Category: Конкурси

Categories
Конкурси Новости

Повик за првата младинска размена во рамките на проектот “Terne thaj bukjarne – Young and hardworking”

Регионалната Ромска Образовна Младинска Асоцијација објавува повик за првата младинска размена „Terne thaj bukjarne – Young and hardworking”, која што ќе се оддржи  од 21 до 30 јуни 2018 во младинскиот камп Марабу (https://www.facebook.com/MarabuMilcoveni/) во Милковени, Романија.

Темите кои што се опфаќаат се: младинското вработување и кариерното советување на младите, како важни фактори  за осамостојување и зајакнување на младите. Кариерното насочување и изборот на образование е важен дел од животот на младиот човек. Токму за таа цел младинската размена им помога на младите Роми и не-Роми полесно да се вклучат во општеството и бидат активни граѓани. Но, исто така да научат како се гради кариера и како да се справат со процесите на барање на работа и вработување.

Младинската размена е поддржана од Еразмус плус програмата на Европската комисија.

На повикот може да се пријават:

  • Млади од 16 до 22 години (можни се исклучоци)
  • средношколци, младински работници, волонтери
  • Работен јазик е англискиот јазик, но со можност за меѓусебна поддршка од страна на останатите учесници

Трошоците поврзани со младинската размена и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 16 јуни 2018 година (сабота), 18:00 часот!

Ве очекуваме!

Ви благодариме за покажаниот интерес!

Categories
Конкурси Новости

Повик за младинската размена “Be professional in Audio-Visual”

Регионалната Ромска Образовна Младинска Асоцијација објавува повик за младинската размена “Be professional in Audio-Visual” која што ќе се оддржи од 02 до 12 јуни 2018 година, во младинскиот камп Марабу, Милковени, Романија.

Целта на проектот е преку заеднички напори и соработка на младите Роми и не-Роми да претстави примери на соработка, комуникација, анти-дискриминација и социјално вклучување на младите. Тргнувајќи од претходните искуства сакаме да направиме повеќе од она што досега го направивме и научивме од младите луѓе, и од искуствата на другите земји кога станува збор за аудио-визуелно изразување. Веруваме дека преку аудио-визуелно изразување во вид на емитувања на пораки и медиумски активности можеме да влијаеме врз намалувањето на негативните ставови врз одреден дел на населението и да генерираме прифаќање на различностите, особено на Ромите.

Проектот им помага на младите да откријат нови вештини, да ја подобрат комуникацијата преку аудио-визуелно изразување на своите чувства и во секоја порака да пренесат идеја за промена, толеранција и прифаќање, да ги откријат придобивките од учеството во Еразмус плус програмата и да им ја ги покажат својата култура на другите учесници од Романија, Шпанија, Италија, Турција и Бугарија.

Младинската размена се оддржува од 02 до 12 јуни 2018 година, во младинскиот камп Марабу во Милковени, Романија, каде што 1 и 13 јуни се предвидени денови за патување. Размената е поддржана од Еразмус плус програмата на Европската комисија.

На повикот може да се пријават:

  • Млади од 18 до 30 години
  • Младински активисти, волонтери, уметници …
  • Работен јазик е англиски јазик, но со можност за меѓусебна поддршка од страна на останатите учесници
  • Комуникативни млади, со желба за нови знаење и развивање на своите аудио-визуелни вештини

Трошоците поврзани со младинската размена се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 25 мај 2018 година, 18:00 часот!

Ви благодариме на покажаниот интерес!
Categories
Конкурси Новости

Повик за учество на проектот за сеќавање на Ромскиот холокауст

Регионалната Ромска Образовна Младинска Асоцијација од Кратово, во соработка со ternYpe објавува повик за учесници на проектот за сеќавање на Ромскиот холокауст. Овогодишниот проект опфаќа 3 фази:

  1. Младинска размена “Romany – Remembrance, Action, Youth!” на темата во Кратово од 8-16 јуни 2018, која што служи како подготовка за главниот настан во Краков, Полска;
  2. Учество на настанот “Dik He Na Bister 2018” за комеморација на Ромскиот геноцид за време на Втората светска војна, кој што ќе се оддржи во Краков, Полска со посети на музејот “Аушвиц”. Истиот се оддржува од 29 јули до 4 август 2018 година;
  3. Настани организирани од учесниците за понатамошно проследување на добиените информации во период од септември до ноември 2018 година.

Концепт за 2018

Концептот за 2018 предвидува едукативен настан за младите учесници од 25 европски земји, кои што ќе бидат дел од работните групи предводени од фасилитаторите на настанот. Предност ќе им биде дадена на младите кои што за првпат ќе го посетуваат настанот и музејот “Аушвиц”.
Младите учесници ќе работат со своите фасилитатори во мешани работни групи на темите на Ромската историја, Ромскиот геноцид, Антициганизмот и улогата на младите во борбата против модерните облици на расизмот.

Учесниците ќе останат во мешани работни групи од почетокот до крајот на настанот за да се осигура стабилна група која што заедно со своите врсници ќе поминат низ едукативниот процес на настанот потпомогнати од своите фасилитатори.

Подготовки

Селектираните учесници од Македонија ќе поминат низ процес на подготвителни активности во вид на младинска размена. Присуството на младинската размена е задолжително за сите селектирани учесници!

Младинската размена се оддржува од 8 до 16 јуни 2018 година во хотел Кратис, Кратово. На истата учество ќе земаат 22 млади од 4 европски земји (Македонија, Германија, Романија и Литванија). Размената е поддржана од Националната агенција за европски образовни програми и мобилност и Еразмус плус програмата.

Профил на учесници
  • Млади на возраст од 18 до 30 години;
  • Да имаат желба да научат повеќе за темата на Ромскиот геноцид за време на Втората светска војна;
  • Да работат во мултикултурни групи без предрасуди;
  • Да бидат подготвени стекнатото знаење од подготовките и едукативниот настан да го пренесат во своите заедници;
  • Да присуствуваат на младинската размена во Кратово организирани од страна на РРОМА;
  • Работен јазик на младинската размена и едукативниот настан во Краков е англискиот јазик. Работниот јазик ќе се користи во работните групи и од страна на фасилитаторите. Се очекува учесниците да имаат активно познавање на работниот јазик. Познавањето на Ромскиот јазик ќе се смета за предност.
  • Да имаат валиден пасош за патување, со најмалку 6 месеци валидност откако ќе се вратат од Полска!

Трошоци

Трошоците поврзани со подготовките, како и за меѓународното патување, храна и сместување за младинската размена во Кратово и настанот во Полска се покриени од страна на организаторите на настанот. Селектираните учесници задолжително го покриваат своето патничко осигурување и трошоците до договореното место за поаѓање од Македонија до Полска и назад.*

* Се мисли на  национални патни трошоци на пр. место за поаѓање Куманово. Учесниците ќе треба да си го покријат патот до Куманово и назад.

Патување до Полска и назад

За патувањето до Полска и назад ќе биде организиран превоз со автобус.

Сместување во Полска

Учесниците ќе бидат сместени во студентскиот дом “Жажек”(Zaczek). Веднаш до него се Универзитетските простории каде што ќе се држат едукативните работилници.

Пријавување

Пријавувањето на повикот за учесници се врши со потполнување на апликацијата за учество, најдоцна до 25 мај 2018 година, 18:00 часот! Апликациите после предвидениот рок нема да се земаат во предвид!

За дополнителни прашања поврзани до настанот за оваа година можете да ни пишете на: info@rromassn.org

Напомена: Со потполнување на апликацијата вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и не учествувате во подготвителните активности, РРОМА го задржува правото вашето место да го понуди на друго лице од резервната листа!

Ви благодариме на покажаниот интерес!
Categories
Конкурси Новости

Повик за младинска размена по повод Херделези 2018

Традиционално, Регионалната Ромска Образовна Младинска Асоцијација го објавува повикот за учество на младинска размена по повод Ромскиот празник Херделези, која што ќе се оддржува во Берлин од 04 до 14 мај 2018 година. Младинската размена е поддржана од Еразмус плус програмата.
Оваа меѓународна размена на млади создава неограничен простор на креативност за 32 млади Роми и не-Роми од 6 земји (Македонија, Романија, Црна Гора, Бугарија, Србија и Германија). Во текот на 10 дена, младите ќе имаат можност да креираат своја приказна и визија врз основа на широк спектар на уметнички методи, вклучувајќи Импро-театар, маски, танц, ритам и музика.
Младинската размена се стреми кон тоа да докаже дека преку употребата на креативни методи, соработката помеѓу Ромите и не-Ромите е можна и реална. Употребувајќи ја креативноста на младите како алатка се промовира меѓукултурен дијалог, анти-расизам и вклучувањето на малцинствата во општеството. Самите учесници се во центарот на вниманието во оваа размена, вклучувајќи се со свои идеи, интереси и вештини, ставајќи го фокусот на процесот на учење и креативност.
Специфичните цели се:
  • да се зајакнат лидерските вештини
  • да се развијат нови методи на работа со млади преку употребата на креативни алатки
  • да се употребат новите вештини во јавност

Резултатите од младинската размена ќе бидат презентирани на Херделези фестивалот во Берлин https://www.facebook.com/events/1243581662408145/Профил на учесници:

  • Активни млади на возраст од 18 до 25 години кои што се активни во својата заедница и имаат желба да работат со млади;
  • Имаат желба да работат во мултикултурна група без предрасуди;
  • Да поседуваат одредени артистички вештини:
  • Познавање на англиски јазик за работа во група;
  • да имаат валиден пасош за патување, со минимум 6 месеци валидност откако ќе се вратат од Германија!
За да се пријавите:
Потполнете го следниот формулар најдоцна до 30 април, 23:59 часот! Формуларите после предвидениот рок, нема да се земаат во предвид!
Место на оддржување:
Берлин, Нојкелн од 04 до 14 мај 2018 година! Учесниците ќе бидат сместени во младинскиот хостел Пегазус (https://www.pegasushostel.de/en/)
Околу трошоците:
Патните трошоци ќе бидат покриени од страна на организаторите според правила на Еразмус плус програмата* Патувањето ќе биде пресметано по WizzAir basic тарифата и покриено од страна на организаторите. Доколку, бидете селектирани на вас останува задолжително да си извадите патничко осигурување!
*Трошоци кои се покриваат се: Авионските карти, сместување и храна!
Напомена: Со потполнување на формуларот вие станувате дел од процесот на селекција. Доколку, бидете селектирани се обврзувате задолжително да извадите патничко осигурување. Исто така, доколку бидете селектирани и биде купена авионска карта за вас, а потоа се откажете, се обврзувате на одговорност да ги покриете трошоците за истата!

Ви благодариме за покажаниот интерес!

Categories
Конкурси Новости

ПОВИК ЗА УЧЕСТВО НА ПРОЕКТОТ “Terne thaj bukjarne – Young and hardworking”

Silhouettes of people dancing on grunge background

РРОМА објавува повик за учество на проектот “Terne thaj bukjarne – Young and hardworking”, кој што започнува од 17 мај до 24 мај со обука во Берлин, Германија. Проектот е поддржан од Еразмус плус програмата.Целта на овој проект е да се подобри искуството и знаењето на младинските работници, волонтери и останатите лица кои што работат со млади во секторот за вработување и кариерно советување со цел да им се даде можност на младите да искусат и да откријат што значи да имаат одредена кариера.

Во проектот се вклучени 8 младински организации од 8 европски држави (Германија, Македонија, Романија, Унгарија, Турција, Франција, Италија и Бугарија) во 4 активности кои таргетираат 158 млади Роми и не-Роми. Предвидените активности се:

а) Обука на младинските работници, волонтери и лидери/ки за младинските размени, која што се оддржува од 17 до 24 мај во Берлин, Германија

б) Прва младинска размена на тема младинско вработување и кариерно советување во Романија од 21 до 30 јуни 2018 (дополнително повик за учесници за младинската размена ќе биде објавен)

в) Втора младинска размена на тема младинско вработување и кариерно советување во Романија од 13 до 22 јули 2018 (дополнително повик за учесници за младинската размена ќе биде објавен)

г) Евалуационен семинар за младинските работници, волонтери, лидери и учесници на младинските размени во Берлин од 20 до 26 септември 2018 година

На проектот и повикот за учество може да се пријават:

  • Млади од 18 до 30 години (можни се исклучоци) кои се заинтересирани за темата;
  • Младински работници, волонтери, лидери/ки;
  • Работен јазик е англискиот јазик, но со можност за меѓусебна поддршка од страна на останатите учесници

Учесниците кои ќе бидат дел од обуката “Terne thaj bukjarne – Young and hardworking” во Берлин задолжително земаат учество на младинските размени “Terne thaj bukjarne – Young and hardworking” како лидери/ки на група.

Трошоците поврзани со проектот и предвидените активности се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 03 мај 2018 година (четврток), 18:00 часот!

Ве очекуваме!

Ви благодариме за покажаниот интерес!

Categories
Конкурси Новости

Повик за изработка на студија во рамките на проектот „Од Фантоми до Активни граѓани“

Повик 01/18

Регионалната Ромска Образовна Младинска Асоцијација во рамките на проектот „Од Фантоми до Активни граѓани“ објавува повик за изработка на студија за проценка  на предложените мерки и закони  кои ги засегаат  лицата без документи, проследена со прирачник за работа на терен со лицата без документација.

Проектот „Од Фантоми до Активни граѓани“ има за цел да работи на еднаков пристап на лицата без документи до јавните добра и услуги пружени од државата преку воспоставување на механизам и алатки за застапување на законски измени за решавање на нивниот статус.

Студијата, ќе служи како проценка на влијанието на регулативата во сенка за оценување на позитивните и негативните ефекти на предложените регулативи и ќе треба да го следи целиот процес започнувајќи од предлог-закон, измени, консултации до проценка на влијание на предложената регулатива од различни аспекти (социјален, економски и сл) и преку предлози, мислења, сугестии со ЕНЕР системот.

Експертите кои што ќе бидат ангажирани ќе направат проценка на влијанието на предложена регулатива преку ЕНЕР системот и ќе го следат следниот процес:Во делот на законската регулатива ќе се анализираат и оценуваат негативните последици односно недоречености во позитивната законска регулатива. Самиот процес почнува со регистрирање во ЕНЕР системот при што се овозможува следење и активно учество во процесот на консултација. Специфично ќе се анализираат и проценуваат следните закони: Закон за вонпарнична постапка, Закон за водење на матична евиденција, Закон за пријавување на живеалиштето и престојувалиштето на граѓаните и Законот за бесплатна правна помош. Во рамките на оваа активност се предвидува експертите да изработат анализа и проценка на негативните ефекти и недоречености на постојаната законска регулатива и истовремено да понудат конкретни препораки за менување на законската рамка.

По изработката на студијата, експертите ќе подготват документ на најдобри практики за решавање на случаевите на лицата без документи, кој што ќе служи како прирачник кој што ќе има за цел да придонесе за зголемена информираност на населението и теренските работници како конкретно да се постапи по однос на конкретни случаи.

Заинтересираните лица на повикот за изработка на студија и прирачник ќе треба да достават:

  • Писмо за интерес, наведувајќи го своето искуство во областа
  • Кратко резиме или биографија
  • Понуда за изработка на студија и прирачник за ангажман од 40 работни дена во временски период од 6 месеци

Лицата кои што ќе ја поминаат првичната селекција ќе бидат поканети на интервју. Нивниот ангажман ќе започне во мај 2018 година.

Краен рок за доставување на документите е 27.04.2018 година, 23:59 часот на емаил: info@rromassn.org со предмет: Изработка на студија 2018. Апликациите кои што ќе пристигнат после предвидениот рок нема да се земат во предвид.

Проектот „Од Фантоми до Активни граѓани“ е поддржан во рамките на повикот за суб-грантирање на граѓански организации Бр. 0818-6.1 објавен од здружението Иницијатива за социјална промена – ИнСоК –Скопје во соработка со Ромскиот едукативен центар “Амбрела”, Хуманитарно и добротворно здружение на Ромите “Месечина“ – Гостивар и Здружението за заштита на правата на Ромите – Штип, во рамки на проектот “НАДВОР ОД КРУГОТ- НЕВИДЛИВИ ВО ОПШТЕСТВОТО” поддржан од Програмата за поддршка за граѓанските организации во рамките на програма за акција на граѓанското општество 2015 / Инструментот за претпристапна помош (ИПА) Europe Aid / 151569 / DD / ACT / MK

Categories
Конкурси Новости

Повик за младинската размена “Rural traditions, learning opportunities 2018”

РРОМА објавува повик за младинската размена “Rural traditions, learning opportunities 2018”, која што се оддржува од 11 до 22 мај 2018 во младинскиот камп Марабу во Милковени, Романија.

Идејата за проектот започна со адресирање на пасивниот однос на младите кон руралните средини и локалните традиции кои што се пред изумирање. Целта на проектот е да се ангажираат младите како активни граѓани во истражувањето, валоризацијата и промоцијата на локалните традиции, кои што многумина ги сметат за застарени и неинтересни.

Нашиот проект има дава простор на 40 млади учесници од 4 европски земји преку размената на културите да станат мотивирани и свесни за својата граѓанска одговорност за зачувување и промовирање на локалните традиции. Исто така, проектот дава можност младите да бидат вклучени во континуиран дијалог помеѓу различните генерации и афирмацијата на загрозените заедници на европскиот простор во туристичкиот, економски и културен развој.

Младинската размена се оддржува од 11 до 22 мај 2018 година, во младинскиот камп Марабу во Милковени, Романија. Истата е поддржана од Еразмус плус програмата на Европската комисија.

На повикот можат да се пријават:

  • млади од 16 до 25 години
  • младински работници, волонтери, уметници…
  • работен јазик е англискиот јазик, но со можност за меѓусебна поддршка од страна на останатите учесници
  • дел од размената е креирањето на перформанс/театар за локалното население
  • посета на урбани и рурални средини и разговори со младите од тие места

Трошоците поврзани со младинската размена се покриени од страна на организаторите.

Заинтересираните учесници можат да се пријават потполнувајќи ја апликацијата најдоцна до 4 мај 2018 година, 18:00 часот!

Categories
Конкурси Новости

Повик за пријавување на учесници во активностите на проектот „Делуваме заедно“!

Повик за пријавување на учесници во активностите на проектот „Делуваме заедно“!

(краен рок за пријавување 20 март, 2018)

Млади сте и сакате да  учите за ромската култура, историја и идентитет? Сакате да знаете како да ги заштитите човековите права? Ако да, тогаш ова е вистинска шанса за вас!  Пријавете се за учество во активностите на Проектот „ Делуваме заедно”  за заедно да им се спротивставиме и да ги надминеме стереотипите и предрасудите!

Проектот „Делуваме заедно” се спроведува во рамки на  Linking, Engagement, Advocacy and Development, LEAD MK стипендирана програма за млади од страна на Надир Усеин,кој  е  поддржан од  Проектот на УСАИД за граѓанско учество.

Целта на проектот „Делуваме заедно ” е да се зголеми разбирањето меѓу младите Роми но и останатите млади кои не се дел од ромската популација но сакаат да знаат повеќе за ромската култура и идентитет и да го промовираат интеркултурниот дијалог. Преку истиот, младите ќе се едуцираат за ромските традиции и култура и ќе ги зајакнат своите лични вештини и знаења за решавање на стереотипите и предрасудите кон Ромите.

Како дел од проектот 20  млади од  Скопје на возраст од 16-24 години  ќе имаат можност да учат во пријатна интеркултурна атмосфера во рамките на следните активности :

  • Шест работилници на следните теми: Идентитетот на ромите, културата и историјата, заштита на човековите права, механизми како да се надминат стереотипите и предрасудите;
  • Настан – означување на денот на отпорот на ромите во концентрационите логори (Споделување идеи со учесниците, каков вид на активност ќе се спроведе за настанот);
  • Кампања за промоција на интеркултурен дијалог, човекови права, интеркултурно разбирање “Did you know”.

 

Како да се пријавите?

Пополнете  ја апликацијата до која ќе дојдете со кликнување на следниот линк и испратете jа до  Надир Усеин  nadir.usein@gmail.com најдоцна до 20-ти март, 2018 год.

Не ја пропуштајте шансата, да делуваме заедно!

Проектот „Деуваме заедно“ е спроведуван од Linking, Engagement, Advocacy and Development – LEAD стипендистот Надир Усеин, финансиски поддржан од Проектот на УСАИД за Граѓанско учество

Проект на УСАИД за граѓанско учество (CEP) • Тел/Факс: +389 2 320 4450; cepmk@ewmi.org; FB CEPMacedonia

Categories
Конкурси Новости

Повик за семинар во Хајделберг, Германија

Регионалната Ромска Образовна Младинска Асоцијација објавува повик за учество на семинарот за млади едукатори кои што работат на темата на Ромскиот геноцид за време на Втората светска војна.

Семинарот за млади едукатори се оддржува во рамките на проектот Realms of Death – Remembrance about the Porajmos in Eastern Europe (REDE), кој што е поддржан од програмата Europe for Citizens од Европската Унија. Проектот се стреми да ја подигне свеста за геноцидот врз Ромите, фокусирајќи се на историјата во различните делови од Европа и ужасните настани како на пр. во Унгарија и Транснистрија. Семинарот им дава можност на учесниците да се сретнат и разговараат со преживеаните од првата и втората генерација, и да ја посетат изложбата во Документарниот и Културен центар на германските Синти и Роми во Хајделберг. Но, исто така им овозможува надоградување на нивните капацитети во водењето на едукативни работилници, сесии и семинари на темите поврзани со Ромскиот геноцид со употребата на алатки од сферата на неформалното образование.

 

                 

Семинарот се оддржува од 23 до 27 април 2018 година во Хајделберг, Германија. Трошоците за патување, сместување и храна се покриени од страна на организаторите. Работен јазик на состанокот е англискиот јазик!

На повикот може да се пријават млади едукатори Роми и не-Роми, истражувачи, студенти, наставници инволвирани во темата на Ромскиот геноцид за време на Втората светска војна, потполнувајќи ја апликацијата на линкот до 24.03.2018 година, 18.00 часот!

Categories
Конкурси Новости

Повик за учество на семинарот за застапување за млади Роми во Брисел

Интернационалната Ромска младинска мрежа „ternYpe“ заедно со партнерот РРОМА  бара учесници од Македонија за семинарот за застапување, кој што се оддржува од 6 до 13 април 2018 година во Брисел.

Учесниците ќе имаат можност да бидат дел од активностите на Ромската недела во Брисел, која што се оддржува од 9 до 12 Април 2018 година во Европскиот парламент.

Семинарот им овозможува на младите учесници да развијат разбирање за функционирањето на различните структури и работни механизми во рамките на ЕУ институциите, да добијат информации за ЕУ политиките кои што ги таргетираат Ромите и да креираат свои стратегии за застапнување и кампањи за подигање на свеста за Антициганизмот на европско ниво.

Учесниците ќе имаат можност да селектираат во која тематска група ќе работат за време на семинарот:

  1. Партиципација – фокусирајќи се на политичкото учество на младите Роми, учество во политичките партии, Европските парламентарни избори во 2019, учество во младински структури итн.
  2. Антициганизам – фокусирајќи се на политиките за борба против антициганизмот во рамките на ЕУ политиките, говорот на омраза, улогата на младите и жените во адресирањето на феноменот итн.
  3. Напредно застапување – фокусирајќи се на евалуацијата на националните стратегии за Ромска интеграција, застапување после 2020 рамката за Роми, социјалните политики после 2020 итн.

Профил на учесници:

  • млади Роми и не-Роми, младински лидери, активисти, волонтери
  • на возраст од 18 до 35 години
  • да го користат англискиот како работен јазик

Повеќе информации за профилот на учесници и повикот има на линкот.

Датуми на активноста:

  • Пристигнување: 6 април 2018
  • Активности: 7-12 април 2018
  • Заминување: 13 април 2018

Локација:

  • Семинарот се организира во Брисел. Учесниците ќе бидато сместени во Hotel Aviation. Детални информации ќе следат по селекцијата на учесници.

Патување и трошоци:

  • Учесниците ќе треба да си го организираат патувањето до Брисел по добивањето на потврдата за учество. Организаторите ќе рефундираат патни трошоци во износ од 200 евра. Повеќе информации поврзани со патните трошоци има на линкот даден погоре.

Аплицирање:

  • Учесниците аплицираат со потполнување на апликацијата: https://goo.gl/forms/1oFCubAdEg1HO60H2
  • Краен рок за аплицирање е 25 февруари 2018, до крајот на денот!

Семинарот е поддржан од Еразмус плус програмата.