѓа во центарот на градот, каде што организацијата организира активности со младите луѓе по завршувањето на нивната настава. Прочитајте повеќе за целиот проект во пакетот со информации.

Целите на проектот се:

  • развивање на социјалните, комуникациските и јазичните вештини на младите кои што доаѓаат во центарот, како и на волонтерите;
  • креирање на разнолика програмата за младите од страна на млади;
  • подигнување на учеството во активностите кои што се организираат после школо;
  • подобрување на социјалната одговорност на волонтерите и чувството на солидарност преку вклучувањето во младинска работа и активности со млади кои што доаѓаат од маргинализирани заедници.

Волонтерите ќе имаат можност да ги развијат своите вештини во областите на образование и младинска работа, важни на пазарот на трудот:

  • Дипломатија и конфликт-менаџмент – работата со млади и деца најчесто ги развива вештините за решавање на конфликт
  • Организациски вештини – волонтерите ќе имаат можност да водат и организираат свои лични проекти со младите или локалната заедница
  • Адаптабилност и интеркултурно знаење – волонтерите ќе имаат можност да соработуваат со професионалци и вработени на центарот, и ќе научат да се адаптираат на различните култури и комуникациски вештини.

Задачи и активности на волонтерите:

  • Обука при пристигнување и пред започнување на волонтерството;
  • Обуки со други волонтери во Унгарија организирани од страна на националната Е+ агенција на Унгарија;
  • Неделни активности со други организации од Ѓонѓош;
  • Туторство на деца;
  • Организирање на интеркултурни настани во Ѓонѓош;
  • Организирање на личен проект/работилници од страна на волонтерите кои што се базираат на нивниот личен интерес потпомогнати од страна на ментор кој што е искусен во областа на не-формалното образование;
  • Учење на унгарски јазик;
  • Неделни евалуациони сесии и пишување на електронски дневник за развој;
  • менторство за поддршка на волонтерите*

* Останатите информации за тоа како изгледа работата со децата после школо и распоредот на волонтерите, можат да се најдат во пакетот со информации.

Се нуди:

  • Месечен додаток за храна;
  • Сместување: Волонтерите ќе бидат сместени во изнајмена куќа, која што е опремена и декорирана, сите трошоци вклучувајќи го и интернетот се покриени;
  • Патувањето до Унгарија и назад е покриено од страна на Еразмус плус и правилата на програмата (180 еур по лице за повратен билет);
  • Џепарлак;
  • Здравствено осигурување (Cigna Health);
  • Јазичен курс по унгарски јазик;
  • Менторство во текот на целиот период на проектот;
  • YouthPass сертификат.

Повеќе информации може да најдете на следниот инфо пакет.

Профил на учесниците:

  • На возраст помеѓу 18 и 30 години;
  • Ентузијасти со желба да научат повеќе за инклузија, младинска работа и волонтерство;
  • Имаат минимално знаење за не-формалното образование;
  • Имаат минимум знаење на англиски јазик;
  • Можност да работат во тим.

Како да аплицирате?

Ако сте заинтересирани, ќе ве замолиме да пишете на организацијата на: evs@egyutthato.eu или да се јавите на +36-1-797-2659.

Контакт:

Ако ви требаат повеќе информации за организацијата можете да ги посетите на:

  • https://www.facebook.com/EgyuttHato/
  • http://www.instagram.com/egyutthato/
  • http://www.egyutthato.eu/

Или да пишете на РРОМА на: info@rromassn.org

Ви благодариме на вашиот интерес!

Categories
Конкурси Новости

Повик за младинска размена во Бурса, Турција

Регионалната Ромска Образовна Младинска Асоцијација објавува повик за младинската размена “Donated Me”, која што ќе се оддржи од 30 јули до 5 август 2019 во Бурса, Турција.

Учесниците на младинската размена ќе имаат можност да добијат информации од област на медицината, односно донацијата на органи и трансплантација, ќе истражуваат за општествените состојби низ Европа поврзани со темата, ќе разменуваат информации со учесници од Полска, Турција, Романија, Словачка и Шпанија. Исто така, оваа младинска размена ќе нуди простор за меѓусебно учење за различните култури на учесниците кои што се дел од проектот.

Детални информации поврзани со младинската размена можат да се најдат на линкот.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 20 до 30 година (можни се исклучоци)
  • млади лидери/ки, младински работници, волонтери, студенти заинтересирани на темата
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 27 јуни 2019 година (четврток), до крајот на денот (23:59 часот)!

Ве очекуваме!

Ви благодариме за покажаниот интерес!

Categories
Конкурси Новости

Повик за младинската размена “Know your identity through art” – Романија

Регионалната Ромска Образовна Младинска Асоцијација објавува повик за младинската размена “Know your identity through art”, која што ќе се оддржи од 25 до 31 јули 2019 во Решица, Романија.

 

Учесниците на младинската размена ќе истражуваат за својата култура и идентитет, ќе научат за концептите на зајакнување и активно граѓанство, ќе учат за Ромската култура и наученото ќе го артикулираат преку уметност.

Уметноста може да биде алатка за зајакнување и пренесување на пораките за толеранција и почит, но и прифаќањето на различностите. Учесниците од Македонија, Естонија, Романија, Германија и Чешка ќе имаат уникатна можност да научат нови вештини и техники со кои што истовремено ќе научат и повеќе за различните култури и идентитети низ Европа, вклучувајќи ја Ромската заедница.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 18 до 26 година (можни се исклучоци)
  • млади лидери/ки, младински работници, волонтери, уметници итн.
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 01 јули 2019 година (понеделник), до крајот на денот (23:59 часот)!

Ве очекуваме!

Ви благодариме за покажаниот интерес!

Categories
Конкурси Новости

Повик за младинската размена “United we stand, divided we fall!” – Поронин (Полска)

Регионалната Ромска Образовна Младинска Асоцијација објавува повик за младинската размена “United we stand, divided we fall!”, која што ќе се оддржи од 14 до 22 јуни 2019 во Поронин, Полска (Татра планини).

Учесниците на младинската размена ќе имаат можност да научат повеќе за основните вредности на кои што се темели Европската Унија. Темата на младинската размена е толеранцијата, почитта и прифаќањето на различностите. Учесниците од Македонија, Полска, Словачка и Унгарија ќе учат за човекови права, интеркултурен дијалог, алатки за борба против феноменот на расизмот, ксенофобијата, шовинизмот и фашизмот во нашите општества.

Проблемот со расизмот, нетолеранцијата, социјалната исклученост доаѓа од незнаење, или поточно од страв предизвикан од недостаток на знаење, поради што веруваме дека оваа младинска размена ќе им помогне на учесниците не само да го прошираат своето знаење, туку да развијат почит и толеранција кон разновидноста во нашите општества.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади Роми и не-Роми од 16 до 22 година (можни се исклучоци)
  • млади лидери/ки, младински работници, волонтери итн.
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 10 јуни 2019 година (понеделник), до крајот на денот (23:59 часот)!

Ве очекуваме!

Ви благодариме за покажаниот интерес!

Categories
Конкурси Новости

Избор на “Најпријателски Ромски градоначалник” 2019

Во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација се објавува:

К О Н К У Р С

за избор на „Најпријателски Ромски градоначалник“ од Република Северна Македонија

Краен рок за поднесување на апликации:

6 септември 2019 година, 23:59 часот локално време

Концепт

Изборот за „најпријателски Ромски градоначалник“ се организира за подобрување на дијалогот на локалните власти и Ромската заедница, и добрите пракси на дијалог да станат видливи. Целта на изборот е да биде конструктивна алатка за подобрување на состојбата на Ромската заедница, фокусирајќи се на позитивните примери, без обвинувања на останатите. Фокусирајќи се на филозофијата на зајакнување, мобилизација и еднаков дијалог помеѓу локалните власти и Ромската заедница, изборот може да помогне гласот на Ромската заедница да биде слушнат! Изборот се организира во земјите на западен Балкан и Турција. Покрај тоа, преку критериумите за избор, градоначалниците ќе треба да ја нагласат филозофијата на проектот, односно да го докажат зајакнувањето, мобилизацијата и еднаквиот дијалог помеѓу локалните власти и Ромските заедници, кои што се случиле во текот на 2018 година до септември 2019 година.

Награда

Најдобрите градоначалници, победници од земјите-учеснички од западен Балкан и Турција ќе бидат дел од специјален настан во Брисел кој што ќе се оддржи во октомври 2019, каде што ќе се сретнат со високи претставници на Генералниот директорат за соседство и преговори за проширување (DG NEAR).

Трошоците се покриени од страна на организаторите на изборот во рамките на проектот „Заедничка иницијатива за зајакнување на Ромското граѓанско општество на западен Балкан и Турција“ поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација.

Критериуми за учество

На повикот можат да учествуваат сите градоначалници од Република Северна Македонија. За учество е потребно:

– да ја потполните апликацијата (апликација за избор)

– да доставите исечоци, слики, извештаи, одлуки, документи кои што ги поткрепуваат дадените одговори во апликацијата

– да имате оцена, евалуација или фидбек од страна на Ромската заедница кој што се однесува на вашата работа во вашата општина

*по завршување на рокот за аплицирање, организаторите и претставниците на комисијата за избор го задржуваат правото да ги посетат градоначалниците.

Рок за аплицирање

Краениот рок за испраќање на апликациите и документите за поткрепа е 06 септември 2019 година до 23:59 часот, локално време. Документите можат да се испраќаат по пошта на:

Регионална Ромска Образовна Младинска Асоцијација

Тошо Куковски бб

П.фах 32

1360 Кратово

или на е-маил: info@rromassn.org со дознака „MRFM 2019“

Објавување на резултатите

Независната комисија за избор ќе ги соопшти резултатите за избор кон средината на септември 2019.

За прашања околу изборот можете да пишете на е-маилот: info@rromassn.org.

Проектот „Заедничка иницијатива за зајакнување на Ромското граѓанско општество на западен Балкан и Турција“ е поддржан од Европската Унија во рамките на повикот Europe Aid/150147/DH/ACT/PRAREG со проектен број 2015/370-300 имплементиран од страна на Рома Актив Албанија и партнер-организацијата Регионална Ромска Образовна Младинска Асоцијација

Проектот е финансиран од Европската Унија

Categories
Конкурси Новости

Повик за учество на Dik He Na Bister 2019

Регионалната Ромска Образовна Младинска Асоцијација од Кратово, во соработка со Документациониот и културен центар на германски Синти и Роми, Централниот совет на германските Синти и Роми и ternYpe објавува повик за учесници за учество на Dik He Na Bister 2019.

Овогодишниот проект опфаќа 3 фази:

  1. Подготовка на селектираните учесници за настанот во Краков (Полска). Локацијата и датумот ќе бидат дополнително договорени. Присуството на подготовката е задолжително!
  2. Учество на настанот “Dik He Na Bister 2019” и 75 годишнината на комеморација на Ромскиот геноцид за време на Втората светска војна. Активностите се оддржуваат во Краков (Полска) со посети на музејот “Аушвиц” и присуство на комеморацијата на 2 август во Аушвиц-Биркенау. Настанот се оддржува од 29 јули до 4 август 2019 година;
  3. Настани организирани од учесниците за понатамошна дисеминација на добиените информации во период од септември до ноември 2019 година.

Концепт за 2019:

Концептот за 2019 предвидува едукативен настан за младите учесници од 30 европски земји, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”. Учесниците ќе бидат дел од активностите за сеќавање и одбележување на 75 годишнината на Ромскиот геноцид.
Младите учесници ќе работат со своите фасилитатори во мешани работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во мешани работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовка:

Селектираните учесници од Македонија ќе поминат низ процес на подготовка. Присуството на подготовката е задолжително за сите селектирани учесници!

Локацијата и времето за подготовка ќе бидат дополнително договорени по селекцијата на учесниците.

Бараме учесници:
  • Млади на возраст од 18 до 30 години кои што за првпат ќе бидат дел од настанот;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовката и едукативниот настан да го пренесат во своите заедници;
  • Да присуствуваат на подготовката организирана од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Бараме помлад/a лидер/ка на група:

  • Личност на возраст од 18 до 30 години која што има претходно искуство на темата;
  • Заедно со постариот лидер на групата да се грижат за учесниците;
  • Да работат во мултикултурни групи без предрасуди;
  • Да присуствува на подготовката организирана од страна на РРОМА;
  • Да има познавања од англискиот јазик
  • Да има валиден пасош за патување, со најмалку 6 месеци валидност откако ќе се врати од Полска!

Трошоци

Трошоците поврзани со подготовката, како и за меѓународното патување, храна и сместување за настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде организиран превоз со автобус.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учество, најдоцна до 10 мај 2019 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Можност за присуство на комеморацијата на 2 август 2019 година:

Сите оние кои што се заинтересирани да присуствуваат на 75 годишнината на одбележувањето на Ромскиот геноцид во Аушвиц-Биркенау, истото можат да го сторат покривајќи ги своите трошоци за патување и сместување. Организаторите помагаат околу сместувањето во Краков по поволна цена. За повеќе информации можете да ни пишете на: info@rromassn.org

Ви благодариме на покажаниот интерес!
Categories
Конкурси Новости

Повик за учество на семинарот за застапување за млади Роми во Брисел 2019

РРОМА заедно со своите партнери бара учесници од Македонија за семинарот за застапување, кој што се оддржува од 16 до 22 март 2019 година во Брисел.

Учесниците ќе имаат можност да бидат дел од активностите на Ромската недела во Брисел, која што се оддржува од 18 до 21 март 2019 година во Европскиот парламент.

Семинарот им овозможува на младите учесници да развијат разбирање за функционирањето на различните структури и работни механизми во рамките на ЕУ институциите, да добијат информации за ЕУ политиките кои што ги таргетираат Ромите и да креираат свои стратегии за застапнување и кампањи за подигање на свеста за Антициганизмот на европско ниво.

Профил на учесници:

  • млади Роми и не-Роми, младински лидери, активисти, волонтери
  • на возраст од 18 до 30 години
  • да го користат англискиот како работен јазик

Повеќе информации за профилот на учесници и повикот има на линкот.

Датуми на активноста:

  • Пристигнување: 16 март 2019
  • Активности: 17-21 март 2019
  • Заминување: 22 март 2019

Локација:

  • Семинарот се организира во Брисел. Детални информации ќе следат по селекцијата на учесници.

Патување и трошоци:

  • Учесниците ќе треба да си го организираат патувањето до Брисел по добивањето на потврдата за учество. Организаторите ќе рефундираат патни трошоци во износ до 200 евра. Повеќе информации поврзани со патните трошоци има на линкот даден погоре.

Аплицирање:

  • Учесниците аплицираат со потполнување на апликацијата: https://goo.gl/NK7n8G
  • Краен рок за аплицирање е 20 февруари 2019, до крајот на денот!

Семинарот е поддржан од Еразмус плус програмата.

Categories
Конкурси Новости

ЕВС можност во рамките на проектот “Волонтерство и образование за граѓанско учество”

Можност за волонтирање во Романија!!!

    

Бараме волонтер од Македонија, кој што заедно со 4 волонтери од Португалија, Финска, Бугарија и Шпанија ќе учествува во проектот „Волонтерство и Eдукација за Граѓанско Учество“. Фазата на волонтирање ќе се спроведува од 01.03.2019 до 29.02.2020 година. Волонтерите во текот на нивната 12-месечна волонтерска фаза во Решица ќе му помогнат на здружението Nevo Parudimos со младинска работа во локалната заедница.

Главните активности се:

  • Неделни активности во 3 училишта во обесправените заедници од Решица, користејќи методи на неформално образование;
  • Неделна активност со локален форум-театар, танц, музика;
  • Месечни активности за промовирање на ЕВС и волонтерство, како и регрутирање на нови волонтери;
  • Неделна активност за промовирање на јазиците, т.н. Јазично кафе;
  • Вклучување во работната канцеларија на организацијата (2 дена / неделно) он-лајн промоција на проекти, теренска работа за истражување;
  • Менторство;
  • Англиски јазик со нашите локални волонтери;
  • Проекти на волонтерите кои ќе го промовираат граѓанското учество, волонтерството и толеранцијата во Решица еднаш на секои 3 месеци.

Што нудиме?

  • Додаток за храна од 120 € месечно;
  • Сместување: Волонтерите ќе бидат сместени во изнајмен стан, двокреветни соби. Станот е опремен и декориран;
  • Надоместок за патување за меѓународен транспорт и локален превоз;
  • Џепарлак од 60 € месечно;
  • Здравствено осигурување (Cigna Health);
  • Телефон и кредит за телефонот;
  • Јазичен курс по романски јазик;
  • Менторство во текот на целиот период на проектот;
  • YouthPass сертификат.

Повеќе информации може да најдете на следниот инфо пакет.

Профил на учесниците:

  • На возраст помеѓу 18 и 30 години
  • Ентузијасти со желба да научат повеќе за инклузија, граѓанско учество и волонтерство.
  • Имаат минимално знаење за неформалното образование.
  • Имаат минимум знаење на англиски јазик.
  • Можност да работат во тим.

Како да аплицирате?

Ако сте заинтересирани да бидете волонтер, ќе ве замолиме да го пополнете формуларот за аплицирање.

Контакт:

Ако ви требаат повеќе информации, можете да ја контактирате организацијата во Романија на:

  • Nevo Parudimos: е-пошта: nevo.mobilities@gmail.com; телефон: +40738845447 (Лила Хорват, Меѓународен координатор на проектот)

Или да не контактирате на:

  • РРОМА: е-пошта: urmeta@rromassn.org; телефон: +38978343900 – Урмета Арифовска (програм координатор на РРОМА)

Останати партнери:

Categories
Конкурси Новости

Повторен повик за ангажирање на експерт во рамките на проектот „Од Фантоми до Активни граѓани“

Повторен повик – бидејќи немаше пријавени на првиот повик!

Повик 02/18

Регионалната Ромска Образовна Младинска Асоцијација во рамките на проектот „Од Фантоми до Активни граѓани“ објавува повик за ангажирање на експерт за спроведување обука за работа и употреба на прирачникот за работа на терен со лица без документација.

Проектот „Од Фантоми до Активни граѓани“ има за цел да работи на еднаков пристап на лицата без документи до јавните добра и услуги пружени од државата преку воспоставување на механизам и алатки за застапување на законски измени за решавање на нивниот статус.

Во рамките на оваа активност се предвидува одржување на обука на 30 лица кои работат на терен, со цел да ги зголемат своите вештини и знаење за идентификување, процесирање и затворање на случаевите и практично користење на прирачникот.

Од експертот се очекува:

  • Подготовка на методологија за обука
  • Испорака на обука
  • изработка на извештај за спроведената обука
  • помош при дисеминацијата на прирачникот за работа на терен со лица без документација

Експертот ќе биде ангажиран вкупно 4 работни дена во рамките на оваа активност. Максимумот на понуда по еден работен ден изнесува 80 евра.

РРОМА прифаќа апликации кои што во целост ги следат дадените инструкции на линкот подолу:

Инструкции за аплицирање

Лицата кои што ќе ја поминаат првичната селекција ќе бидат поканети на интервју. Нивниот ангажман ќе започне веднаш по потпишувањето на договорот за извршување на горенаведените задачи.

Краениот рок за аплицирање е 19 ноември 2018 година до 17.00 часот со испраќање на потребната документација на емаил адресата: info@rromassn.org со предмет: Повик 02/18. Апликациите кои што ќе пристигнат после предвидениот рок нема да се земат во предвид.

Проектот „Од Фантоми до Активни граѓани“ е поддржан во рамките на повикот за суб-грантирање на граѓански организации Бр. 0818-6.1 објавен од здружението Иницијатива за социјална промена – ИнСоК –Скопје во соработка со Ромскиот едукативен центар “Амбрела”, Хуманитарно и добротворно здружение на Ромите “Месечина“ – Гостивар и Здружението за заштита на правата на Ромите – Штип, во рамки на проектот “НАДВОР ОД КРУГОТ- НЕВИДЛИВИ ВО ОПШТЕСТВОТО” поддржан од Програмата за поддршка за граѓанските организации во рамките на програма за акција на граѓанското општество 2015 / Инструментот за претпристапна помош (ИПА) Europe Aid / 151569 / DD / ACT / MK